जापानका बाढी पीडितलाई नेपालीले गरे आर्थिक सहयोग

<p><span style="line-height: 1.42857;">टोकियो ।</span><br></p><p>भिषण वर्षा पश्चात आएको बाढी, पहिरो तथा डुबानका कारण घरबार बिहिन भएका जापानको फुकुओका प्रान्तका जापानीहरुलाई नेपालीहरुले आर्थिक सहयोग गरेका छन् ।</p><p><br></p><p>फुकुओका नेपाल सोसाईटी तथा एनआरएनए क्युशु जापानले १ लाख २० हजार येन नगद राहत हस्तान्तरण गरेको जानकारी दिएको छ ।</p><p><br></p><p>बुधबार एनआरएनए क्युसु जापानका अध्यक्ष लक्ष्मण बाँनिया तथा फुकुओका नेपाल सोसाईटीका अध्यक्ष पुरुसोत्तम सिग्देलले आशाकुरा क्षेत्रका मेयर शुनसुके मोरीतासगं भेटगरेर सहयोग रकम हस्तान्तरण गरेका हुन् ।</p><p><br></p><p>मेयर मोरिताले सहयोग रकम बुझ्दै नेपालीहरुबाट पाएको सहयोग आफुहरुको उद्धार योजनामा थप हौसला मिलेको बताउँदै फुकुओकाबासी नेपालीमा धन्यवाद व्यक्त गरेका थिए ।</p><p><br></p><p>आफ्नो क्षेत्रका बासिन्दाको घाउ मेटाउन नेपाली समुदायले गरेको कामको प्रशंसा गर्दै उनले ठूलो हृदय भएका नेपालीहरु भन्दै प्रशंसा समेत गरेका थिए ।</p><p><br></p><p>एनआरएनए क्युसु अध्यक्ष लक्ष्मण बाँनिया तथा फुनेसो अध्यक्ष पुरुसोत्तम सिग्देलले फुकुओका क्षेत्रमा भएको मानविय तथा भौतिक क्षतिमा दुख व्यक्त गर्दै &nbsp;दुई बर्षअघि नेपालमा गएको बिनासकारी भूकम्पका बेलामा जापानवासी नेपालीहरुले गरेको सहयोगको स्मरण गर्दै जापान र नेपालबिचको सम्वन्ध र जनस्तरको सहकार्य सँधै सुमधुर रहने बताए ।</p><p><br></p><p>गत जुलाई पहिलो हप्ता आएको लगातारको भारी बर्षापछिको बाढी, पहिरो तथा डुबानमा परि कम्तिमा १७ जनाको निधन भएको थियो भने ६० हजार नागरिकलाई सुरक्षित स्थानमा स्थानान्तरण गरिएको थियो ।</p><p>तीन हप्तापछि सो क्षेत्रमा बर्षापछिको असर परेका स्थानहरुमा उद्दारको काम सकिएको र पुर्ननिर्माणको काम थालिएको बताइएको छ ।</p>