<p><span style="line-height: 1.42857143;">काठमाडौँ,भदौ &nbsp;११ । परराष्ट्रमन्त्री डा.प्रकाश शरण महतले रिक्त रहेका छिमेकी मुलुक भारतसहित सबै स्थानमा चाँडै नै राजदूत नियुक्ती हुने बताएका छन् । रिपोटर्स क्लब नेपालले शनिबार आयोजना गरेको साक्षात्कार कार्यक्रममा बोल्दै मन्त्री महतले प्रधानमन्त्री पुष्पकमल दाहाल प्रचण्डको भारत भ्रमण अगावै भारतका लागि राजदूत नियुक्ती गर्नेबारे कुराकानी भइरहेको पनि स्पष्ट पारेका छन् ।&nbsp;</span><br></p><p>‘भारत र चीन दुवै ठाउँमा राजदूत नियुक्ती गर्छौँ र खाली रहेका अन्य मुलुकहरुमा पनि नियुक्ती गर्छौँ’ साक्षात्कारमा मन्त्री महतले भने । मन्त्री महतले विश्वासमा आधारित भएर छिमेकी भारत र चीन लगायतका मुलुकहरुसँग सम्बन्ध विकसित गर्ने पनि बताए ।&nbsp;</p><p><span style="line-height: 1.42857143;">&nbsp;मन्त्री महतले आर्थिक रुपले प्रगती गरिरहेका दुई ठुला छिमेकी राष्ट्र भारत र चिनबाट नेपालले बढि भन्दा बढि फाईदा लिन सक्ने गरि विश्वासको आधारमा सम्बन्ध विकसित गरि अघि बढ्ने बताए । ‘नेपालको आफ्नो आम राष्टिय स्वार्थलाई सुरक्षित राख्दै, छिमेकिहरूका चिन्ता र चासोलाई सम्बोधन गर्ने र विश्वासमा आधारीत रहेर सम्बन्ध विकास गर्ने हाम्रो प्राथमिकता हो । हाम्रो आर्थिक उन्नति पनि यसमै निर्भर छ ।’ उनले नेपालको व्यापार घाटा बढेको भन्दै यसलाई कम गर्न छिमेकीहरुसँग विश्वासपूर्ण वातावरण सिर्जना हुनुपर्ने र उनीहरुको आर्थिक विकासबाट लाभ लिनुपर्नेमा जोड दिए ।</span><br></p><p>मन्त्री महतले विदेशमा बसेका नेपालीहरूको सुरक्षा र हितलाई प्राथमिकतामा राख्ने पनि बताए । उनले खाडि मुलुकका दुताबासलाई नेपाली नागरिकको सुरक्षामा केन्द्रित हुने गरी सक्रिय पार्ने आफ्नो योजना रहेको पनि बताए । नेपालको अर्थतन्त्र खाडी मुलुकमा नेपालीहरुले पठाउने बिप्रेषणबाट धानिएको भन्दै महतले उनीहरुको सुरक्षा आफ्नो प्रमुख प्राथमिकतामा रहेको उल्लेख गरे ।&nbsp;</p><p><span style="line-height: 1.42857143;">‘छिमेकीहरुसँगको सम्बन्धका बारेमा सार्वजनिक बहस गर्नु भन्दा पनि कूटनीतिक रुपमा छलफलबाट टुंग्याइनेछ’ महतले भने । उनले छिमेकी भारत र चीनसँग अघिल्लो सरकारले सैद्धान्तिक सहमति मात्रै गरेको उल्लेख गर्दै कार्यान्वयनका लागि चरणबद्ध गृहकार्य आवश्बयक रहेको र त्यसमा सरकार क्रियाशिल हुने पनि बताए ।&nbsp;</span><br></p><p><br></p><p>अर्को प्रसँगमा सरकारले पूर्णता पाए सँग मधेशी दलहरुसँगको सहमति कार्यान्वयन गर्ने बताए । उनले संविधानको कार्यान्वयन, भुकम्पपीडितलाई राहत र पुनिर्निर्माणमा सरकारको ध्यान रहेको बताए । संविधान संशोधनका लागि वार्ता प्रक्रिया अघि बढाइएको पनि उनले बताए । त्यसका लागि न्यूनतम सहमति गरेर संविधान संशोधन गर्ने पनि उनको भनाई थियो ।</p><p>‘सबैको समर्थनमा संविधान कार्यान्वयन गर्छौँ’ उनले भने । मन्त्री महतले स्थानीय निकायको निर्वाचन सरकारले गराउने प्रतिवद्धता पनि व्यक्त गरे । यसैगरी सरकारले कालो बजारी, महँगीलाई कुनै पनि हालतमा छुट नदिने भन्दै त्यसमा संलग्नहरुलाई कारबाहमी गर्ने पनि बचनबद्धता व्यक्त गरे ।&nbsp;</p>

<p><span style="line-height: 1.42857143;">काठमाडौं,भदौं ११ । बेलायती सेनाका पूर्व गोर्खा सैनिकको टोलीले प्रधानमन्त्री पुष्पकमल दाहाल ‘प्रचण्ड’लाई भेटी आफूहरुमाथि बेलायत सरकारले विभेद गरेको भन्दै बेलायत सरकारसँग बार्ता गरी समस्या समाधानमा पहल गरी दिन आग्रह गरेको छ । शनिबार बिहान प्रधानमन्त्री निवासमा भएको भेटमा टोलीले २५ वर्षदेखि आफूहरु बेलायत सरकारसँग बार्तामा बसे पनि समस्या समाधान नभएकाले सरकारी तहबाटै बार्ता गरी समस्या समाधानको पहल गर्न आग्रह गरेको हो ।&nbsp;</span><br></p><p><span style="line-height: 1.42857143;">भेटमा पूर्व गोर्खा सैनिक कृष्णबहादुर राईले भन्नुभयो, ‘बेलायती सैनिकको एकै स्तरको पदमा बसेर काम गर्दा पनि नेपालीहरुलाई तलव कम दिइन्छ, कैयौं विभेद र असमानताहरु छन्, त्यहाँको हाउस अफ कमनको प्रतिवेदन समेत लागु भएको छैन । यस अवस्थामा नेपाल समेत त्रीपक्षीय सन्धिअनुसार भर्ति गरिएको गोर्खा सैनिकलाई अधिकार दिलाउन नेपाल सरकारबाटै पहल गर्न अनुरोध छ ।’ यस अघि पनि आफूले गोर्खा सैनिकका मागहरुका सम्बन्धमा पटकपटक कुरा उठाइसकेको जानकारी गराउँदै प्रधानमन्त्रीले भन्नुभयो, ‘तपाईहरुका माग जायज छन्, यो राष्ट्रकै विषय हो । मैले आफ्नो ठाउँबाट आवश्यक पहल गर्नेछु ।’</span><br></p>

<p><span style="line-height: 1.42857143;">काठमाडौं,भदौं ११ । चितवन उद्योग संघका प्रतिनिधिहरुले प्रधानमन्त्री पुष्पकमल दाहाल ‘प्रचण्ड’लाई भेटी चितवनको शक्तिखोरलाई ‘औद्योगिक नगरी’ बनाउन माग गरेका छन् ।</span><br></p><p>शनिबार दिउँसो कृष्णप्रसाद अधिकारीको नेतृत्वमा आएको संघको प्रतिनिधि मण्डलले चितवनको शक्तिखोरस्थित साढे दुई हजार बिघा जमिनमा औद्योगिक क्षेत्र स्थापनाको निर्णय गर्न तथा चितवनमा औद्योगिक प्रदर्शनी आयोजनामा सहयोग गर्न प्रधानमन्त्रीसँग माग गरेको थियो ।</p><p><span style="line-height: 1.42857143;">भेटमा प्रधानमन्त्रीले चिवतनलाई ‘औद्योगिक नगरी’ बनाउने कुरा रणनीतिक महत्वको विषय भएको बताउनुभयो । प्रधानमन्त्रीले भन्नुभयो, ‘चितवन औद्योगिक नगरी बनाउने प्रस्ताव धेरै रणनीतिक महत्वको कुरा हो । यसमा आवश्यक पहल गर्छु । प्रदर्शनी केन्द्रका लागि सरकारका तर्फबाट आवश्यक सहयोग हुनेछ ।’</span><br></p>

<p><span style="line-height: 1.42857143;">काठमाडौं ।विदेशी संस्कृतिको बढदो प्रयोगबाट नेपाली कला संस्कृति र पहिचान लोभ हुन लागेको छ । हाम्रो पहिचान , हाम्रो सस्कृति &nbsp;, हाम्रो भेष भूषा र हाम्रो भाषा राष्ट्रियता सँग सम्बन्धित रहन्छ । माओवादी राजनीतिक मुलद्वारमा आएपछि हाम्रा यी राष्ट्रिय पहिचानमाथी गम्भीर सङ्कट आएको देखिन्छ । संविधानसभाको पहिलो निर्वाचनबाट प्रधानमन्त्री पनि नेपाली राष्ट्रिय पोषाकको अपमान गरी प्रचण्ड जीले पश्चिमिली भेष कोट पाइन्टमा सफत लिए &nbsp;। तर दौरा सरूवाल र ढाकाको टोपीको उतिखेर पनि अपमान भयो ।</span><br></p><p><span style="line-height: 1.42857143;">हामी हाम्रो राष्ट्रिय गौरबाताको कुरा गर्छौ तर राष्ट्रिय पहिचानको विषयमा हामी किन निर्जल बन्छौ । वर्तमान अवस्थामा प्रधानमन्त्री प्रचण्डमाथी निकै गम्भीर प्रश्न उठेको छ । प्रधानमन्त्रीको सफत राष्ट्रिय सम्मान सँग जोडिएको हुन्छ । प्रधानमन्त्रीले सफतको समय आफ्नो देशको राष्ट्रिय पोषाक अनिवार्य लगाउन पर्दछ । राष्ट्री पोषाकमा लिएको र दिएको सफतले राष्ट्रिय गौरवता &nbsp;झल्कन्छ ।</span><br></p><p><span style="line-height: 1.42857143;">अंतराष्ट्रिय क्षेत्रमा पनि देशको सान बढदछ । कुनै पनि देशको कार्यकारिणी प्रमुखको भेषले त्यो देशको सम्मान बढाउछ तर नेपालमा अहिले आएर नेपाली पहिचानमाथी स्वयम् कार्यकारिणी प्रधानमन्त्रीबाट अपमान भयको छ । किन दौरासुरुवाल ढाकाको टोपी तिरस्कार &nbsp;गर्छन् प्रचण्ड ? संसारमा निकै सम्मानित रूपमा नेपाली दौरा सुरुवाल र ढाकाको टोपीलाइ लिने गरिन्छ ।</span><br></p><p><span style="line-height: 1.42857143;">२००७को जनक्रान्ति सफल्ता पश्चात् २०१६ मा जननायक बि पी कोइरालाले दौरासुरुवाल र ढाका टोपीमा लिएको सफत विश्व जनमंचमा निकै चर्चाको विषय बनेको थियो । बि पी आफ्नो राष्ट्रिय पोषाकको संरक्षण र सम्मान गर्नु पर्छ भन्ने मान्यता राख्नु हुन्थियो भन्ने वाहाको आत्म बृतान्त बाट थाहा हुन्छ । त्यसपछिका प्रधानमन्त्रीहरुले दौरासुरुवाललाइ नै आफ्नो स्वाभिमान बनाए । प्रचण्ड जी तपाइ कुन देशको नीति नेपालमा लागु गर्न चाहानुहुन्छ ? आफै गम्भीर भएर सच्चा नेपाली पनबाट आत्म चिन्तन गर्नुस के यो सबै सही होला त ?</span><br></p><p>himalpost.com</p>

<p><span style="line-height: 1.42857143;">काठमाडौं,भदौ ११ । प्रधानमन्त्री पुष्पकमल दाहाल र कांग्रेस सभापति शेरबहादुर देउवाले मधेसी मोर्चाका दुई शीर्ष नेतालाई भेटेर राजनीतिक सहमतिका लागि उपाय खोज्न पहल गरेका छन् । संघीय समाजवादी फोरम अध्यक्ष उपेन्द्र यादव र तमलोपा अध्यक्ष महन्थ ठाकुरलाई शुक्रबार बिहान प्रधानमन्त्री निवास बालुवाटारमा भेटै सत्तासाझेदार दुई दलका शीर्ष नेताले मोर्चा-कांग्रेस र माओवादीबीच साउन १९ मा भएको तीनबुदे सहमतिमध्ये के-के पूरा भयो र के के बाँकी छन् भन्नेबारे छलफल गरेको प्रधानमन्त्री निकट स्रोतले जनायो ।</span><br></p><p><span style="line-height: 1.42857143;">राजनीतिक सहमतिको खोजी भइरहेका बेला प्रस्तावित संविधान संशोधनबारे प्रतिपक्षी एमालेको तीव्र प्रतिक्रिया आएकाले चारै नेताले भेटलाई गोप्य राख्ने सहमति गरेका थिए । प्रधानमन्त्रीका विशेष दूतका रुपमा नया दिल्ली पुगेर फर्केका उपप्रधानमन्त्री विमलेन्द्र निधिले भारतीय संस्थापन र अन्य नेतासँग गरेका कुराकानीबारे समेत बैठकमा छलफल भएको स्रोतले जनायो ।</span><br></p><p><span style="line-height: 1.42857143;">भौतिक पूर्वाधार तथा यातायातमन्त्री रमेश लेखक र फोरम अध्यक्ष यादव दुवैले चार शीर्ष नेताको बालुवाटारमा भेट भएको पुष्टि गरे । ‘उहाहरुले मोर्चा नेतासग मधेस आन्दोलन, संविधान संशोधनलगायत समसामयिक विषयमा कुराकानी गर्नुभएको हो, तर खास निष्कर्ष निकाल्ने गरी होइन,’ मन्त्री लेखकले भने, ‘यी विषयमा अब सभापतिज्यू (देउवा) सिंगापुरबाट फर्केपछि ठोस निष्कर्ष निकाल्नेगरी कुरा हुने समझदारी भएको छ ।’ नवनियुक्त १३ मन्त्रीको शपथग्रहण सकिएलगत्तै देउवा उपचार अनुगमनका लागि सिंगापुर उडेका थिए । उनी एक सातापछि फर्कने छन् । आजको कान्तिपुर दैनिकमा खबर छ ।</span><br></p>