हत्याराका सरदार भारतीय सेनाध्यक्षलाई ग्रेटर नेपालको ज्ञापनपत्र (विज्ञप्ति सहित)

<p>काठमाडौं ।<br>ग्रेटर नेपाल राष्ट्रवादी मोर्चाले ‘हत्याराका सरदार’ भारतीय स्थल सेनाध्यक्ष विपीन रावत&nbsp; नेपाल भ्रमणमा रहेकाबेला भारतीय राजदूतावास मार्फत ज्ञापनपत्र बुझाएको छ ।<br><br>राजदूतावासको दर्ता नं. ९ रहेको मोर्चाको तीन बुद्धे ज्ञापनपत्रमा गोविन्द गौतमको हत्याको लगत्तै नेपाल भ्रमण गरेकोमा स्थल सेनाध्याक्ष प्रति तीब्र रोष प्रकट गरिएको छ । मोर्चाका अध्यक्ष फणीन्द्र नेपालले भारतीय राजदूतावास पुगेर उक्त ज्ञापनपत्र बुझाएका हुन् ।<br><br>ज्ञापनपत्रमा नेपाल–भारत सम्बन्ध सौहार्दपूर्ण बनाउने भए सेनाध्यक्षले आफ्नो सरकारलाई सुगैली सन्धीमा गुमेको भूभाग नेपाललाई फिर्ता गर्ने, कालापानीबाट भारतीय सेना तत्काल फिर्ता गर्ने र भारतीय एस।एस।बि। ले हत्या गरेका गोविन्द गौतम लगायत सबै नेपालीका परिवारलाई प्रति व्यक्ति कम्तीमा भारु पचास लाख क्षतिपूर्ति संगै माफी माग्नु पर्ने माग सम्बोधान गर्न आग्रह गरिएको छ ।<br>विज्ञप्तिसहित<br>भारतीय स्थल सेनाध्यक्ष विपीन रावतलाई ग्रेटर नेपाल राष्ट्रवादी मोर्चाद्वारा प्रस्तुत तीन बुँदे ज्ञापनपत्र<br><br>श्री माननीय स्थल सेनाध्यक्षज्यू,<br>भारतीय स्थल सेना<br>भारत ।<br><br>मार्फत्<br>महामहिम राजदूतज्यू,<br>भारतीय राजदूतावास,<br>लैनचौर, काठमाडौं<br><br>महोदय,<br>पटक–पटक नेपाल सरहदभित्र प्रवेश गरी धेरै जना नेपालीको हत्या गर्दै आएको तपाईं नेतृत्वको भारतीय सेनाले पछिल्लो पटक पश्चिम नेपालमा गोविन्द गौतमको हत्या गरेको तपाईंलाई विदितै हुनुपर्छ । हाम्रा वीर सहिद गोविन्द गौतमको हत्याको रगतको प्रवाह आलो छँदै निर्लज्जतापूर्वक तपाईंले नेपाल भ्रमण गरेकोमा नेपाली जनता तपाईंप्रति क्षुब्ध छन् । तपाईंलाई नेपाली सेनाको मानार्थ महारथी पदवी दिनु भनेको नेपालमा भारतीय सेनाले गरेको नेपालीहरुको हत्या प्रकरणलाई वैधता दिनु हो भन्ने मोर्चाको ठहर छ । अतः ग्रेटर नेपाल राष्ट्रवादी मोर्चा तपाईंलाई ‘हत्याराको सरदार’ भन्ने पदबी दिन्छ र तपाईंको नेपाल भ्रमणको खुलेर विरोध गर्दछ ।<br>यस सन्दर्भमा यदि तपाईं नेपाल–भारतसम्बन्ध सही अर्थमा सौहार्दपूर्ण र विकसित भएको देख्न चाहनुहुन्छ भने तपाईंले निम्न लिखित तीन कुराहरु गर्न भारत सरकारलाई दबाब दिनुपर्दछ ।<br>१. इतिहासमा कहिल्यै भारतको नभएको सुगौली सन्धिपूर्वको नेपाली भूभाग भारतले नेपाललाई अविलम्ब फिर्ता गर्नुपर्छ ।<br>२. नेपालको कालापानी क्षेत्रबाट भारतीय सेना तत्काल हट्नुपर्छ ।<br>३. भारतीय सीमा सुरक्षा बलले हत्या गरेका गोविन्द गौतमलगायत व्यक्तिहरूका परिवारलाईं प्रति व्यक्ति कम्तीमा भा।रु। ५०,००,०००।– ९पचास लाख रुपैयाँ० क्षतिपूर्ति दिई नेपालसँग माफी माग्नुपर्छ ।<br><br>मितिः २०७३/१२/१६<br><br>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; –––––––––––––<br>फणीन्द्र नेपाल<br>अध्यक्ष<br>ग्रेटर नेपाल राष्ट्रवादी मोर्चा<br><br>बोधार्थः<br>१. प्रधानमन्त्रीको कार्यालय<br>२. परराष्ट्र मन्त्रालय<br>३. बेलायती राजदूतावास, काठमाडौं<br><br><br></p>