काठमाडौं निजगढ फास्ट ट्र्याक सेनालाई बनाउन दिने तयारी

<p>काठमाडौं ।<br>मूख्य दलका नेता र भारतीय ठेकेदार मिलेर अर्बौं रुपैयाँ कुम्ल्याउन खोजेको काठमाडौं निजगढ फास्ट ट्र्याक जनदबावपछि सरकारले नेपाली सेनालाई बनाउन दिने तयारी अघि बढाएको छ ।<br><br>अझैपनि फास्ट ट्र्याकमा गिद्धे दृष्टि लगाइरहेको भारतीय अभिव्यक्ति आइरहँदा यसबारेमा सरकारले छलफल अघि बढाएको हो ।<br><br>निर्माणबारे अध्ययन गरिरहेको भौतिक योजना तथा पूर्वाधार मन्त्रालयले सेनालाई पहिलो प्राथमिकतामा राखेर यसबारे रक्षा मन्त्रालयमार्फत सेनाको राय मागेको बताइएको छ ।<br><br>वित्तीय व्यवस्थापन सरकार आफैंले गर्ने गरी सेनालाई निर्माणको जिम्मा दिने तयारी मन्त्रालयले गरेको छ ।<br><br>फास्ट ट्र्याकको ट्रयाक समेत नेपाली सेनाले नै खोलेकोमा अहिले सरकारले निर्माणको जिम्मा नै सेनालाई दिने सोच बनाएको हो ।<br><br>तत्कालीन प्रधानमन्त्री सुशील कोइरालाको पालामा फास्ट ट्र्याक निर्माणको जिम्मा भारतीय कम्पनीलाई दिने अन्तिम कसरत भइरहँदा जनस्तरबाट बिरोध भएपछि नेताहरु पछि हटेका थिए ।<br><br>केपी ओली नेतृत्वको अघिल्लो र प्रचण्ड नेतृत्वको वर्तमान दुबै सरकारले फास्ट ट्र्याक नेपाल आफैंले बनाउने भन्दै भारतलाई दिने तयारी रोकेका थिए ।<br><br>अर्बौं रुपैयाँको योजना भारत वा कुनै विशेष कम्पनीका नाममा दिएर घोटाला गर्ने सबै जसो दलका नेता र विशेषगरि भारत परस्त रहँदै आएका सत्ताधारी एमाओवादी, काँग्रेस सहित एमाले भित्रकै समेत कतिपय नेता भारतलाई नै दिनुपर्ने नेपालले बनाउन नसक्ने जस्ता अभिव्यक्ति दिंदै आएका थिए । तर जनस्तरबाट बिरोध भएपछि बिमलेन्द्र निधि, बाबुराम भट्टराई मधेश केन्द्रित दलका नेताहरु चुप लाग्न थालेका छन् ।<br></p>