भारतले फेरी सिमा मिच्न थाल्यो, बिराटनगरमा सिमा मिचेर चेक पोष्ट बनाउँदै

<p>मोरङ ।<br>सिमा मिच्ने देखी नेपालको आन्तरिक मामलामा हस्तक्षेप गर्दै आइरहेको छिमेकी भारतले फेरी विराटनगरको रानी भन्सार क्षेत्र नजि सिमा मिचेर चेकपोष्ट बनाउन थालेको छ ।<br><br>दशगजा क्षेत्रमा भारतीय पक्षले नियमविपरीत संरचना निर्माण थालेको हो ।<br><br>भारतीयले विराटनगरको वडा नम्बर २२ को दशगजा क्षेत्रमा भौतिक संरचना निर्माण गरिरहेको छ । रानी भन्सारको एक नम्बर गेटछेउमा रहेको हनुमान मन्दिर पछाडिको उक्त ठाउँमा भारतको जोगबनी भन्सार कार्यालयले चेकपोष्ट बनाउन लागेको हो ।<br><br>नेपाली सिमा मिचेर दशगजा क्षेत्रमा भौतिक संरचना बनाउन थालेपछि त्यसक्षेत्रका नागरिकले यसको बिरोध थालेका छन् ।<br><br>विराटनगर भन्सार कार्यालयको पर्खालको झन्डै २२ फिट पश्चिमतर्फ रहेको अस्थायी संरचना भत्काएर जोगबनी भन्सारले त्यतिनै पूर्वतर्फ सारेर भौतिक संरचना बनाउन लागेको हो ।<br><br>हेपाहा भारतले सिमा मिचेर भौतिक संरचना बनाउन थालेपनि नेपाल सरकारले रोक्न पहल नगर्दा जनआक्रोश बढ्दै गएको छ ।<br><br>भारतले सो ठाउँमा हाल २२ बाई २० फीटको पक्की संरचना निर्माण गरिरहेको छ ।<br><br>यसअघि&nbsp; २०४४ सालमा समेत जोगबनी भन्सारले सो ठाउँमा पक्की संरचना निर्माण गर्ने प्रयास गरेपनि स्थानिय स्वाभिमानी नेपालीले त्यसको बिरोध र प्रतिकार गरेपछि भारत पछि हटेको थियो ।<br><br>जोगबनी भन्सारले उक्त ठाउँमा तीन दिनअघिदेखि नै संरचना निर्माणको काम सुरु गरेपनि जिल्ला प्रशासन थाहा नपाएझैं बसिरहेको छ ।<br><br>भारतले सिमा मिचेर जोगबनी भन्सारको सामान चेकजाँच मिसिन सहित स्थायि घर बनाउन लागेको बुझिएको छ । <br><br></p>