19.12¡ÆC
<p>१८ जेठ, काठमाडौं ।<br>बैंक र बीमा समूहको कारोवार ओरालो लागे पनि जलविद्यूत समूहले मंगलबार पुँजीबजारलाई बढाएको छ ।</p><p>रिडी हाइड्रोपावर कम्पनी, अरुण हाइड्रोपावर, बरुण हाइड्रोपावर, चिलिमे जलविद्यूत, सानिमा माई हाईड्रोपावर, नेशनल हाइड्रो र बुटवल पावर कम्पनीको सेयरले बजारलाई हरियो बनाएर वृद्धि गर्न मद्दत गरेका हुन । <br><br>लगानीकर्ताले केही समययता समूह परिवर्तन गर्दै लगानी गरिरहेका छन् । लगानीकर्ताको छनौट लघुवित्त, बीमा, बैंक हुँदै मंगलवार जलविद्यूतमा पुगेको छ ।</p><p>यसको असर कारोबार रकममा पर्न गै एक अर्ब नाघ्नुको प्रमुख कारण लगानीकर्ताको समूह परिवर्तन नै रहेको बजारका विज्ञहरु बताएका छन । <br><br>मंगलवार जलविद्यूत समूहको परिसूचक मात्रै २२७.१८ अंकले बढ्यो । जलविद्यूत, होटल, विकास बैंक, अन्य र उत्पादनमुलक समूहको सूचक बढेको कारण नेप्से ५.१६ अंकले बढेर बजार बन्द हुँदा नेप्से परिसूचक १५३२ अंकमा पुगेको छ । <br><br> मंगलबार दिनभरमा एक अर्ब ३२ करोड रुपैयाँको सेयर किनबेच भयो । यो रकम औसत भन्दा धेरै हो । <br></p>
