23.22¡ÆC
टोकियो ।
जापानमा लोकप्रिय गायक राजु लामाको लाईभ सांस्कृतिक साँझ हुने भएको छ ।
काग्रेली समाजको आयोजनामा हुन लागेको सांस्कृतिक कार्यक्रम अप्रिल ३० आईतबार हुने भएको छ ।
सडक बालबालिकाहरुको स्वास्थ्य र शिक्षामा सहयोग गर्ने उदेश्य सहित सांस्कृतिक कार्यक्रम गर्न लागिएको समाजका अध्यक्ष खेम लामाले जानकारी दिनुभयो ।
सामाजिक सेवामा सक्रिय संस्था काभ्रेली समाजले चर्चीत गायक राजु लामाको टोकियोमा एक मात्र कार्यक्रम हुन लागेको भन्दै सबैमा उपस्थितिको लागि अनुरोध गरेको छ ।
मनोरञ्जनसँगै सामाजिक सेवाको लागि कार्यक्रम गर्न लागिएको बताइएको कार्यक्रमको लागि सामान्य तर्फ ३ हजार येन र विशेष तर्फ १० हजार येनको टिकट राखिएको छ ।
टिकट विक्रि खुल्ला भइसकेको बताएको आयोजकले समयमै टिकट लिइदिनुहुन समेत आग्रह गरेको छ ।
कार्यक्रम राजधानी टोकियोको मेगुरो कुमिन सेन्टरमा हुने भएको छ । अपरान्ह ४ बजेबाट हुने कार्यक्रमको लागि गायक लामा अमेरिकाबाट जापान आउने तय भइसकेको र कार्यक्रमको तयारी तिव्ररुपमा अघि बढिरहेको बताइएको छ ।
