नेपाली भूमि मिचेर भारतीय बस्ती हुँदा समेत सरकार मौन

<p><span style="line-height: 1.42857;">मोरङ ।</span><br></p><p>देशमा सरकार छ, प्रहरी, सिमा सुरक्षा प्रहरी बल र सेना सहित सिंगो सरकार छ । मोरङको जहदा गाउँपालिकामा नेपाली भूमि मिचेर भारतले बस्ती बसाउँदा समेत मौन शेरबहादुर देउवा सरकार देख्दा सबै जिम्दा भएर पनि मरे सरह ठान्छन् सिमाका नेपाली ।</p><p><br></p><p>जिल्लाको जहदा ७ तारेगामास्थित नेपाल भारत सीमास्तम्भ जंगेपिलर पीपी १७४÷पीपी ६२ नम्बरसँगै टाँसेर भारतीयले घर बनाएका छन् ।</p><p><br></p><p>सीमाक्षेत्रमा भेटिएका स्थानीय सञ्जयकुमार साहका अनुसार जनवरीमा नेपाल भारत संयुक्त टोलीले सीमाक्षेत्रको नापी गरेको थियो । त्यसबेला सीमास्तम्भभन्दा उत्तरतर्फ नेपालीका केही घर हटाइएको भए पनि भारतीय बस्ती भने जस्ताको तस्तै छन् ।</p><p>&nbsp;</p><p>अन्नपूर्णमा पत्रकार कुमार लुइँटेल लेख्छन् विराटनगरको रानी भन्सारबाट यो स्थान मात्र १७ किलोमिटर दूरीमा पर्छ, तारेगामको उक्त बस्ती । त्यहाँसम्म पुग्न केही कालोपत्रे सडक भए पनि धरैजसो भाग भने कच्ची ग्राभेल पर्छ ।</p><p><br></p><p>भारततर्फ बिहार राज्यअन्तर्गत अररिया जिल्लाको सोनामनी गोदाम पर्छ भने नेपालतर्फ चाहिँ जहदा गाउँपालिकाको वार्ड नम्बर ७, तारेगामा बजार पर्छ । दुईतर्फ बस्तीको बीचमा केही भाग खाली जस्तो त देखिन्छ तर दसगजा क्षेत्र कहाँ हो भनेर छुट्ट्याउन सक्ने अवस्था छैन । ‘नो म्यान्स ल्यान्ड’ निर्जन भनिने नेपाल भारत सीमाको दसगजा क्षेत्रमा नेपाल र भारत दुवै देशले दस दस गज खाली छाड्नुपर्ने हो ।</p><p><br></p><p>जंगेपिलरभन्दा पूर्वपट्टिको भूभागमा भारतले दसगजा क्षेत्र मिचेर पक्की सडक बनाएको छ । अग्लो पारेर सिमेन्ट ढलान गरेर बनाइएको उक्त बाटोका कारण यसपटकको बाढीमा पनि नेपालीका घरहरू डुबेको पनि सञ्जय साहले बताए ।</p><p><br></p><p>जंगेपिलरभन्दा पूर्वपट्टिको भूभागमा भारतले दसगजा क्षेत्र मिचेर पक्की सडक बनाएको छ । अग्लो पारेर सिमेन्ट ढलान गरेर बनाइएको उक्त बाटोका कारण यसपटकको बाढीमा पनि नेपालीका घरहरू डुबानमा परे ।&nbsp;</p><p><br></p><p>‘यो बजरंगबली हनुमान मन्दिर दसगजाको बीचमा छ । यसको ढलान नयाँ भए पनि मन्दिर १५(२० वर्ष पुरानै हो’, सञ्जय साहले मन्दिर देखाउँदै भने, ‘पहिला त कता नेपाल वा भारत भन्ने पनि थिएन । पोहोर साल नापी आएपछि चाहिँ सीमा यहाँ पर्छ भन्नेसम्म भएको छ ।’</p><p><br></p><p>जंगेपिलरभन्दा उत्तर नेपालपट्टि दिन बिराएर हाट लाग्छ । नेपाल भारत दुवैतर्फका मान्छेले त्यहीँ किनमेल गर्छन् । त्यहाँबाट भारतको फारबिसगन्ज १५ र नेपालको विराटनगर १७ किलोमिटर दूरीमा पर्छ । नेपालमा अर्को बजार छैन ।‘यहाँ पनि घरहरू थिए, गतसाल नापी भएपछि बजारका घर हटाइए ।</p><p><br></p><p><br></p><p>स्थानीय युवा विक्रम साहले दसगजा क्षेत्रमा बसोवास गर्ने गरिबहरू रहेको बताए । उनले केही नेपाली पनि दसगजामा बसोबास गर्ने बताए । उनले भने, ‘गत जनवरीमै दुई देशको संयुक्त नापी हुँदा जिमिनदारलाई पनि दसगजा खाली गर्न भारतीय पक्षले भनेको थियो । अझै खाली भएको छैन ।’ त्यहाँ भारतीय पक्षले बनाएको बाटो नेपाली भूमिमा बनेको छ तर सिमेन्ट ढलान गरेर बनाइसकेकाले त्यसलाई नभत्काउन भारतीय सिक्टी पञ्चायतका मुखिया जयकुमार मण्डलले दबाब दिएका छन् ।</p><p><br></p><p>उनी विधायक विजयकुमार मण्डलका सहोदर भाइ भएकाले भत्काउन नेपाल पक्षले नसकेको विक्रमले बताए । स्थानीय मिलेर बसे पनि बेलाबखत भारतीय सशस्त्र सीमा बल ९एसएसबी० नेपाली सीमा क्षेत्रमै आएर दुःख दिने गरेको स्थानीय बताउँछन् ।</p><p><br></p><p>केहीअघि भारतीय सुरक्षाकर्मीले नेपाली भूमिमै आएर एकजना नेपालीलाई पक्राउ गरेपछि त्यसको विरोधमा नेपालीले प्रदर्शन समेत गरेका थिए ।</p>