विशिष्ट अधिकारीको सुविधा घटाउनुको साटो आफैंलाई सुविधा माग्न थाले सांसदहरुले

<p><span style="line-height: 1.42857;">काठमाडौं ।</span><br></p><p>देशका पूर्व विशिष्ट पदाधिकारीहरुलाई दिइने सुविधा बढी भएको भन्दै सार्वजनिक आलोचना भइरहँदा यसको बारेमा छलफलमा सहभागी सांसदहरुले आफ्नै लागि सुविधा माग्न थालेका छन् ।</p><p><br></p><p>बिहिबार भएको व्यवस्थापिका संसदको राज्य व्यवस्था समितिको बैठकमा पूर्वपदाधिकारीलाई सुबिधा दिने सम्बन्धमा भएको छलफलमा सांसदहरुले पूर्व सांसदलाई पनि सुविधा दिनुपर्ने भन्दै भोलीको लागि आफ्नो सुविधा अहिलेनै तोक्ने बाटो खुलाउन खोजेका छन् ।</p><p><br></p><p>संशोधन प्रस्ताव गरेका सांसदहरुले पूर्व पदाधिकारीहरुलाई सुविधा दिदा उनीहरुको उपत्यका भित्र र बाहिर रहेको सम्पतीका विषयमा ध्यान दिनुपर्ने भन्दै पूर्व सांसदलाई पनि यथोचित सेवा सुविधा तोकिनुपर्ने माग गरेका हुन् ।</p><p><br></p><p>व्यवस्थापिका संसदको राज्य व्यवस्था समितिको बैठकमा पूर्व विशिष्ट पदाधिकारीलाई सुबिधा दिने सम्बन्धमा व्यवस्था गर्न बनेको विधेयक माथिको छलफल शुरु भएको हो ।</p><p><br></p><p>संशोधन प्रस्ताव गरेका सांसदहरुले पूर्व पदाधिकारीहरुलाई सुविधा दिदा उनीहरुको उपत्यका भित्र र बाहिर रहेको सम्पतीका विषयमा ध्यान दिनुपर्ने, राष्ट्रपति र उपराष्ट्रपति बाहेकका प्रधानमन्त्री, सभाुमख र मन्त्रीहरु फेरी राजनीतिमा आउने हुदा उनीहरुलाई सुुविधा दिन नहुने, पूर्व सांसदहरुलाई पनि सुविधा व्यवस्था गर्नु पर्ने लगायतका आ–आफ्ना धारणा राखे ।</p><p><br></p><p>बैठकमा गृहमन्त्री जनार्दन शर्माले राष्ट्रपतिलाई आवास वापत मासिक २ लाख र अन्यलाई ७५ हजार, राष्ट्रपतिलाई मन्त्री सरहको इन्धन सुुविधा र अन्यलाई राज्यमन्त्री सरहको इन्धन सुुविधा दिने लगायतका व्यवस्था विषय विधेयकमा रहेको जानकारी गराएका थिए ।</p>