स्वयम्भूमा प्रहरी र अपहरणकारीबीच गोली हानाहान

<p>काठमाडौं ।<br>स्वयम्भू भगवान्पाउ नजिकै प्रहरी र अपहरणकारीबीच आज गोली हानाहान भएको छ । <br><br>अपहरणमा परेकालाई छुटाउने क्रममा प्रहरीको गोली लागि अपहरणकारी घाइते भएको र तीनजनालाई नियन्त्रणमा लिइएको महानगरीय अपराध महाशाखाका प्रमुख वरिष्ठ प्रहरी उपरीक्षक दिनेश अमात्यले जानकारी दिनुभयो । <br><br>समूहले गत बिहीबार नुवाकोट घर भई काठमाडौं बस्दै आएका तीनजनालाई अपहरण गरी उनीहरुको परिवारसँग छ लाख ५० हजार रुपैयाँ फिरौती रकम माग गरेको थियो । <br><br>त्यसको सूचना पाएपछि महाशाखाको प्रहरी टोलीले आज अपहरणकारीलाई नियन्त्रणमा लिने प्रयास गर्दा अपहरणकारी समूहले गोली प्रहार गरेको प्रहरीको भनाइ छ । <br><br>प्रहरीले प्रहार गरेको गोली घुँडामुनि लागि नुवाकोटका जीवन लामा भन्ने दुर्गाबहादुर तामाङ घाइते भएका छन् । उनलाई उपचारका लागि वीर अस्पतालमा भर्ना गरिएको महाशाखाका प्रमुख अमात्यले जानकारी दिनुभयो । <br><br>अपहरणकारी समूहका सचिन खवास र वीरबहादुर तामाङलाई समेत प्रहरीले घटनास्थलबाट नियन्त्रणमा लिएको छ । <br><br>अपहरणकारी छ जनाभन्दा बढी रहेकामा अन्य अपहरणकारी भने भागेकाले उनीहरुको खोजी कार्य जारी रहेको वरिष्ठ उपरीक्षक अमात्यले जानकारी दिनुभयो । <br><br><br></p>