कम्फर्ट वुमनको प्रतिमा र उत्तरको आणविक शक्तिबारे जापान दक्षिण कोरिया वार्ता

<p>टोकियो ।<br>उत्तरकोरियाको आणविक र क्षेप्यास्त्र तथा कोरियामा रहेको कम्फर्ट वुमनको प्रतिमा बारेमा दक्षिण कोरिया र जापानका विदेशमन्त्रीबिच वार्ता भएको छ ।<br><br>दोस्रो विश्वयुद्धको समयमा जापानी सेनाले यौन दासी बनाएको बताइदै आएको कोरियाली महिलाहरुको प्रतिमुर्ती स्वरुप दक्षिण कोरियामा नागरिकस्तरबाट खडा गरिएको कम्फर्ट वुमनको प्रतिमा हटाउन भेटका क्रममा जापानका विदेश मन्त्री फुमिओ किशिदाले दक्षिण कोरियाली विदेश मन्त्री युन ब्यायेन्सेसंग माग गरेका छन् ।<br><br>कोरियालीहरुले जापानी सेनाले दोस्रो विश्वयुद्धका समयमा गरेको ज्यादतीलाई स्मरण गर्दै उक्त प्रतिमा खडा गरेका हुन् । तर जापानले भने दुई देशबिचको सम्वन्धमा खलल पर्ने गरि हुने कुनैपनि काम रोक्न संयुक्त राष्टसंघिय नियमले पनि नदिने भन्दै उक्त प्रतिमा हटाउन माग र दवाव दिंदै आएको छ ।<br><br>भेटवार्तामा जापानका विदेश मन्त्रीले दक्षिण कोरियामा जापानको वाणिज्य दूतावास अघि राखिएको कम्फर्ट वुमनको प्रतिमा हटाउनु पर्ने प्रति जोड दिएको जापानी सञ्चारमाध्यमहरुले उल्लेख गरेका छन् ।<br><br><img src="https://topnepalnews.comuploads/posts/aaea66bcad639284739a9fbd4070e7461487573221.jpg" style="width: 576.825px; height: 324.317px;"><br><br>दक्षिण कोरियाको ताकेशिमा पनि यस्तै एक प्रतिमा स्थापित गर्न लागेको खवरले जापानले यस क्रियाकलापले दुई देशबिचको सम्वन्धमा असर पर्नसक्ने चेतावनी दिंदै आएको छ ।<br><br>ताकेशिमा दक्षिण कोरियाको नियन्त्रण रहेको छ । यद्यपी यसमा जापानले पनि दावी गर्दै आएको छ ।<br><br>भेटमा कोरियाली विदेश मन्त्री युनले जापानको प्रस्तावलाई आफुले सकारात्मक लिएको भन्दै यसबारेमा गम्भिर भएको बताएका छन् ।<br><br>यद्यपी उनले कम्फर्ट वुमनको शालिक हटाउने नहटाउनेबारे भने स्पष्ट केही बताएका छैनन् ।<br><br>भेटमा दुई देशका बिदेशमन्त्री बिच उत्तर कोरियाले गरिरहेको लगातारको क्षेप्यास्त्र परिक्षण तथा आणविक क्षमताको विस्तार र यसबाट सिर्जित चुनौति र सुरक्षा रणनीतिबारे समेत छलफल गरेका थिए ।<br><br>दुई देशका विदेशमन्त्रीले विगतमा जस्तै दुई देशबिच निरन्तर यसबारेमा सुचना आदान प्रदान र थप सहयोग र उत्तर कोरियाको गतिविधिप्रति निगरानी बढाउने बारेमा छलफल भएको बताइएको छ ।<br><br></p>