पाँचथरमा जंगली च्याउ खाएर पाँच जनाको मृत्यु

<p>१७ जेठ, पाचथर ।<br>जिल्लाको आङनामा गाविस १ मा सोमबार जंगली च्याउ&nbsp; खाएर सिकिस्त बिरामी भएका मध्ये उपचारको क्रममा आज पनि एक जनाको मृत्यु भएको छ ।</p><p>बिराटनगरको नोबल अस्पतालमा&nbsp; उपचार गर्ने क्रममा आङना –१ की ३९ बर्षीय मनकुमारी माङलाकको आज मृत्यु भएको हो। यसअघि हिजो ४५ पदममाया माङलाक र उनका १३ बर्षीय छोरी कबिता माङलाक र ५ बर्षीय छोरी सोनी माङलाकको उपचार गर्न लैजाने&nbsp; उपचारको क्रममा बाटो मै मृत्यु भएको थियो ।</p><p>जंगली बिसालु च्याउ खाएर पाँचथरमा सोमबार यता तीन परिवारका पाँचको&nbsp; मृत्यु भएको हो ।</p><p>यसैगरी पाँचथर थर्पु –६ मा जंगली च्याउ खादाँ शनिबार&nbsp; एक बालिकाको मृत्यु भएको छ भने अन्य चार जना सिकिस्त बिरामी रहेका छन् ।<br>च्याउ खाएर मृत्यु हुनेमा थर्पु –६ का धनबहादुर माबोकी ११ बर्षीय छोरी&nbsp; एलिजा माबो रहेकी छन् ।</p><p>त्यस्तै १६ बषीर्य छोरी पुष्पा माबो, ९ बर्षिय छोरी सुलोचना माबो र ६ बर्षीय प्रशान्त माबो सिकिस्त बिरामी रहेका छन् । उनीहरुको थप उपचार धरानस्थित बिपी कोइराला स्वास्थ्य बिज्ञान प्रतिष्ठानमा&nbsp; भइरहेको छ ।<br>उनीहरुले शुक्रबार राती जंगलबाट ल्याएको जंगली च्याउ खाएको बताइएको छ । <br><br></p>