बेपत्ता प्रहरीको खोजीका लागि सुरक्षा टोली परिचालन

<p><span style="line-height: 1.42857;">चितवन ।</span></p><p><span style="line-height: 1.42857;">चितवनको मुग्लिङ्ग–नारायण सडकखण्ड अन्र्तगत &nbsp;ईच्छाकामना गाउँपालिका वडा नम्बर ६ स्थित कालिखोलामा हिजो बिहान पहिरोसँगै बगेर बेपत्ता भएका दुई प्रहरी र प्रहरीको भ्यान खोज्न जिल्लाका सबै सुरक्षा निकायको पाँच वटा टोली परिचालन गरिएको छ ।&nbsp;</span><br></p><p><br></p><p>दुई वटा कुकुरसहित पाँचवटा टोलीमा १५० भन्दा बढी सुरक्षाकर्मी परिचालन गरिएको चितवनका &nbsp;प्रहरी नायव उपरिक्षक दीपक श्रेष्ठले जानकारी दिनुभयो ।&nbsp;</p><p><br></p><p><b>प्रहरीको निधनप्रति गृहमन्त्रीद्वारा समवेदना व्यक्त&nbsp;</b></p><p>काठमाडौँ ।</p><p>गृहमन्त्री जनार्दन शर्माले नारायणगढ–मुग्लिन सडक खण्डमा खसेको पहिरो पन्छाउने कार्यमा संलग्न हुँदा प्रहरी सहायक निरीक्षक निश्चलकुमार तामाङ र जवान दीपकुमार मास्केको निधन भएकामा हार्दिक समवेदना प्रकट गर्नुभएको छ ।</p><p><br></p><p>गृहमन्त्री शर्माले आज एक शोक वक्तव्य जारी गर्दै कर्तव्य पालनाको सिलसिलामा दुई राष्ट्र सेवक गुमाउनु परेको र प्रहरी जवानद्वय लीलबहादुर चेपाङ र सन्दिप कार्की समेत बेपत्ता हुनुभएको भन्दै शोक सन्तप्त परिवार, नेपाल प्रहरीका सकल दर्जा र आफन्तमा धैर्य धारण गर्ने शक्ति मिलोस् भन्ने कामना गर्नुभएको छ ।</p><p><br></p><p>गृहमन्त्री शर्माले मृतक प्रहरी कर्मचारीका परिवारलाई राहत तथा बालबालिकाको पठनपाठनको व्यवस्था मिलाउने वचतबद्धता समेत व्यक्त गर्नुभएको छ ।&nbsp;</p>