एल्भसलाई नमिठो हार चखाउँदै बार्सीलोना शीर्ष स्थानमा

<p>एजेन्सी, फागुन १ । &nbsp;डिफेन्डिङ च्याम्पियन बार्सीलोना स्पेनिस ला(लिगाको शीर्ष स्थानमा उक्लिएको छ। एल्भसलाई उसैको घरेलु मैदानमा ६-० को नमिठो हार चखाउँदै बार्सीलोना शीर्ष स्थानमा उक्लिएको हो। बार्सिलोनाको सहज जितमा स्वारेजले २ र नेमार , मेस्सी र राकिटिकले १-१ गोल गरे । लिगमा २२ खेल खेलेको बार्सीलोना ४८ अंकसहित शीर्ष स्थानमा छ।&nbsp;<br></p><p><br></p><p>मेन्डिजोर्रोजा रंगशालामा बार्सीलोनालाई लुइस सुआरेजले ३७ मिनेटमा सुरुवाती गोल गरेका थिए। ४० मिनेटमा नेइमारले गोल थपेपछि बार्सा पहिलो हाफमा २-० ले अघि रह्‍यो। दोस्रो हाफमा बार्साले ९ मिनेटको अन्तरमा &nbsp;थप ४ गोल थप्यो। लियोनल मेसीले ५९ औं मिनेटमा गोल गरेपछि ३-० ले अघि बढेको बार्सीलोना एलभसकै खेलाडीले गरेको आत्मघाती गोलपछि ४-० ले अघि रह्यो।&nbsp;</p><p><br></p><p>एलेक्सिसले ६३ &nbsp;औं मिनेटमा आत्मघाति गोल गरेका थिए। लगत्तै दुई मिनेटपछि इभान राकिटिकले बार्साबाट गोल गरे। त्यसको २ मिनेटपछि सुआरेजले अर्को गोल गरेका थिए। लिगमा यस जीतसँगै बार्सीलोनाले २२ खेलबाट ४८ अंक जोड्यो। दोस्रो स्थानको रियल म्याड्रिडको ४६ अंक छ।&nbsp;</p><p><br></p><p>तर रियलले अहिलेसम्म &nbsp;१९ खेलमात्रै खेलेको छ। रियलले नेपाली समयअनुसार आइतबार बिहान १ बजेर ३० मिनेट जाँदा सुरु हुने खेलमा ओशासुनाको सामना गर्नेछ। यस खेल जित्न सके रियल लिगको शीर्ष स्थानमा फर्कनेछ।</p><div><br></div>