ट्रम्प जापान भ्रमणमा आउँदै, उत्तर कोरिया मुख्य वार्ताको बिषय

<p><span style="line-height: 1.42857;">टोकियो ।</span><br></p><p>५ नोभेम्बर देखि ८ सम्म तीन दिन जापानको भ्रमणमा आउन लागेका अमेरिकी राष्ट्रपति डोनाल्ड ट्रम्प अहिले यहाँ मुख्य समाचारको विषय बन्न थालेका छन् ।</p><p><br></p><p>उत्तर कोरियाले जापानको आकाश हुँदै दुई क्षेप्यास्त्र प्रहार गरेपछि सुरक्षा चुनौतिमा परेको जापानी प्रधानमन्त्री शिन्जो आवेले यसबिच दुई पटक ट्रम्पसँग भेटवार्ता गरिसकेका छन् ।</p><p><br></p><p>दुई देश प्रमुखबिच हुने जापानको शिखर वार्ता उत्तर कोरियाको सुरक्षा चुनौतिकमा केन्द्रित रहने भन्दै जापानी मिडियाहरुले वार्ताले ठोस निर्णय गर्ने अनुमान लगाउन थालेका छन् ।</p><p><br></p><p>गत मंगलबार अमेरिकाको मन्त्रिमण्डलले पनि यहि कुरालाई पुष्टि गर्दै ट्रम्पको जापान भ्रमण तय गरेको छ ।</p><p><br></p><p>पहिलो पटक जापान भ्रमणमा आउन लागेका ट्रम्पले यहाँ रहँदा सम्राट आकिहितो र साम्राज्ञी मिचिको सहित उत्तर कोरियाद्वारा अपहरण भएका जापानिज परिवारसंग भेट्ने बताइएको छ ।</p><p><br></p><p>मुख्य सचिव योशिहिदे सुगाले कोरियाली प्रायद्धिपमा बढ्दै गएको सुरक्षा स्थितिको सन्दर्भमा ट्रम्पको भ्रमण महत्वपूर्ण रहेको बताएका छन् ।</p><p><br></p><p>यस भ्रमणमा दुई नेताहरूबीच विश्वका अन्य मुद्दाहरूको विषयमा छलफल हुनुका साथै जापान र अमेरिकाको द्विपक्षीय गठबन्धनको महत्व दर्शाउने एक राम्रो अवसर रहेको सुगाले बताएका छन् ।</p><p><br></p><p>अमेरिकासम्म क्षेप्यास्त्र प्रहार गर्नसक्ने उत्तरको दाबी, आणविक तथा हाइडेजन बम परिक्षण लगायतले अमेरिकाले उत्तरमाथि राष्टसंघमा दबाव बढाएर विभिन्न नाकाबन्दी लगाउँदै आएको छ ।</p><p>यसका बावजुद निरन्तर क्षेप्यास्त्र परिक्षण तथा आणविक बमको बिकास गरिरहँदा दक्षिण कोरियासँगको सहकार्यमा अमेरिकाले युद्ध अभ्यास अघि बढाउँदा कोरियाली प्रायद्धिपमा विवाद बढ्दो छ ।</p>