भ्रष्टाचार काण्डमा साउदीमा ११ राजकुमार र ४ मन्त्री पक्राउ, विन तलाल पनि पक्राउ !

<p><span style="line-height: 1.42857;">एजेन्सी ।</span><br></p><p>अर्बौंको भ्रष्टाचार मुद्दामा छानविन सुरु लगत्तै साउदी अरबले आफ्ना ११ राजकुमार र ४ बहालवाला मन्त्रीलाई पक्राउ गरेको छ ।</p><p><br></p><p>साउदी अरबको इतिहाँसमै ठूलो भ्रष्टाचार काण्डको रुपमा व्याख्या गरिएको मुद्दामा अर्बपति राजकुरमार आलवालिद विन तलाल पनि पक्राउ परेको बताइएको छ ।</p><p><br></p><p>पक्राउ परेर हिरासतमा राखिएकाहरुको नाम सार्वजनिक गरिएको छैन र कुन भ्रष्टाचार मुद्दामा उनीहरुलाई पक्राउ गरिएको भन्ने पनि स्पष्ट भएको छैन । तर पक्राउ परेकाहरुको संख्या र कतिजना भन्ने खुलाइएको छ ।</p><p><br></p><p>यद्यपि साउदी ब्रोडकास्टर अल अरेबियाले लेखेको छ सन् २००९ मा जेद्दाहमा आएको बाढी र सन् २०१२ मा मर्स वायरसको संक्रमण फैलिएको मामलामा नयाँ शिराबाट जाँच शुरु गरिएको छ ।</p><p><br></p><p>भ्रष्टाचार नियन्त्रण सम्वन्धी नयाँ कमिटी गठन भएको चार घण्टापछि नै उनीहरुलाई पक्राउ गरिएको हो ।</p><p><br></p><p>साउदी अरबको सरकारी समाचार एजेन्सी एसपीएले भनेको छ यस कमिटीको अध्यक्षता क्राउन प्रिन्स मोहम्मद बिन सलमानले गरेका छन् र उनलाई पक्राउ वारेन्ट जारी गर्ने वा यात्रामा प्रतिवन्ध लागाउने अधिकार छ ।</p><p><br></p><p>यसका साथै साउदी नेशनल गार्ड र नौसेना प्रमुख पनि परिवर्तन गरिएको छ । एसपीएका अनुसार किंग सलमानले नेशनल गार्ड मिनिस्टर प्रिन्स मितेब बिन अब्दुल्लाह र नेवी कमाण्डर एडिमिरल अब्दुल्लाह बिन मोहम्मद अल सुल्तानलाई बर्खास्त गरेका छन् ।</p><p><br></p><p>उनलाई हटाउनुको कारण भने आधिकारिक रुपमासार्वजनिक भएको छैन ।</p><p><br></p><p>को हुन् अर्बपति बिन तलाल</p><p>साउदी अरेबियामा भ्रष्टाचार सम्वन्धी मुद्दा छानविनका क्रममा पक्राउ पर्ने ११ जना राजकुमारमा शाही परिवारका एक प्रमुख सदस्य तथा धनाढ्य लगानीकर्ता राजकुमार आलवालिद बिन तलाल पनि भएको ठानिएको छ ।</p><p><br></p><p><br></p><p><br></p><p>साउदी अरेबियाका राजा बिन सलमानले गरेको कारवाहीका क्रममा ११ जना राजकुमारहरु र चार बहालबाला मन्त्रीहरु पक्राउ परेर थुनिएका छन् । यसैगरी थुप्रै उच्चपदस्थ अधिकृतहरुलाई बर्खास्त गरिएको छ । पक्राउ गरेकाहरुको नाम भने सार्वजनिक गरिएको छैन ।</p><p><br></p><p>बिन तलालको गिरफ्तारीको अपुष्ट खबरले ठूलै सनसनी मच्चाएको छ । यसलाई राजा बिन सलमानको कार्यकालकै सबैभन्दा आक्रामक कदमका रुपमा पनि लिइएको छ ।</p><p><br></p><p>विन तलाल पक्राउ परेको अझैसम्म पुष्टि भएको छैन । यदि उनी पक्राउ परेको पुष्टि भए घटनाले अर्को मोड लिनसक्छ किनकी उनलाई साउदी राजतन्त्रका पब्लिक र आर्थिक अनुहारका रुपमा लिने गरिएको छ ।</p><p><br></p><p>साउदी शाही परिवारका सबैभन्दा प्रमुख सदस्य मानिएका बिन तलाल अमेरिकी र अन्य अन्तर्राष्ट्रिय सञ्चारमाध्यममा छाउने गर्थे ।</p><p><br></p><p>उनलाई अमेरिकाको टाइम्स म्यागजिनले २००८ मा नै विश्वका १०० शक्तिशालीहरुको सूचीमा राखेको थियो । अमेरिकामा शिक्षा आर्जन गरेका यी अर्बपति परोपकारी तथा लगानीकर्ताले अमेरिकी कर्पोरेट जाइन्टहरु जस्तै सिटिग्रुप, एप्पल, ट्विटर, लगायतमा ठूलो लगानी गरेका छन् ।</p><p><br></p><p>सन् १९९१ र १९९५ को बीचमा उनी हालका अमेरिकी राष्ट्रपति डोनाल्ड ट्रम्पको उद्दार गरेका थिए जब उनको रियल स्टेट साम्राज्य संकटमा परेको थियो । बिन तलालले ट्रम्पको एउटा नौका खरिद गर्नुका साथै उनको प्लाजा होटलमा पनि लगानी गरेका थिए ।</p><p><br></p><p>उनले नेपालका भूकम्पपीडितलाइ १० करोड रुपैयाँ सहयोग गरेका थिए । उनी २६ कात्तिक २०६७ मा नेपाल आएका थिए । उनलाई नेपालको सबैभन्दा ठूलो मानपदवी ‘महाउज्जवल राष्ट्रिय मानपदवी’बाट सम्मान समेत गरिएको छ ।</p>