<p>काठमाडौ । <br>लोकप्रिय कलाकार हरिवंश आचार्य आज देखि ६१ वर्षमा प्रवेश गरेका छन् । <b><a href="http://gufgaf.com/story.php?id=745">गफगाफ डटकमको अनुसार </a></b>विक्रम सम्वत २०१४ साल कार्तिक २७ गते काठमाण्डौको गौरीधारामा जन्मिएका हरिवंश, हरिवंशपूजा पछि&nbsp; जन्मेका परिवारका एक मात्र छोरा हुन् । पाँचजना छोरी मात्र जन्मेपछि छोरीले पिण्ड दिन नहुने र छोरा नै चाहिने भन्दै छोराको चाहमा हरिवंशका आमा बुवाले हरिवंश पूजाल गाएका थिए । हरिवंश पूजा लगाएर जन्मेका कारण उनको नाम पनि हरिवंश रहन गएको हो । आमा बुवाका रुढीबादी सोंचका कारण आफू जन्मिन पाएको हरिवंश बताउँछन् । &nbsp;<br><br>बुवा ७३ वर्षको हुँदा हरिवंशको जन्म भएको थियो । तर उनी जन्मेको ६ वर्षपछि उनका बुवाको निधन भयो । उनकी आमाको पनि उनी ११ वर्षको हुँदा निधन भयो । सानै उमेरमा आमा बुवा गुमाउँदाको पीडा र दुख कस्तो हुँदो रहेछ ? भन्ने कुरा कसैले उनी सँग सोध्दा सायद राम्रो जवाफ पाउँछ ।&nbsp; आमा बुवा नहुँदा जीवनमा जेठी दिदी बिन्दु आचार्यले अभिभावकको जिम्मेवारी पूरा गरेको हरि बताउँछन् । उनी बिन्दु दिदीलाई आमाको दर्जामा राख्छन ।&nbsp;&nbsp; १७ वर्षको उमेर देखि कलाकारिताको शुरुवता गरेका हरिवंशले&nbsp; रेडियो नेपालका हरिप्रसाद रिमाल र जितेन्द्र महत अभिलासी सँगको सहयोगले २०३१ सालमा कलाकारिताको शुरुवात गर्ने मौका पाए । त्यसपछि उनी राष्ट्रिय नाचघरमा पुगे । विक्रम समवत २०३२ सालमा गाईजात्रा महोत्सवमा सहभागी हुने सौभाग्य उनलाई मिल्यो ।&nbsp; यो गाईजात्रामा काम गरेपछि उनको चर्चा परिचर्चा शुरु भयो । <br><br>निरन्तर ६ वर्ष कलाकारितामा संघर्ष गरेपछि उनको मदनकृष्ण श्रेष्ठसँग भेट भयो । मदन कृष्णसँग भेट भएपछि उनले उनी सँगको सहकार्यमा स्टेज नाटक देखि टेलि सिरियल बनाउने काम गरे । मदन कृष्णसँग हरिवंशको यात्रा चार दशक पार गरिसकेको छ । उनी मदन कृष्णलाई जीवन साथी भन्न नमिल्ने भन्दै जीवनदाई भन्न रुचाउँछन् । मदन कृष्णसँग मिलेर उनले लालपूर्जा, हरिबहादुर मदनबहादुर, १५ गते लगायतका सिरियलहरु बनाए जुन अत्यधिक रुचाईएका सिरियलहरु हुन् ।&nbsp; पर्दामा बुढी आमाको भूमिका होस् या तन्नेरी युवाको उनले हरेक चरित्रलाई न्याय दिएका छन् । उनको अभिनयबाट जो कोही पनि सहजै प्रभावित हुन्छ । पर्दामा अभिनय गरेर अरुलाई सहजै हँसाउने उनी स्वयमले भने जीवनमा हाँसो भन्दा धेरै आँशु पिएका छन् । &nbsp;<br><br>बाल्यकालमै आमा बुवा गुमाएका उनले ५३ वर्षको उमेरमा फेरि एकपटक जीवनको महत्वपूर्ण व्यक्तिलाई गुमाए । श्रीमती मिरा उनको जीवनबाट सदाका लागि टाढा भईन् ।&nbsp; अरुलाई हँसाउन संघर्ष गरिरहने हरिले आफ्नो जीवनमा भने आँशु धेरै पाए । हाँस्य कलाकार भएर पनि उनी अरुलाई हँसाउन सहज र आफू हाँस्न गाह्रो भएको बताउँछन् । <br><br><b>दोस्रो विवाह :</b><br>२६ वर्षको उमेरमा हरिवंश वैवाहिक बन्धनमा बाँधिए । व्रिकम सम्वत २०४० मा मीरा सँग विवाह गरेका हरिवंश दुई सन्तान त्रिलोक र मोहितका पिता पनि बने ।&nbsp; तर मीरासँग हरिवंशले आधा जिन्दगी मात्रै काटे । २० वर्षसम्म मुटुमा पेश मेकर राखेर बाँचेकी मिरा मस्तिष्क पक्षघातका कारण संसारबाट बिदा भईन् । मिराको निधन पछि हरिवंश आचार्य पूर्ण रुपमा टुटे । उनी केही समय डिप्रेशनमा पनि गएका थिए । मिराको निधन पछि नै हरिवंशले जीवनमा आएका आरोह अवरोहरुलाई समेटेर किताब लेख्ने मन बनाएका थिए । मीराले साथ छोडेपछि उनको एक्लो पनलाई बिर्साउन आईन् बुटवलकी रमिला पाठक ।&nbsp; आफूभन्दा १३ वर्ष कान्छी रमीलासँग उनले मिराको निधन भएको ठिक एक वर्ष पछि विवाह गरे । रमिलाले पनि पति बियोग सहेकी थिईन् । मिराको निधनसँगै एक्लिएका हरिबंश रमिलाको आगमनले दोस्रो जन्म पाएको बताउँछन् ।&nbsp;&nbsp; अहिले हरि र मिरा प्राय एकसाथ हुन्छन् ।<br><br><b>कुकुर र हरिवंशको सम्बन्ध :</b><br>हरिवंशले आफ्नो अटो बायोग्राफी‘चिना हराएको मान्छे’मा जीवनका सबै सुख र दुखहरुलाई स्थान दिएका छन् । यस बाहेक पनिउनले प्रस्तुत गरेका केही प्रसंगहरु निकै चाखलाग्दा छन् । तर उनको कुकुरसँगको सम्बन्धको प्रसंग भने चाखलाग्दो मात्रै हैन अचम्मको छ । उनले आफ्नो जीवनलाई कुकुरको जीवन सँग तुलना गरेका छन् । कार्तिकमा जन्मेका उनलाई सानोमा केही बदमासी गर्दा अरुले कात्तिके भनेर बोलाउँथे । किनभने कार्तिक महिनालाई कुकुरको सिजनको रुपमा लिईन्छ । कार्तिकमै जन्मेका उनले कुकुरसँग तुलना गर्दै आफूले जीवनमा कुकुरले जस्तो दुख र सुख दुबै पाएको बताउँछन् । रंग मन्चमा काम गरेर उनले जीवनमा पहिलो पटक पाएको प्रमाण पत्र पनि कुकुर सँगै सम्बन्धित थियो । उनले पहिलो पटक कुकुरकै भुकाईबाट प्रशंसा पत्र पाएका थिए । <br><br>जसरी बाटोमा बसेको कुकुरलाई केहीले&nbsp; खाने कुरा&nbsp; दिन्छन् केहीले लखेट्छन् त्यसरी नै उनले पनि जीवन भोगाईको अनुभव संगालेका छन् । केही भुस्याहा कुकुरहरु हुन्छन् त केही महंगा कुकुरहरु । भुस्याहा कुकुरहरुले दुख पाउँछन् भने&nbsp; महंगा कुकुरहरुले एयर कंडिसनिङ गाडीमा बस्न पाउँछन् । मालिक मालिक्नीको काखमा बसेर खेल्ने अनि महंगा खानेकुराहरु खाने गर्छन् । आफ्नो जिन्दगी पनि यस्तै दुई थरि कुकुरको जस्तै भएको उनको भनाई छ । जीवनमा कुकुरले पाउने दुख पनि पाएको र सुख पनि पाएका कारण उनले आफूलाई कुकुरसँग तुलना गरेका हुन् ।&nbsp; कुकुर हरिवंशलाई एकदमै मन पर्ने जनावरमा पर्छ । संयोगबस उनी कुकुरसँगै सम्बन्धित संस्थाको अध्यक्ष&nbsp; पनि भए । ‘काठमाण्डौ एनिमल ट्रिटमेन्ट सेन्टर’मा पनि उनले अध्यक्ष भएरका काम गरे । त्यस संस्थाले बाटोमा हिड्ने भुस्याहा कुकुरहरुलाई विष खुवाएर मार्न नपरोस् भनेर&nbsp; परिवार नियोजन गर्ने गर्थ्यो । लुतो आएर छटपटिएका कुकुरहरुलाई सफा गरिदिने अनि उपचार गरिसके पछि भने त्यसलाई जहाँबाट ल्याएको हो त्यहि ठाउँमा लगेर छोडिदिने त्यहाको नियम थियो । तर दुर्भाग्य त्यो संस्था अहिले बन्द छ । यो संस्थालार्ई लण्डनकी जेन शल्टर भन्ने महिलाले शुरु गरेकीहुन् । उनले आफू रिटायर्ड भएको पैसा ल्याएर यो संस्थाको&nbsp; शुरुवात गरेकि थिइन ।<br><br><br><b>रेडियो अडियोले हरिबंशको जन्मदिन बिशेष बनायो :</b><br><br>नेपालका प्राय सबै हास्य कलाकारको जन्मदिन बिशेष प्रकारले मनाउने परम्परानै बसालेको रेडियो अडियोले बरिष्ठ हास्य अभिनेता हरिबंश आचार्यको जन्मदिन पनि पनि बिशेष प्रकारले मनाएको छ । उनलाई जन्मदिनको शुभकामना दिनका निम्ति वरिष्ठ हास्य कलाकार मदनकृष्ण श्रेष्ठ, दिपकराज गिरी,सिताराम कट्टेल, कुन्जना घिमिरे, किरण केसी,शिवहरी पौडेल,जितु नेपाल,शिशिर वांदेल लगायतका कलाकारहरुको उपस्थिती रहेको थियो । सबैले आ आफ्नो तर्फबाट बरिष्ठ हास्यकलाकार हरिबंशलाई शुभ कामना दिएका थिए । हरिबंश अचार्यलाई रेडियो अडियो, फर सि नेटवर्क र गफगाफ डटकमको तर्फ बाट जन्मदिनका अबसरमा सु स्वास्थ्य र दीर्घ जीवनको कामना ।&nbsp; &nbsp;<br><br><br><br><br></p>

<p>काठमाडौ । मह सञ्चारको निर्माणमा बन्न लागेको चलचित्र ‘दालभात तरकारी’को शुभमुहूर्त गरिएको छ । <br><br>वरिष्ठ हास्यकलाकार हरिवंश आचार्यको ६१ औँ जन्मदिनको अवसर पारेर मंगलबार कमलादीको गणेश मन्दिरको प्रांगणमा चलचित्रको शुभमुहूर्त गरिएको हो । मुहूर्त कार्यक्रममा चलचित्र विकास बोर्डकी अध्यक्ष निकिता पौडेलको समेत उपस्थिति रहेको थियो । उनीसँगै चलचित्र निर्माण युनिट चलचित्रका कलाकारहरुको समेत उपस्थिति रहेको थियो ।<br><br>चलचित्रको कथा, पटकथा तथा संवाद हरिवंश आचार्यले लेखेका हुन् । चलचित्रको निर्देशन भने किरण केसीका छोरा सुदन केसीले गर्न लागेका हुन् । चलचित्रमा शम्भुजित बास्कोटाको संगीत रहनेछ । दीर्घ गुरुङको छायांकन रहने चलचित्र ‘दालभात तरकारी’ मा कोरियोग्राफी कविराज गहतराजले गर्ने पक्का भइसकेको छ । <br><br>चलचित्र २०७६ को वैशाख १३ गतेदेखि प्रदर्शनमा आउने बताइएको छ । रमिला आचार्य, यमन श्रेष्ठ, नरेन्द्र कंस्कार, शिवहरि पौडेल, राजाराम पौडेल, दीर्घ गुरुङ, अनुरागमान सिंह कुँवर, शिशिर वाङ्देल, विल्सन विक्रम राई, दिपेन्द्र खनियाँ र सुमित मैनाली चलचित्रका निर्माता हुन् ।</p><p><img style="width: 942px;" src="https://topnepalnews.comuploads/posts/b272b8a693c1342c91419cf9c222a8461542108006.jpg"><br><br>चलचित्रमा हरिवंश आचार्य, मदनकृष्ण श्रेष्ठ, निरुता सिंह, प्रियंका कार्की, पुष्प खड्का, आँचल शर्मा, वर्षा राउत, किरण केसी, शिवहरि पौडेल, राजाराम पौडेल, बसुन्धरा भुषाल, सन्दीप क्षेत्री, यमन श्रेष्ठ, मोहितवंश आचार्य, जयनन्द लामा, शिशिर वाङ्देल, विल्सन विक्रम राई, सुरेन्द्र केसीलगायतका कलाकारहरुको अभिनय रहने छ ।<br></p>