19.12°C
काठमाडौं,जेठ १५ । सरकारले निजामति कर्मचारीहरुको तलबमा २५ प्रतिशत बृद्धि गरेको छ । संसदमा आर्थिक वर्ष २०७३-०७४को बजेट प्रस्तुत गर्दै अर्थमन्त्री बिष्णु पौडेलले यसको घोषणा गरिएको हो । साथै योगदानमा आधारित निवृत्तिभरणको व्यवस्था गरिने भएको छ । त्यस्तै आगामी वर्षदेखि सांसदलाई निर्वाचन क्षेत्रमा विकास निर्माणका काम गर्न ३ करोड ५० लाख रुपैयाँ दिने भएको छ।
निर्वाचन क्षेत्र विकास कार्यक्रमका लागि ५० लाख र निर्वाचन क्षेत्र पूर्वाधार विकास विशेष कार्यक्रमका लागि ३ करोड दिइने बताए। यसअघि निर्वाचन क्षेत्र विकास कार्यक्रममा २० लाख र पूर्वाधार विकास विशेष कार्यक्रमका लागि १ करोड ५० लाख रुपैयाँ दिने गरिएको थियो।
