डाक्टरहरुले बाँकेका अस्पतालमा आकस्मिक बाहेकका सबै सेवा बन्द गराए

<p><span style="line-height: 1.42857;">नेपालगञ्ज ।</span><br></p><p>चिकित्सकमाथि हातपातको प्रयास र अस्पतालमा तोडफोड भएको भन्दै चिकित्सकहरुले आजदेखि बाँकेमा अस्पतालका आकस्मिक बाहेक सम्पूर्ण सेवा बन्द गरेको घोषणा गरेका छन् ।</p><p>नेपाल चिकित्सक संघ भेरीले चिकित्सकलाई हातपात तथा दुव्र्यवहार र अस्पतालमा तोडफोड गर्नेबिरुद्द जिल्ला प्रशासनमा लिखित उजुरी दिए पनि कारवाही नभएपछि बाध्य भएर आन्दोलनमा उत्रनुपरेको जनाएको छ ।</p><p>संघले सरकारी अस्पताल, मेडिकल कलेज, निजी अस्पताल, नर्सिङ होम र निजी क्लिनिक बन्द गर्ने निर्णय गरेको हो ।</p><p>घटनामा संलग्न भनिएका सन्दिप सिंह, महेश खतिवडा, यादव बस्याल, कमल शाही लगायतलाई कारवाही गर्न संघले माग गरेको छ ।</p><p>गएको असार २८ गते माँ जानकी अस्पतालमा डा. श्यामसुन्दर यादवमाथि हातपातको प्रयास तथा दुव्र्यवहार भएको र अस्पतालमा तोडफोड भएको चिकित्सक संघले जनाएको छ ।</p><p>अन्य सेवा बन्द भए पनि आपत्कालीन सेवा भने संचालन हुने संघले जनाएको छ ।</p><div><br></div>