<p>काठमाडौं । नेपाल कम्युनिष्ट पार्टी (नेकपा)का नेता, पूर्व उपप्रधानमन्त्री एवं अर्थमन्त्री भरतमोहन अधिकारीको निधन भएको छ । करिब सात दशक लामो समय वाम आन्दोलनमा समर्पित गर्दै राजनीतिक परिवर्तनमा महत्वपूर्ण योगदान पुर्‍याएका अधिकारीको ८२ वर्षको उमेरमा शनिबार साँझ धुम्बाराहीस्थित ह्याम्स अस्पतालमा निधन भएको हो । <br><br>श्वासप्रश्वास, मुटु र फोक्सोमा समस्या देखिएपछि २३ पुषदेखि अधिकारीलाई ललितपुरको मेडिसीटी अस्पतालमा राखिएको थियो । तर, स्वास्थ्यमा थप सुधार नभएपछि चिकित्सकहरुको सल्लाहमा २४ माघमा ह्याम्स अस्पताल सारिएको थियो । स्वास्थ्यमा थप समस्या देखिएपछि १६ दिनदेखि भेन्टिलेटरमा राखेर गरिएको उपचारले पनि स्वास्थ्यमा सुधार भएन । तीन दिनदेखि अधिकारी अचेत थिए ।<br><br>महोत्तरीको भ्रमरापुरा विस १९९३ साल वैशाख २२ गते जन्मिएका अधिकारीको स्थायी ठेगाना भने मोरङको विराटनगर हो । उनी मोरङ क्षेत्र नं. २ बाट ०४८, ०५१ र ०५६ मा गरि तिन पटक प्रत्यक्ष निर्वाचित भए । एकपटक संविधानसभामा सभाषद् थिए ।<br><br>२००८ सालदेखि सक्रिय कम्युनिष्ट राजनीतिमा लागेका उनी ४ वर्ष भूमिगत, ३ वर्ष निर्वासन र ३ वर्ष जेल जीवन बिताएका थिए । अधिकारी स्वच्छ छविका नेताका रुपमा चिनिन्थे । नेपालमा औद्योगिकरणका समस्या, मेरो जीवन यात्रा भाग १ र भाग २ अधिकारीका प्रकाशित कृति हुन् ।<br><br>२०५१ साल मंसिर १४ गठन भएको पहिलो कम्युनिष्ट सरकारमा उनी अर्थ मन्त्री बनेका थिए । उनका सहोदर दाई मनमोहन अधिकारी प्रधानमन्त्री थिए । सरकार गठन भएको एक महिना पनि बित्न नपाउँदै पुस १४ गते उनले वजेट प्रस्तुत गरेका थिए । सो वजेटले जनस्तरमा निकै लोकप्रियता पाएको थियो । आफ्नो गाउँ आफै बनाउँ, ७५ वर्ष उमेर पुगेका वृद्धवृद्धालाई भत्ता उपलब्ध गराउने जस्ता कार्यक्रमहरु लागू हुँदा सरकारले जनस्तरमा गहिरो छाप छाड्यो ।<br><br>नौं महिने छोटो समयको सरकारले गरेका कामहरुले दीर्घकालिन रुपमा राम्रो प्रभाव पर्न गयो । अधिकारीले अघि सारेको बजेटका कारण तत्कालीन एमालेमा समेत लोकप्रियता बढ्न गयो । त्यतिबेला देखि आफ्नो गाउँ आफै बनाउँ कार्यक्रम अन्तर्गत प्रत्येक गाविसमा तीन÷तीन लाख रुपैयाँ रकम नियोजन गर्न थालिएको हो ।<br><br>पछि क्रमैसँग वृद्ध हुँदै उल्लेख्य मात्रा बजेट विनियोजन हुन लाग्यो । एक सय रुपैयाँबाट वृद्धा भत्ता सुरु गरिएकोमा पछिल्ला सरकारले क्रमशः वृद्धि गर्दै दुई हजार पुगेको छ । अधिकारी अर्थ मन्त्री हुँदा कालिगण्डकी जलविद्युत आयोजनाको निर्माण कार्य सुरु, गंगालाल हृदयरोग केन्द्र स्थापना भएको हो ।<br><br>तत्कालीन सरकारले ल्याएको नौं ‘स’ को अवधारणा पनि लोकप्रिय बनेको थियो । ठूला जलविद्युत आयोजनासँगै गाउँमा सिंचाइको प्रबन्धन गर्ने कार्यक्रम बजेट मार्फत सार्वजनिक गरेको थियो । उनले ल्याएको वजेटले लोक कल्याणकारी राज्यको अनुभूति दिलाएको थियो । त्यतिबेलै भूमिसुधारको काम अघि बढेको थियो ।<br><br>सुकुम्बासी समस्या समाधान आयोग बनाएर ६० हजार सुकुम्बासीलाई जग्गाधनी पूर्जा वितरण गरिएको थियो । आफ्नो गाउँ आफै बनाउँ कार्यक्रमलाई विश्व वैंकले नेपालको ५० वर्षको इतिहासमा सबै भन्दा प्रभावकारी विकासको कार्यक्रम भनि रिपोर्ट तयार पारेको थियो । अधिकारीले अर्का पटक अर्थमन्त्री हुँदा सुत्केरी भत्ताको पनि सुरुवात गरे ।<br></p>

<p>काठमाडौं । पशुपतिनाथ मन्दिरमा यस वर्षको महाशिवरात्रिमा विगतको भन्दा साधुसन्तको आगमन बढेको छ । महाशिवरात्रिको विषयमा जानकारी दिन पशुपति क्षेत्र विकास कोषले आज यहाँ आयोजना गरेको पत्रकार सम्मेलनमा भारतको प्रयागराजमा लागेको कुम्भ मेलाकै सेरोफेरोमा पर्व परेकाले साधुसन्तको भीड बढेको सदस्य–सचिव डा प्रदीप ढकालले बताउनुभयो ।<br><br>शनिबार दिउँसोसम्म पशुपति क्षेत्रमा छ हजार साधुसन्तको आगमन भइसकेको उहाँले बताउनुभयो । फागुन २० गते महाशिवरात्रिका अवसरमा पशुपतिनाथको दर्शनका लागि आउने लाखौँ भक्तजनको भीड व्यवस्थापन गर्न तीनवटै सुरक्षा निकायका छ हजार सुरक्षाकर्मी परिचालन गरिने जनाइएको छ । यसैगरी नेपाल स्काउटलगायत विभिन्न सङ्घसंस्थाका पाँच हजार स्वयंसेवक खटाइनेछ ।<br><br>भक्तजनलाई हुनसक्ने आकस्मिक स्वास्थ्य सेवाका लागि मूल मन्दिरको बाहिरपट्टि नै नेपाली सेनाले स्वास्थ्य शिविर सञ्चालन गर्नेछ । एम्बुलेन्स सेवासहित ५० स्वास्थ्य संस्थाले शिविर राख्ने तयारी गरेका छन् । पशुपति क्षेत्रको वातावरणलाई स्वच्छ बनाउन एकहप्तादेखि तीनवटै सुरक्षा निकाय, स्थानीय तहलगायत संस्थाले सफाइ अभियान सञ्चालन गरिरहेका छन् । महाशिवरात्रिका दिन बिहानैदेखि दर्शनार्थीको भीड व्यवस्थापन गर्न पाँच स्थानमा जुत्ता चप्पल राख्ने व्यवस्था मिलाइएको छ ।<br><br>दर्शनार्थी बाहिरिने मूलद्वार नजिकै चन्दन वितरण गरिने व्यवस्था मिलाइएको कोषले जनाएको छ । मूल मन्दिरभित्र कोषकै नेतृत्वमा रात्रिकालीन व्यवस्थासहितको जनशक्ति परिचालन गरिने छ । हंसमण्डप, वनकालीको खुला स्थान, तिलगङ्गाको क्षेत्रलाई आवास क्षेत्र तोकी १०० संस्थालाई निःशुल्क भोजन, पानी, चिया वितरणको व्यवस्था मिलाइएको छ ।<br><br>साधुसन्तलाई निःशुल्क आवास, भोजन, चिया, पानी र चिसोबाट बच्न धुनी बाल्ने व्यवस्था गरिएको छ । फागुन २२ गते बुधबार सबै साधुसन्तलाई दान–दक्षिणासहित बिदाइको तयारी कोषले गरेको छ ।<br><br>दर्शन मार्ग<br><br>मित्रपार्क तथा गौरीघाटबाट उमाकुण्ड–दक्षिणामूर्ति–रुद्रगाडेश्वर हुँदै उत्तरढोकाबाट एक÷एक गरी दुई, जयवागेश्वरी–इट्टापाखा–भुवनेश्वरी अघिको सानो फलामे ढोका हुँदै पश्चिम प्रवेशद्वारबाट एक, बत्तीसपुतली, गौशाला तथा विमानस्थल गौशाला भएर पिङ्गलास्थान–सुमार्गी भवन–चारशिवालय–पञ्चदेवल हुँदै दक्षिणढोकाबाट एक÷एक गरी दुई लाइनको व्यवस्था गरिएको सदस्य–सचिव ढकालले बताउनुभयो ।<br><br>भक्तजनको भीड बढी भएमा तिलगङ्गा–राममन्दिरतिरबाट समेत एक लाइनको व्यवस्था गरिने छ । पशुपतिनाथका नियमित दर्शनार्थीले बिहान सात बजेअघि नै भुवनेश्वरी अघिको सानो फलामे ढोकाबाट प्रवेश गरी दर्शन गरिसक्नु पर्ने व्यवस्था मिलाइएको कोषले जनाएको छ ।<br><br>तिलगङ्गा, कोषको कार्यालय, महानगरीय प्रहरी वृत्त गौशाला, सिफलचौर, गुह्येश्वरी पारीको खाली भाग गरी पाँच स्थानमा सवारी पार्किङको व्यवस्था मिलाइएको छ । विमानस्थल–गौशाला–चावहिल चक्रपथमा दर्शनार्थीको चापअनुसार सवारी एकतर्फी गरिनेछ ।<br><br>हंसमण्डपमा भरत नाट्य र अन्य कलाकारले भक्तिसङ्गीत कार्यक्रम प्रदर्शन गर्नेछन् । आइतबारदेखि नै पश्चिम मूल ढोकाअघि शिव र शक्तिसँग सम्बन्धित विद्युतीय झाँकी प्रदर्शन गरिनेछ । पशुपति क्षेत्रमा मासु, मदिरा, गाँजा, भाङलगायत नशालु पदार्थ बेचबिखनमा प्रतिबन्ध लगाइएको छ ।<br><br>मेलामा प्लाष्टिक झोला एवं सामग्री नल्याउन पनि कोषले भक्तजनमा आह्वान गरेको छ । ज्येष्ठ नागरिक र अशक्तलाई दर्शन गर्ने विशेष व्यवस्था मिलाइएको जनाइएको छ । पर्वको तयारीका लागि आठ उपसमिति गठन गरी सबै तयारी अन्तिम चरणमा पुगेको छ <br><br></p>

<p>त्रिशूली । शुक्रबार साँझ मिनीबस दुर्घटना हुदाँ चालक गम्भीर घाइते भएका छन् । <br>त्रिशूलीबाट गेर्खुको गैरीखर्कतर्फ जादै गरेको ना.४ ख ७३०० नं. को बस दुर्घटना हुदाँ त्यसका चालक श्यामबहादुर तामाङ गम्भीर घाइते भएको जिल्ला प्रहरी कार्यालय नुवाकोटका प्रहरी उपरीक्षक कृष्णबहादुर पल्लिमगरले जानकारी दिनुभयो ।</p><p><br>दुर्घटनामा घाइते भएका ४८ वर्षका तामाङको जिल्ला अस्पताल त्रिशूलीमा उपचार हुन नसकेपछि थप उपचारको लागी काठमाडौ पठाइएको छ । </p><p><img style="width: 1024px;" src="https://topnepalnews.comuploads/posts/bb7fd6ff17f79d9c9e4c56af1d67d3dc1551452939.jpg"><br></p><p>विदुर नगरपालिका–१० स्थित चालकले आफ्नो घरतर्फ लैजादै गरेको बस साँझ सात बजेतिर गेर्खुटार स्थित सडकमा अनियन्त्रित भएर करीब एकसय मिटर तल पुगेर रुखमा अड्किएको वडा नं .१० का वडाध्यक्ष गणेशकुमार नेपालले जानकारी दिनुभयो । प्रहरीको अनुसार दुर्घटनाको समयमा बसमा चालक मात्र रहेका थिए । <br><br><br></p>

<p>काठमाडौं । ताप्लेजुङमा बुधबार भएको हेलिकोप्टर दुर्घटनामा परी निधन भएका ५ जनाको एकैसाथ अन्त्येष्टि गरिएको छ । उनीहरुको शुक्रबार पशुपतिस्थित आर्यघाटमा एकसाथ अन्त्येष्टि गरिएको हो ।<br><br>दिवंगत भएका नेपाल नागरिक उड्डयन प्राधिकरणका उपनिर्देशक वीरेन्द्रप्रसाद श्रेष्ठ, नागरिक उड्डयन प्राधिकरणका इञ्जिनियर ध्रुव भोछिभोया, प्रधानमन्त्रीका स्वकीय सचिव युवराज दाहाल, क्याप्टेन प्रभाकर केसी र मन्त्री अधिकारीका सुरक्षा गार्ड अर्जुन अधिकारीको शुक्रबार एकै साथ अन्त्येष्टि भएको हो ।<br><br>सोही दुर्घटनामा निधन भएका पर्यटनमन्त्री रवीन्द्र अधिकारीको अन्त्येष्टिका लागि गृहजिल्लामा अन्त्येष्टी गरिएको छ भने आङछिरिङको आइतबार मात्र अन्त्येष्टी गरिनेछ । <br><br></p>

<p>काठमाडौ । नेपाली सेनाले संस्कृति, पर्यटन तथा नागरिक उड्डयनमन्त्री रवीन्द्र अधिकारीलगायत हेलिकप्टर दुर्घटनामा परी मृत्यु भएका सात जनाको शव उठाउन शुरु गरेको छ ।<br><br>काठमाडौँबाट गएको सेनाको हेलिकप्टर घटनास्थलमा अवतरण गर्नसक्ने अवस्था नभए पनि सेनाको हेलिकप्टरले डोरीमा अड्काएर (पोको पारिएका) दुई वटा शव ताप्लेजुङस्थित सुकेटार विमानस्थलसम्म ल्याई अन्य शव लिन घटनास्थलतर्फ गएको छ । सबै शव सुकेटार ल्याइएपछि सो हेलिकप्टर काठमाडौँ फर्कनेछ ।<br><br>काठमाडौँबाट तेह्रथुमको चुहानडाँडामा विमानस्थलको सम्भाव्यता अध्ययनका लागि मन्त्री अधिकारीसहितको टोली कार्यक्रम सकेर काठमाडौँ फर्किने क्रममा ताप्लेजुङको दारेभिरमा दुर्घटनामा परेको थियो । <br></p>

<p>काठमाडौ । संस्कृति, पर्यटन तथा नागरिक उड्डयनमन्त्री रवीन्द्रप्रसाद अधिकारीसहित सवार एयर डाइनेष्टीको हेलिकप्टर आज ताप्लेजुङको मयम, तारेभिरमा दुर्घटनाग्रस्त हुँदा हेलिकप्टरमा सवार सातै जनाको निधन भएको छ ।<br><br>गृह मन्त्रालयले पत्रकार सम्मेलन गरी सो हेलिकप्टरमा सवार मन्त्री अधिकारीसहित छ र क्याप्टेनसहित सात जनाको मृत्यु भएको जानकारी दिएको हो । मन्त्रालयका प्रवक्ता रामकृष्ण सुवेदीका अनुसार मन्त्री अधिकारीसहित सवार छ र क्याप्टेन गरी सात जनाको शव फेला परेको छ । मन्त्री अधिकारीको शव चिन्न सकिने अवस्थामा छ । मन्त्रीका पीएसओ नेपाली सेनाका जमेदारको शव चिनिएको छ । बाँकी शव चिन्न सकिने अवस्थामा छैनन् ।<br><br>शव ल्याउनका लािग नेपाली सेनाको एमआई १७ र बेल हेलिकप्टर उडिसकेको समेत प्रवक्ता सुवेदीले जानकारी दिनुभयो । </p><p>उहाँका अनुसार दुर्घटना भएको स्थान विकट भएकाले हेलिकप्टरसम्म ल्याउन डेढदेखि दुई घण्टा लाग्ने छ ।<br>मन्त्री अधिकारीसहितको टोली तेह्रथुमको चुहानडाँडामा आयोजित कार्यक्रम सकेर ताप्लेजुङको पाथीभरा दर्शन गरेर फर्कने क्रममा मन्दिरबाट डेढ किलोमिटर यता दुर्घटना भएको थियो । यसैबीच हेलिकप्टर दुर्घटनास्थल तारेभीरमा पुगिसकेको बताइएको छ । <br><br></p>

<p>विदुर । नुवाकोटको बट्टारमा सञ्चालन हुन लागिरहेको आदिबासी जनजाति महोत्सबको आवश्यक तयारी पूरा भएको छ । नेपाल आदिबासी जनजाति महासंघ जिल्ला समन्वय परिषद नुवाकोटको आयोजनामा हुन लागिरहेको ‘प्रथम नुवाकोट आदिबासी महोत्सब २०७५’ को व्यबस्थापनका कार्यहरु सबै सम्पन्न भएको आयोजकले जनाएको छ । यही फागुन १६ गतेदेखि २६ गते सम्म हुन लागेको महोत्सबमा स्टल र स्टेज निर्माण, खेलकुदका सामाग्रि जडान एंव सञ्चालन लगायतका सबै काम पूरा भएको महोत्सव आयोजक समितिका संयोजक भगवान रानामगरले आज सचिवालयमा आयोजित पत्रकार सम्मेलनमा जानकारी दिनुभयो । उहाँको अनुसार महोत्सवको उद्घाटनको लागी १६ गते अपरान्ह १ बजे पूर्वप्रधानमन्त्री एंव नेकपाका अध्यक्ष पुष्पकमल दाहाल प्रचण्ड आउन लाग्नुभएको छ । </p><p><br>महोत्सबमा पर्यटन, उद्योग, कृषिमा बिकास साथ आर्थिक समृद्धि र सामाजिक तथा साँस्कृतिक अधिकारको महोत्सबमा लोपोन्मुख भाषा, संस्कृति भेषभुषा, संस्थागत संरक्षण र जातीय पहिचान लाई विशेष महत्वको साथ प्रस्तुत गर्न लागिएकोले नुवाकोटमा यसअघि सञ्चालनमा रहेका विभिन्न किसिमका महोत्सव भन्दा फरक तथा पृथक बनाउन लागिएको संयोजक थापामगरले जानकारी दिनुभएको छ । महोत्सवले सबै जातजाती तथा भाषाभाषीको प्रतिनिधित्व झल्काउने गरी आवास निर्माण गरिने र त्यहाँ कला, सस्कृति जन्मदेखि मृत्युसम्म गरिने रितिरिवाजलाई देखाउन लागिएको छ । डकुमेन्ट्रीको माध्यमबाट जनजातिको पहिचानलाई सकारात्मक रुपमा चित्रण गराउने समेत तयारी गरिएको छ । </p><p><img style="width: 960px;" src="https://topnepalnews.comuploads/posts/43230fc4178807052591b920fa5c7c331551245320.jpg"><br>महोत्सवमा जनजातिको भेषभूषा, भाषा, धर्म, सस्कृति, खाना, पहिरन, लवज, धार्मिकग्रन्ध, पर्व तथा चाड लगायतलाई समेत प्रस्तुत गर्न लागिएको छ । <br>महोत्सबमा आदिबासी तथा जनजातीको झाक्री सांस्कृतिक प्रदर्शनी, जिल्लास्तरीय नृत्य आइडल सञ्चालन हुने उत्कृष्ट साहित्य छनौट, कृषि तथा लघु उद्यम सामग्रीको बिक्रि अटोमोबाइल प्रदर्शनी तथा बिक्री, सडक नाटक, निःशुल्क स्वास्थ्य शिविर, आदिबाशी तथा जनजातिको खानाका प्रकारहरु, रमाईलो मेल, आदिबाशी तथा जनजातिको भेषभुषा प्रदर्शनी तथा बिक्रि, स्थानीय कला तथा प्रतिभालाई बिशेष प्राथमिकता, धार्मिक संस्कृतिक पहिचान तथा अवलोकन , लोकदोहोरी प्रस्तुति, लोपोन्मुख सांस्कृतिक प्रदर्शनी साथै नेपालको अत्यन्तै चर्चित कलाकारहरु प्रमोद खरेल, प्रिती आले, प्रकाश सपुत, रामजी खान, सम्झना लामिछाने, पशुपति शर्मा, राधिका हमाल, सागर एस वाईबा, मेलिना राई, सुगम पोखरेल, धिरज राई, बद्रि पगेनी, विश्व दोङ्ग साथै कमेडीतर्फ महादेव त्रिपाठी, सुमन कार्की, काउलीबुढी, भट्भटे माईला, मनोज गजुरेल, बले र कक्रोज डान्सर तर्फ दिपासा बि.सी र अशोक दर्जी लगायत राष्ट्रिय तथा स्थानीय कलाकारहरुको प्रस्तुती रहने भएको छ । </p><p><br>महोत्सब लाई शव्य तथा भब्य रुपमा सफल बनाउनको लागी सलोमी उलान कास्ठ , काठमाडौँले ब्यबस्थापनमा सहयोग पु-याएको छ भने बिशेष सहयोगी आदिबासी जनजाति आयोग, काठमाडौँ , आदिबासी जनजाति उत्थान राष्ट्रिय प्रतिस्थान सानेपा, ललितपुर , नेपाल आदिबासी महासंघ, केन्द्रीय कार्यालय, संस्कृति पर्यटन मन्त्रालय सिंहदरबारले सहयोग गरेको छ । यसैगरी नुवाकोटमा रहेका सबै स्थानीयतहहरु, जिल्ला समन्वय समिति, विभिन्न पेशागत संघसगठनहरुले सहयोग पु-याएका छन । नुवाकोटबाट सञ्चालनमा रहेका सबै सञ्चारमाध्यम मिडिया पार्टनरको रुपमा आबद्ध भएका छन् । <br><br></p>

<p>काठमाडौ । दोलखा र सिन्धुपाल्चोक केन्द्रबिन्दु भएर दुई भूकम्प गएको छ।<br><br>मंगलबार ४ः१५ बजे दोलखा केन्द्रबिन्दु भएर ४ दशमलव ४ रिक्टर स्केल र सिन्धुपाल्चोक केन्द्रबिन्दु भएर&nbsp; ४ः२० मा ४ दशमलव १ रिक्टरस्केलको भूकम्प गएको राष्ट्रिय भूकम्प मापन केन्द्रले जनाएको छ।<br><br>पाँच मिनेटको अन्तरमा दुई भूकम्प गएको केन्द्रले जानकारी दिएको हो। <br><br></p>