इजरायलको लागि नेपाली कामदारको माग, यस्तो छ आवेदन

<p>काठमाडौं ।<br>बैदेशीक रोजगारको लागि आकर्षक गन्तव्यको रुपमा मानिएको इजरायलले फेरि नेपाली कामदार लैजाने भएको छ ।<br><br>यसको लागि उसले तत्कालको लागि ६० जना नेपाली कामदार मागेको छ ।<br><br>पहिलो चरणमा ५९ जना केयर गिभर लगेको इजरायलले लामो समयको अन्यौलतापछि दोस्रो चरणमा कामदार मागेको हो ।<br><br>५१ महिनाको श्रम सम्झौतामा इजरायल जान इच्छुकसँग वैदेशिक रोजगार विभागले आवेदन मागेको छ । आगामी चैत ९ गतेसम्म आवेदन गर्नेमध्ये ६० जना इजरायल जान पाउने भएका छन् ।<br><br>पहिलो चरणमा छानिनेको भाषा परीक्षा पनि हुनेछ । योग्यता पुगेका इच्छुकले वैदेशिक रोजगार विभागको कार्यालय बुद्धनगर शाखामा इच्छुकले आवेदन गर्न सक्नेछन् ।<br><br>शारिरिकरुपमा पनि स्वस्थ केयर गिभरको अन्तिम छनोट भने वैदेशिक रोजगार विभाग र इजरायलस्थित पीआईबीएले गर्ने विभागले जनाएको छ । छनोट भएका आवेदकले इजरायल पुगेपछि वृद्ध, अपाङ्ग तथा अशक्तको स्याहार सुसार गर्नुपर्ने छ ।<br><br>माग गरिएको सूचना अनुसार तौल कम्तिमा ४५ केजी भएका २५ वर्ष पूरा भई ४५ वर्ष ननाघेका, उचाइ कम्तिमा ५ फिट भएका, र कम्तिमा एसएलसी पास भएकाले इजरायली भाषा परीक्षाका लागि आवेदन दिन सक्नेछन् ।<br><br>वैदेशिक रोजगार प्रवर्द्धन बोर्डबाट मान्यताप्राप्त संस्थाबाट कम्तिमा ३ महिनाको केयर गिभर तालीम वा प्राक्टिकल नर्सिङ सफलतापूर्वक पूरा गरेको प्रमाणपत्र चाहिने छ ।<br><br>यसअघि इजरायल पुगेकाले यसका लागि आवेदन दिन पाउने छैनन् । आवेदकले इण्टरमिडियट लेभलको अङ्ग्रेजी भाषाको ज्ञान गरेको हुनुपर्ने र पूर्णरूपमा स्वस्थ भएको हुनुपर्ने छ ।<br><br>विभागले निकालेको सूचनामा आवेदकले निवेदन दिँदा प्रहरी प्रतिवेदन, नागरिकता तथा राहदानीको फोटोकपी, २ पिपी साइज फोटो, शैक्षिक योग्यताको प्रमाणपत्र, तालीमका प्रमाणपत्र पेश गर्नुपर्नेछ । इजरायल जाँदा कल्याणकारी कोष, बीमा, स्वास्थ्य परीक्षण तथा हवाई टिकटको सबै खर्च कामदारले नै बेहोर्नुपर्ने छ ।</p><p><b>यस्तो छ विज्ञापन<br></b><br><br><img src="https://topnepalnews.comuploads/posts/6c58d816f6ba7078a3960c46303db87c1488698772.jpg" style="width: 492.358px; height: 702.067px;"></p><p><br></p>