९० वटा मतपत्र च्यात्ने माओवादी कार्यकर्ता धरौटीमा छुटे, मतगणना अन्यौलमा

<p><span style="line-height: 1.42857;">चितवन ।</span><br></p><p>चितवनको भरतपुर महानगरपालिकाको ९० वटा मतपत्र गन्न नमिल्ने गरी च्यातिएको पाईएको मुख्य निर्वाचन अधिकृतको कार्यालय चितवनले जनाएको छ ।</p><p><br></p><p>निर्वाचन आयोगको निर्देशनमा आज राजनैतिक दल, उम्मेदवार, &nbsp;प्रतिनिधि, प्रमुख जिल्ला अधिकारी र सुरक्षानिकायका प्रमुखहरुको रोहवरमा शिल गरी राखिएको च्यातिएको मतपत्र गन्दा ९० मतपत्र गन्न नमिल्ने गरी च्यातिएको पाईएको मुख्य निर्वाचन अधिकृत कविप्रसाद न्यौपानेले जानकारी दिनुभयो ।</p><p><br></p><p>निर्वाचन आयोगलाइ आज यस सम्बन्धी प्रतिवेदन पठाइने जानकारी दिँदै उहाँले भरतपुर महानगरपालिका वडा नं. १९ मा कूल २ हजार ८ सय ९७ मत खसेकोमा १ हजार ८ सय ९ मत गणना भईसकेको, ९ सय ९८ मत गन्न मिल्ने अवस्थामा रहेको र बाँकी ९० मत पूर्ण रुपमा नोक्सान भएको बताउनुभयो ।&nbsp;</p><p><br></p><p>मतगणना जारी रहेको बेला गत आईतबार मतपत्र च्यातिएपछि सिल गरेर राखिएको मतगणना केन्द्र खोलेर च्यातिएका मतपत्रको गणना गरिएको हो ।&nbsp;</p><p><br></p><p>यसैबीच मतपत्र च्यातेको अभियोगमा पक्राउ परेका माओवादी केन्द्रका दुई जना प्रतिनिधिलाई आज जिल्ला अदालत चितवनले जनही एक लाख रुपैयाँ धरौटीमा रिहा गरेको छ ।&nbsp;</p><p><br></p><p>च्यातिएको मतपत्रको बिषयमा कुनै निर्णय नभइसक्दा र मतगणना सुरु नहुँदै सत्ता नेतृत्व गरिरहेको माओवादी केन्द्रका दुई कार्यकर्ता धरौटि तिरे छुटेका हुन् ।</p><p><br></p><p>नागरिकले दिएको मतपत्र च्यात्ने कार्यकर्ता छुट्दा माओवादी केन्द्रका जिल्ला तहका नेता कार्यकर्ताले भने खादा ओडाएर स्वागत गरेका थिए ।</p>