<p>१९ कार्तिक, काठमाडौं ।<br>प्रहरीले जाली भारतीय नोटको कारोबारमा अन्तरार्ष्ट्रिय कुख्यात माफिया दाउद इब्राहिमको प्रत्यक्ष सम्पर्कमा रहेको दाबी गरेका रबिराज सिंह अवैध कलबाईपासमा पक्राउ परेका छन्।</p><p>केन्द्रीय अनुसन्धान ब्युरोले पहिलो पटक ल्याण्डलाइन फोनको प्रयोग गर्दै अवैध कलबाइपास गरेको आरोपमा सिंहलाई नक्सालस्थित घरबाट तिहार अघि पक्राउ गरेको हो। ब्युरोका अनुसार सिंहले जाली नोट कारोबारमा पूर्पक्षका लागि दुई वर्ष थुनामा बस्दा सम्पर्कमा आएका श्रीलंकाली गिरोहको सहयोगमा अवैध कलबाईपास संचालन गरेको पुष्टि भएको छ।</p><p>सिंहले खोटाचलन मुद्दामा सफाई पाएको एक वर्षपछि अवैध कलबाईपासको धन्दा सुरु गरेको अनुसन्धानमा खुलेको छ। ब्युरोका अनुसार सिंहले सम्पूर्ण कारोबार नुवाकोटका कान्छा गुरुङको नाममा गर्दै आएका थिए।<br>अनलाइन बिजनेस गर्ने भन्दै गत साउनमा कम्पनी रजिष्ट्रारको कार्यालयमा गुरुङको नाममा कम्पनी दर्ता गरेका थिए। यस्तै अवैध कलबाईपासका लागि गुरुङकै नाममा घरबहाल सम्झौता गर्दै पानीपोखरीमा कोठा भाडामा लिएका थिए। सिंहले आफूले प्रयोग गर्ने सिमकार्ड समेत गुरुङको नाममा लिएको ब्युरोले जनाएको छ।<br><br>अनलाइन बिजनेस गर्ने भन्दै गत साउनमा कम्पनी रजिष्ट्रारको कार्यालयमा गुरुङको नाममा कम्पनी दर्ता गरेका थिए। यस्तै अवैध कलबाईपासका लागि गुरुङकै नाममा घरबहाल सम्झौता गर्दै पानीपोखरीमा कोठा भाडामा लिएका थिए। सिंहले आफूले प्रयोग गर्ने सिमकार्ड समेत गुरुङको नाममा लिएको ब्युरोले जनाएको छ।</p><p>ब्युरोका एसपी दिवेश लोहनीका अनुसार सिंहले अवैध कलवाईपासको उपकरण जोडी एक पटकमा १२० वटा लाइनमा कलबाईपास गर्न सक्ने बनाएका थिए। दशैँ विदाको मौका पारी फुलपातीको अघिल्लो दिनदेखि कल वाईपास गरिरहेको सूचना पाएको एसपी लोहनीले बताए। ब्युरोले सिंहकोे नक्सालमा रहेको घर खानतलासी गर्दा अवैध कल बाईपासका लागि राखेको विभिन्न दस्तावेजहरु बरामद गरेको थियो। श्रीलंकन नागरिक नेपाल आई अवैध भिओआइपी जडान गरेर श्रीलंका फर्केपछि मात्र सिंहले कलबाइपास संचालनमा ल्याएका थिए।</p><p>प्रहरीले तीन वर्ष अघि नेपाल तेक्वान्दो संघका कोषाध्यक्ष सिंहलाई पक्राउ गर्दा उनका विभिन्न नाम भएको खुलेको थियो। रवि सिंह, रविसिंह प्रधान, रवि जस्ता थुप्रै नामबाट उनले आफ्ना कारोबार सञ्चालन गर्ने गरेका थिए। परिचय जस्तै उनको कारोबार पनि छद्म थियो। समाजमा प्रतिष्ठित खेलाडी भएको देखाउने सिंह नक्कली भारतीय नोटका कारोबारी भएको आरोपमा प्रहरीको बिशेष ब्युरोको अनुसन्धानमा खुलेको थियो। काठमाडौं प्रहरीले बैशाख ३०, २०७० मा पक्राउ सिंहलाई पक्राउ गरेको थियो।</p><p>प्रहरीले २०७० बैशाखमा गरेको अप्रेसनमा त्रिभुवन अन्तर्राष्ट्रिय विमानस्थलबाट एक करोड नक्कली भारु सहित पाकिस्तानी नागरिक शेष मोहम्मद र उनका नेपाली सहयोगी नरुल्लाह पक्राउ परेका थिए। उनीहरुले प्रहरी समक्ष नक्कली भारु बोकेर आएकाहरुलाई सिंह बस्ने रातोपुलको घरसम्म पुयाउने गरेको बयान दिएका थिए।</p><p>विमानस्थलमा पक्राउ परेका मोहम्मद र उनलाई लिन विमानस्थल पुगेका काठमाडौं बागबजार निवासी नरु उल्लाहको पक्राउपछि नक्कली भारुको कारोबारमा नेपाललाई ट्रान्जिट बनाएको विषयमा अनुसन्धान थालेको थियो। नरु उल्लाहको बयानबाट रविराज सिंह, अनुराज प्रधान विभिन्न देशको हवाइमार्गबाट नेपाल भित्रिने नक्कली भारु भारतसम्म पुर्याउन सक्रिय रहेको खुलेको थियो।</p><p>प्रहरीको विशेष ब्युरोले नक्कली भारुसहित समातिएका मोहम्मद नुरु उल्लाह र रविराज सिंह दाउद समूहको प्रत्यक्ष सम्पर्कमा रहेको प्रमाण फेला पारेको थियो। जाली नोटको अनुसन्धानमा नरुउल्लाह, सिंह अफताब बट्कीको प्रत्यक्ष सम्पर्कमा रहेको तथ्य भेटिएको थियो। बट्की दाउदका मुख्य चार सहयोगी छोटा सकिल, इकवाल मिर्ची, सुनिल दुबईपछिका हुन्।</p><p>‘अहिले जाली नोटका कारोबारीसँग कुनै सम्पर्क देखिदैन, सफाई पाएसँगै नियोजित रुपमा अवैध कलबाईपासमा लागेको देखिन्छ, यसबाटै ठुलो रकम आम्दानी गर्ने तयारी रहेछ,’ एसपी लोहनीले भने।<br><br></p>

<p>१९ कार्तिक, बैतडी ।<br>चोरी मुद्धामा जिल्ला अदातल बैतडीले दोषी ठहर गरी चार बर्षदेखि फरार रहेका जिल्लाको पाटन नगरपालिकाका एक युवकलाई प्रहरीले हिजो पक्राउ गरी कारागार चलान गरेको छ ।</p><p>कारागार चलान हुनेमा पाटन नगरपालिका ८ का २५ बर्षिय विनोद विष्ट रहेको जिल्ला प्रहरी कार्यालय बैतडीका प्रहरी नायव उपरिक्षक बालनरसिंह राणाले जानकारी दिनुभयो ।</p><p>जिल्ला अदालत बैतडीले वि स २०७० जेठ २१ गते गरेको फैसलाले विष्टलाई दोषी ठहर गरी जवरजस्ती चोरी मुद्धामा ८ महिना कैद र नकबजनी चोरी मुद्धामा १ हजार ८ सय ८७ रुपैया जरिवाना तोकेको थियो ।</p><p>हिजो&nbsp; घरवाटै पक्राउ परेका विष्टलाई प्रहरीले बिहीवारनै कारागार चलान गरेको हो । <br><br></p>

<p><span style="line-height: 1.42857143;">१९&nbsp;</span><span style="line-height: 1.42857143;">कात्तिक,&nbsp;</span><span style="line-height: 1.42857143;">पोखरा &nbsp;।</span></p><p><span style="line-height: 1.42857143;"> तीनदिने नेपाल भ्रमणको अन्तिम कार्यक्रमअन्तर्गत &nbsp;शुक्रबार पोखरा आउँदै छन् । उनी पोखरामा तीन घन्टा रहने कार्यक्रम छ । राष्ट्रपति मुखर्जी जनकपुरबाट बुद्ध एयरको विमानबाट पोखरा विमानस्थलमा अपराह्न पौने १ बजे उत्रँदै छन् । एक कार्यक्रममा सहभागी भएर उनी ४ बजे काठमाडौं हुँदै भारत फर्कनेछन् ।</span></p><p><br></p><p>पश्चिमाञ्चल क्षेत्रीय प्रशासक खगराज बरालका अनुसार राष्ट्रपति मुखर्जी काठमाडौंबाट जनकपुर जाने र जनकपुरबाट पोखरा आउने कार्यक्रम छ । उनी बिरौटास्थित होटेल पोखरा ग्रान्डमा केहीबेर आराम गर्ने कार्यतालिका छ । मुखर्जीले पोखरा–१० रामबजारस्थित भारतीय पेन्सन क्याम्पमा रहेका करिब १० हजार भूतपूर्व भारतीय सैनिकलाई सम्बोधन गर्नेछन् ।</p><p><br></p><p>मुखर्जीको पोखरा भ्रमणलाई सफल बनाउन बिहीबार पोखराका सुरक्षा निकायले सवारी आवागमनको पूर्वअभ्यास गरेका छन् । पूर्वाअभ्याससँगै पोखराको सुरक्षासम्बन्धी आवश्यक सम्पूर्ण तयारी पूरा गर्न अभ्यास गरेको क्षेत्रीय प्रशासक बरालले बताए । उनको स्वागतमा पोखरामा विभिन्न नौ ठाउँमा स्वागतद्वार निर्माण गरिएको छ ।</p><p><br></p><p>राष्ट्रपति मुखर्जीलाई पोखरास्थित भारतीय भूतपूर्व गोर्खा सैनिकहरूले ज्ञापनपत्र बुझाउँदै छन् । पेन्सन वितरण कार्यालयले आफूहरूलाई अनेक दुःख दिने गरेको, भारतीय सैनिकको मृत्यु भएपछि उसकी श्रीमतीले पेन्सन पाउन निकै झन्झट र कष्ट खेप्नुपर्ने, दुईवटा नाम भएको अवस्था, जात वा थर परिवर्तन गरी भर्ती भएकाहरू, दोस्रो श्रीमतीलगायतका विषयमा पेन्सन कार्यालयले दुःख दिने गरेकोलगायतका विषयमा ध्यानाकर्षण गर्दै ज्ञापनपत्र बुझाउने भारतीय सैनिकमा रिटायर्डहरूको संस्था एक्स सर्भिस म्यान सेलका संयोजक कर्णेल कमानसिंह गुरुङले जानकारी दिए । नेपालमा कुल एक लाख २६ हजार भारतीय भूपू सैनिक छन् । पोखरामा मात्र ६३ हजार सैनिक रहेको पनि उनको भनाइ छ &nbsp;।</p><p><br></p><p>मुखर्जीको सुरक्षार्थ करिब १५ सय सुरक्षाकर्मी खटिनेछन् । उनको पहिलो सुरक्षा घेरामा भने भारतीय कमान्डो नै खटिनेछन् । दोस्रो तहमा नेपाली सेना, त्यसपछि सशस्त्र प्रहरी र नेपाल प्रहरी रहनेछ ।</p><p><br></p><p>पोखरामा रहने समयमा उनको सुरक्षाको कडा प्रबन्ध मिलाइएको सुरक्षा अधिकारीहरूले बताएका छन् । बुद्ध एयरको ९ एनए आइएम र ९ एनए आइएन कलसाइनका जहाजले राष्ट्रपति मुखर्जीको टोलीलाई पोखरासम्म ल्याउने र लैजाने काम गर्नेछ । मुखर्जीको भ्रमणका लागि भन्दै पोखरामा अल्ट्रालाइट, प्याराग्लाइडिङलगायतका सबै कार्यक्रम बन्द गरिएको आजको नयाँ पत्रिकामा समाचार छ।</p>

<p><span style="line-height: 1.42857143;">१९ कात्तिक,काठमाडौं &nbsp;।&nbsp;</span><br></p><p>नेपालबाट निर्यात हुने जुटजन्य सामाग्रीमा भारतले अतिरिक्त कर लगाउने तयारी गरेको छ । भारतीय जुट उद्योगहरुको दबाबमा एन्टी डम्पिङ कार्यालयले वित्त मन्त्रालयलाई नेपाली जुटका तयारी वस्तुलाई अतिरिक्त कर लगाउन सुझाव दिएको छ ।</p><p><span style="line-height: 1.42857143;">कार्यालयले बुझाएको सुझाव वित्त मन्त्रालयले भने कार्यन्वयनमा ल्याइनसकेको आजको कारोबार दैनिकमा समाचार छ । भारतले एन्टी डम्पिङ ड्युटी लगाउने भएपछि पूर्वका जुट उद्योगीहरु चिन्तित बनेका छन् । &nbsp;यसबाट उद्योगीहरु चिन्तित हुनुका साथै थप लगानी गर्न हच्किएका छन् ।</span><br></p>