बालकृष्ण ढुंगेल सदरखोर चलान, आजैबाट १२ वर्ष ५ महिना २२ दिन जेलको बास

<p><span style="line-height: 1.42857;">काठमाडौं ।</span><br></p><p>हत्या अभियोगमा सर्वस्वसहित जन्मकैद सजाय पाएपछि फरार रहेका माओवादी नेता बालकृष्ण ढुंगेललाई प्रहरीले पक्राउ गरी सदरखोर जेल चलान गरेको छ ।</p><p><br></p><p>प्रहरीको केन्द्रीय अनुसन्धान व्यूरो सीआईबीको टोलीले ढुंगेललाई पक्राउ गरि सदरखोर चलान गरेको छ ।&nbsp;</p><p><br></p><p>पहिलो संविधानसभा २०६४ मा ओखलढुंगा २ बाट निर्वाचित ढुंगेल सभासद रहेकै बेला सर्वोच्चले दोषी ठहर गरेको थियो । तर, सर्वोच्चले फैसला गरेपछि लुक्दै आएका उनलाई माओवादीले नै लुक्न सघाउँदै आएको थियो भने प्रहरीले राजनीतिक दबावमा नभेटेको भनि खोजि नगरि बसेको आरोप लाग्दै आएको थियो । उनीसँगै सजाय तोकिएका पूर्वमाओवादी नेता पुष्कर गौतम भने प्रहरीले पक्राउ गरेपछि अहिले जेलमै छन् ।</p><p><br></p><p>ढुंगेलको सजाय माफीका लागि तत्कालिन बाबुराम भट्टराई सरकारले राष्ट्रपति समक्ष सिफारिस गरेपनि सर्वोच्चले सिफारिस कार्यान्वयन रोकिदिएको थियो ।</p><p><br></p><p>सर्वोच्चले ३१ चैत २०७३ मा सात दिनभित्र ढुंगेललाई पक्राउ गर्न आदेश दिएको थियो ।</p><p><br></p><p>मंगलबार ललितपुरबाट सादा पोषामा रहेका प्रहरीले उनि लुकेर बस्दै आएको कोठाबाट बाहिर निक्लेको समयमा मंगलबार अपरान्ह पक्राउ गरेर &nbsp;जिल्ला अदालतमा उपस्थित गराएर सदरखोर चलान गरेको हो ।</p><p><br></p><p>अदालतका अनुसार ढुंगेल मंगलबारको मितिबाट अब १२ वर्ष पाँच महिना २२ दिन जेल बस्नु बस्नेछन् ।</p><p><br></p><p>ढुंगेललाई प्रहरीले पक्राउ गरेपछि माओवादी नेताहरुले भने शान्ति प्रक्रियामाथिको हस्तक्षेप भन्दै रिहाइको माग गरेका छन् ।</p><p><br></p><h3><a href="https://topnepalnews.comNational/11439">हत्या अभियोगमा जन्मकैद सजाएपछि फरार बनेका बालकृष्ण ढुंगेललाई ‘दाह्रीवाल’ले पक्रियो</a></h3>