नयाँवर्षमा घुम्नैपर्ने ठाँउ दामन, छुट्नु होला है ‘आहा दामन २०७४’ विषेश प्याकेजमा

<p>काठमाडौं । राजधानी काठमाडौंबाट झण्डै ७५ किलोमिटरको दूरी पूरा गरेपछि दामन पुग्न सकिन्छ । शहरको कोलाहलमय व्यस्त दैनिकीलाई एकैछिनलाई थाँती राखेर ‘रिफ्रेसमेन्ट’ चाहनेका लागि दामन उपयुक्त विकल्प बन्दै गएको छ । पछिल्लो समय उल्लेख्य संख्यामा आन्तरिक पर्यटकको ध्यान खिच्न सफल दामनमा अहिले विदेशीभन्दा बढी आन्तरिक पर्यटक जान थालेका छन् । विषेश गरी हिँउद तथा विभिन्न पर्व र अवसरमा पर्यटकहरु दामन पुग्छन् ।<br></p><p>“पहिले विदेशीहरु धेरै आउँथे तर अचेल ९० प्रतिशत पर्यटक स्वदेशी हुन्छन” दामनस्थित एभरेष्ट पानारोमा रिसोर्ट (ईभीआर)का प्रबन्ध निर्देशक सुदेश गौतम क्षेत्रीले बताए । केही वर्षयता स्वदेशी पर्यटकको घुमफिर तथा खर्च गर्ने चलन बढेकाले दामनमा आउने आन्तरिक पर्यटकको संख्या बढेको गौतमको अनुभव छ ।<br></p><p>दामनमा २ दशकभन्दा बढी समयदेखि सुविधा सम्पन्न एभरेष्ट पानारोमा रिसोर्टसँगै काठमाडौंमा इजी ट्रिप ट्राभल कम्पनी समेत सञ्चालन गरेको उनको अनुभवमा नेपालीहरु देशभित्र मात्रै होइन, विदेश घुम्न जाने चलन पनि निकै बढेको छ । अहिले प्रत्येक वर्ष ३ लाखभन्दा बढी नेपाली विदेश भ्रमणमा जान्छन् । र यो संख्या प्रत्येक वर्ष बढीरहेको छ । इजी ट्रिपले विदेशीसँगै आन्तरिक पर्यटनका विभिन्न प्याकेज उपलब्ध गराउँदै आएको उनले बताए ।<br></p><p>ईभीआरले नयाँवर्ष २०७४ को उपलक्ष्यमा ‘आहा दामन २०७४’ विषेश प्याकेज ल्याएको प्रबन्ध निदेशक क्षेत्रीले जानकारी दिए । जस अन्तर्गत ‘२०७४’ रुपैयाँमा बस्नका लागि कोठासँगै डिनर, बे्रकफास्ट र लञ्च गर्न पाउनेछन् । क्षेत्रीका अनुसार यो प्याकेज बैशाख महिनाभरी चल्नेछ ।<br></p><p>समुन्द्र सतहदेखि झण्डै ७ हजार २ सय २० फिट उचाइको यो पहाडी क्षेत्रबाट लहरै उभिएका विश्वका ८ अग्ला हिमशृंखलाको मनमोहक दृश्यावलोकन गर्न सकिन्छ । दामनस्थित एभरेष्ट पानारोमा रिसोर्टबाट विश्वको सबैभन्दा अग्लो हिमशिखर सगरमाथासँगै अन्नपूर्ण, मनास्लु, गणेश हिमाल, लाङटाङ, दोर्जेलाक्पा, गौरीशंकर, चोलगायतका हिमशिखरहरुको ३६० डिग्री मनमोहक पानारोमा दृश्य देखिन्छ । यी हिमशृंखला अवलोकन गर्नका लागि भ्यूटावर पनि छ ।<br></p><p>दामन हाइकिङका लागि पनि प्रसिद्ध गन्तव्य हो । हाइकिङ बाहेक माउन्टेन बाइकिङ पनि गर्न सकिन्छ । दामनबाट सुर्योदय र सुर्यास्तको अनुपम दृश्य देखिन्छ । हिन्दू धर्मालम्बीका लागि ऋषिकेश महादेवस्थान तथा बुद्ध धर्म मान्नेका लागि बौद्य गुम्बा पनि छ । यदि तपाई प्रकृतिप्रेमी हुनुहुन्छ भने विभिन्न प्रजातीका चराको अवलोकनसँगै लालिगुँरासको मनमोहक दृश्यले तपाईलाई खुसी र नयाँ उर्जा प्रदान गर्नेछ ।<br></p><p><br></p><p>राजधानी शहरदेखि दामन टाढा छैन् । राजधानीबाट थानकोट, नौबीसे हुँदै पृथ्वी राजमार्गको नागबेली बाटो हुँदै जानेका लागि तीनदेखि चार घण्टा खर्चनु पर्छ । त्यस्तै, कुलेखानी, मार्खु र टिस्टुङ हुँदै जान पायक पर्नेका लागि पनि सहज बाटो छ । भने चित्लाङको बाटो जाने हुँदै जाने हो भने ४८ किमिको दूरी मात्रै पार गरे पुग्छ ।</p><p><br></p><p>राजधानीबाट मात्रै होइन, तराईबाट पनि दामन नजिकको पर्यटकीय स्थल हो । हेटौडाबाट जम्मा ३३ किमिको दूरीमा दामन पुग्न सकिन्छ । पोखराबाट पनि छोटो दुरीमा दामन पुग्न सकिन्छ । छोटो दुरीमा विल्कुलै फरक मौसमको अनुभवका लागि दामनमा आउने पर्यटकको संख्या वर्षेनी बढ्दैछन । तुलनात्मक रुपमा चिसो ठाउँ भएकाले यहाँ बिरामीहरु पनि छिटो निको हुने गरेको अनुभव रिसोर्टका प्रबन्ध निर्देशक क्षेत्रीको छ ।</p>