नेपाल र अष्ट्रेलियाबीच परामर्श संयन्त्र स्थापना सम्बन्धी समझदारीपत्रमा हस्ताक्षर

<p><span style="line-height: 1.42857;">काठमाडौं ।</span><br></p><p>नेपाल र अष्ट्रेलियाबीच आपसी सहयोग, व्यापार, क्षेत्रीय तथा अन्तर्राष्ट्रिय विषयमा सहकार्य गर्न संस्थागत संरचना स्थापना भएको छ ।&nbsp;</p><p><br></p><p>परामर्श संयन्त्र स्थापनासम्बन्धी समझदारीपत्रमा अष्ट्रेलियाको राजधानी क्यानबेरामा शुक्रबार आयोजित एक कार्यक्रममा परराष्ट्र मन्त्रालयका सचिव शंकरदास बैरागी र त्यहाँका कायम मुकायम परराष्ट्र सचिव ग्यारी क्विनलानले हस्ताक्षर गर्नुभयो ।</p><p><br></p><p>त्यस अवसरमा सचिव बैरागीले नेपालको वर्तमान आर्थिक र राजनीतिक, &nbsp;स्थितिबारे जानकारी गराउँदै राजनीतिक स्थायित्वसँगै नेपालमा विकास तथा लगानीका नयाँ अवसर सिर्जना भएकाले अवसरको सदुपयोग गर्न अष्ट्रेलियाली लगानीकर्ता र व्यापारिक समुदायलाई आग्रह गर्नुभयो ।&nbsp;</p><p><br></p><p><img src="https://topnepalnews.comuploads/posts/3b9996e979311f8df25eb0509a4993ae1500047730.jpg" style="width: 537.823px; height: 416.812px;"><br></p><p><br></p><p>अष्ट्रेलियाको परराष्ट्र मन्त्रालयका कामु सचिव क्विनलानले भूकम्पपछिको पुनःनिर्माणबारे जिज्ञासा राख्दै नेपालसँग व्यापार तथा लगानी अभिवृद्धि गर्न अष्ट्रेलिया सधैँ सकारात्मक रहेको बताउनु भएको क्यानबेरास्थित नेपाली दुतावासले जनाएको छ &nbsp;।</p>