भूकम्प प्रभावितहरुको पूर्ण तथ्याङ्क सार्वजनिक, सिन्धुपाल्चोक, रसुवा र नुवाकोट बढी प्रभावित

<p><span style="line-height: 1.42857;">काठमाडौं ।</span><br></p><p>केन्द्रीय तथ्याङ्क विभागले भूकम्प अति प्रभावित १४ र प्रभावित १७ गरी ३१ जिल्लामा भूकम्पबाट भएको क्षतिको &nbsp;पूर्ण तथ्याङ्क सार्वजनिक गरेको छ ।</p><p><br></p><p>विभागको कार्यालय थापाथलीमा आज भूकम्प प्रभावित अवास पुनःनिर्माण लगत संकलन कार्यक्रमको संक्षिप्त प्रतिवेदन तथा माइक्रोडाटा सार्वजनिक गर्दै विभागले ३१ जिल्लाका सात लाख ९२ हजार ९८७ घरमा गम्भिर क्षती भएको जनाएको छ ।&nbsp;</p><p><br></p><p>तथ्याङ्क अनुसार दुई लाख ५९ हजार ९४९ घरमा आंशिक &nbsp;क्षती भएको छ । विभागले १० लाख ५२ हजार ९ सय ४८ घरहरुको क्षतीको विवरण घरको प्रकार, स्वामित्व, उचाई क्षेत्रफल, जग्गाको भिरालोपना लगायतका विवरण संकलन गरेको जनाएको छ ।</p><p><br></p><p>विभागले भूकम्पबाट अति प्रभावित १४ जिल्लामा छ लाख ८९ हजार ५०९ निजी घर र १७ जिल्लाका एक लाख तीन हजार ४७८ निजी घर गम्भिर रुपमा क्षती भएको जनाएको छ ।</p><p><br></p><p>तथ्याङ्क अनुसार अतिप्रभाबित १४ जिल्ला मध्ये सिन्धुपाल्चोकमा ९६.१ प्रतिशत, रसुवामा ९४.४, नुवाकोट ९२.३ प्रतिशत र दोलखामा ९२.१ प्रतिशत घर क्षति भएको र &nbsp;सवैभन्दा कम घर क्षती भएका जिल्ला मकवानपुर ३८.५ प्रतिशत, संखुवासभा ४०.४, पाल्पा ४६.४, चितवन ४८.७ र पर्वत ४९.६ प्रतिशत रहेको छ ।</p><p><br></p><p>गम्भिर रुपमा क्षती भएका घरहरु मध्ये माटो र ढुङ्गाले बनेका ८४.५ प्रतिशत र सिमेन्ट र इट्टा ढुङ्गाले बनेका ५.४ प्रतिशत र सिमेन्ट, रड, इट्टा ढुङ्गा पिलर सिस्टमका ४.१ र बास र काठले बनेको ५.८ प्रतिशत रहेको तथ्याङ्कले देखाएको छ ।</p><p><br></p><p>तथ्याङ्क सार्वजनिक गर्दै केन्द्रिय तथ्याङ्क विभागका महानिर्देशक सुमनराज अर्यालले भूकम्प प्रभावित जिल्लाको समग्र तथ्यांक सार्वजनिक पछि नयाँ संरचना निर्माण गर्न सहज हुने बताउनु भयो ।</p><p><br></p><p>महानिर्देशक अर्यालले संघीय संरचना अनुसार स्थानीय तहको कार्यान्वयनमा सहजता ल्याउन पनि यो तथ्याङक निक्कै प्रभावकारी हुने बताउनु भयो ।</p>