16.54¡ÆC
<p><span style="line-height: 1.42857;">काठमाडौं ।</span><br></p><p>नेपालमाथि असमान रहेको सन् १९५० को कथित शान्ति तथा मैत्री सन्धि परिमार्जन वा खारेज गर्न भारत अनिच्छुक देखिएको छ ।</p><p><br></p><p>उल्टै भारतीय नेताहरुले त्यसबेलाको समयमा ुहचुवाका भरमा हस्ताक्षर नगरिएकोु तर्क गर्दै नेपालमाथि असमान रहेको उक्त सन्धिको बचाउ गरेका छन् ।</p><p><br></p><p>नेपाल-भारतबीचको द्विपक्षीय सम्बन्धको बृहत् समीक्षा गर्न गठित प्रबुद्ध व्यक्ति समूह 'इपिजी' का भारततर्फका संयोजक रहेको भगतसिंह कोसियारीले यस्तो बताएका हुन् ।</p><p>एक्काइसौँ शताब्दीअनुकूल नरहेको र नेपालका लागि असमान रहेकाले सन् १९५० को सन्धिका प्रावधान संशोधन गर्न इपिजी नेपालका सदस्यले ठोस प्रस्ताव राखेको भोलिपल्ट भारतीय पक्षले उक्त सन्धिका धारा परिवर्तनबारे आफू सकारात्मक नरहेको बताएका छन् ।</p><p><br></p><p>नेपाली इपिजीका संयोजक भेषबहादुर थापाले तेस्रो इपिजी बैठकपछि बिहीबार आयोजित पत्रकार सम्मेलनमा सन् १९५० का धारा संशोधनमा भारतीय पक्ष सकारात्मक रहेको दाबी गर्नुभएको थियो । 'सन् १९५० को सन्धि त्यतिबेला पनि निकै सुझबुझका साथ हस्ताक्षर गरिएको हो हचुवामा होइन । हाम्रा पूर्वजले दुवै देशको हितलाई हेरेरै सन्धि गरेका हुन् त्यतिबेला', राजधानीमा शुक्रबार आयोजित कार्यक्रममा कोसियारीले भन्नुभयो ।</p><p><br></p><p><br></p><p>कोसियारीले नेपालले सन् १९५० को सन्धिका पारामा परिमार्जन गर्न राखेको प्रस्तावका बुँदामा विस्तृत अध्ययन र गृहकार्य गर्न भारतीय पक्षले सुझाएको उहाँले बताउनुभयो । 'हामीले नेपाली पक्षलाई भनेका छौँ कि सन्धिका धाराबारे कहाँकहाँ असझदारी छन्, सबै ल्याउनुहोस् । असान्दर्भिक भएका बुँदामा तथ्यसहित प्रस्तुत हुनुहोस् । तपाईंहरूले राखेको प्रस्तावमाथि हामी अध्ययन गर्नेछौँ', उहाँले भन्नुभयो, 'भारतको सुरक्षा सवाललगायत विषयमा हामीले छलफल गर्नुपर्छ । हामीले यो बुझ्नुपर्छ कि सन्धि त्यसबेला कुनै हचुवाका भरमा भएको होइन ।'</p><p><br></p><p>इपीजीको बैठकमा आफूहरूले नेपाली पक्षसँग खुलेर कुरा राखे पनि अहिले नै बाहिर ल्याउने अवस्थामा नरहेको र संवाद जारी रहेको उहाँको भनाइ थियो । सन् १९५० को सन्धिलाई पुनर्लेखन, खारेजी, संशोधन या परिमार्जन के गर्ने भन्नेबारे थप छलफल र अध्ययनबाट निष्कर्ष निकाल्न सकिने उहाँले बताउनुभएको अन्नपूर्णले खवर छापेको छ ।</p><div><br></div>
