मतगणना यस्तै सुस्त भए परिणाम आउनै ९ महिना ७ दिन लाग्ने

<p><span style="line-height: 1.42857;">काठमाडौं ।</span><br></p><p>काठमाडौं महानगरपालिकाको मतगणना सोमबार दिउँसो २ बजे सुरु गरियो । साँझ ९ बजेसम्म ९७ घण्टामा० जम्मा २ सय मत गनियो । एउटा मत गन्न सरदर २।१ मिनेट लाग्यो ।&nbsp;</p><p>यही गतिमा काम अघि बढ्ने हो भने १ लाख ९० हजार मत गनिसक्न ठ्याक्कै ६ हजार ६ सय ५० घण्टा लाग्नेछ । अर्थात् २४ सै घण्टा निरन्तर गन्दा २ सय ७७ दिन खर्चिनुपर्नेछ । त्यो भनेको ९ महिना ७ दिन हो ।</p><p>संसारभरिका नेपाली जति छिटो–छिटो मतगणना होस् भनेर आतुर देखिएका छन्, गणना भने ठीक उल्टो अति सुस्त भइरहेको छ । यसलाई निर्वाचन आयोगले मतपत्रको जटिलता र धेरै उम्मेदवार रहनुलाई कारण देखाएको छ ।</p><p>काठमाडौं महानगरलाई नै उदाहरणका रूपमा लिने हो भने यहाँको मतपत्रमा ३ सय ७४ फरक चिह्न छन् । मतदातालाई चाहेको ठाउँमा मत हाल्न चिह्न भेट्न जति गाह्रो परेको थियो, गणनामा त्यही अवस्था दोहोरिएको छ । एउटै मतपत्रबाट प्रमुखरउपप्रमुखसहित ७ स्थानको मत निक्र्योल गर्न समय लागिरहेको छ ।</p><p>मतगणनास्थलमा रहेका सबै दल र उम्मेदवारका प्रतिनिधिमध्ये कसैले राम्ररी नदेखे मतदान अधिकृतहरूले नजिक लगेर राम्ररी देखाउनुपर्छ । ‘एउटा मतपत्र गन्न कम्तीमा दुई मिनेट लाग्दोरहेछ,’ गणनामा बसेका एक पार्टीका प्रतिनिधिले भने, ‘वडा–वडाको छुट्टाछुट्टै गणना नगर्ने हो भने सक्न महिनौं लाग्छ ।’</p><p>अधिकांश नगरपालिकारगाउँपालिकाले सबै वडाको मतपेटिका एकै ठाउँमा भेला पारेर एक–एक वडाको गर्दै गणना गरिरहेका छन् । ढिलाइ हुनुको प्रमुख कारण यही हो । सामाजिक सञ्जालहरूमा यसको तीव्र आलोचना भइरहेको छ ।</p><p>अधिकांश सर्वसाधारणले जनशक्तिको अभाव वा अन्य के कारण हुन सक्छ भन्दै प्रश्न गरिरहेका छन् । आयोगले जनशक्ति अभावलाई पनि अस्वीकार गरेको छ । राजनीतिक दलहरूले पनि ढिलाइप्रति गुनासो गरिरहेका छन् ।</p><div><span style="line-height: 18.5714px;">कान्तिपुर दैनिकमा जगदीश्वर पाण्डेले समाचार लेखेका छन्।</span><br></div>