विवादास्पद संविधान संशोधन पारित गराउन प्रधानमन्त्री छलफलमा, पारित हुन नदिने एमाले अडान

<p><span style="line-height: 1.42857;">काठमाडौं ।</span><br></p><p>विवादास्पद संविधान संशोधन जसरीपनि पास गराउनुपर्ने भन्दै प्रधानमन्त्री शेरबहादुर देउवाले संसद् सचिवालयमा दर्ता भएको प्रस्तावमा छलफल सुरु गरेका छन् ।</p><p><br></p><p>यस क्रममा प्रधानमन्त्री देउवा र &nbsp;नेकपा (माओवादी केन्द्र) का अध्यक्ष &nbsp;पुष्पकमल दाहाल प्रचण्डले आज बिहान प्रधानमन्त्री निवास बालुवाटारमा राष्ट्रिय प्रजातन्त्र पार्टीका अध्यक्ष कमल थापा र नेता पशुपति शम्शेर जबरासँग छलफल&nbsp;गरेका थिए ।</p><p><br></p><p>प्रधानमन्त्री देउवाले भेटमा व्यवस्थापिका–संसद्मा दर्ता भएको संविधान संशोधन प्रस्तावमा सहयोग गर्न आफ्नो पार्टीलाई आग्रह गरेको राप्रपाका अध्यक्ष कमल थापाले भेटपछि सञ्चारकर्मीलाई जानकारी दिए ।</p><p><br></p><p>अध्यक्ष थापाले पार्टीको आन्तरिक बैठकमा छलफल गरी संविधान संशोधन प्रस्तावका बारेमा निर्णय लिइने जानकारी प्रधानमन्त्रीलाई आफूले गराएको बताए ।</p><p><br></p><p>सत्ता साझेदार प्रमुख दुई दल नेपाली काँग्रेस र नेकपा माओवादी केन्द्र तथा राष्ट्रिय जनता पार्टीबीच संसदमा दर्ता भएको संविधान संशोधन प्रक्रिया अघि बढाउन हिजो अन्य दलसँग छलफल सुरु गर्ने सहमति भएको थियो ।&nbsp;</p><p><br></p><p>शीर्ष नेताका बीच आउँदो असोज २ गने हुने तेश्रो चरणको स्थानीय तह निर्वाचनका विषयमा पनि आज कुराकानी भएको थियो ।&nbsp;</p><p><br></p><p><b>संविधान संशोधन अमान्यः केपी ओली</b></p><p><br></p><p>विराटनगर</p><p>नेकपा एमालेका अध्यक्ष केपी शर्मा ओलीले मुलुकको &nbsp;हितविपरीत ल्याएको संविधान संशोधनको प्रस्ताव कुनै पनि हालतमा एमालेलाई मान्य नहुने बताए ।</p><p><br></p><p>विराटनगर विमानस्थलमा आज सञ्चारकर्मीसँग कुरा गर्दै ओलीले प्रतिपक्षसँग कुनै सल्लाह समेत नगरी ल्याउन लागिएको संविधान संसोधनको प्रस्ताव स्वीकार्य नहुने बताए ।</p><p><br></p><p>आजै झापाको दमकमा आयोजित विजय उत्सव कार्यक्रममा पूर्व प्रधानमन्त्री ओलीले निर्वाचनमा जित्ने र हार्ने सबैलाई साथ लिएर मुलुकको विकासमा लाग्ने प्रतिबद्धता व्यक्त गरे ।</p>