<p>काठमाडौ ।&nbsp; सर्वोच्च अदालतले जन्मको आधारमा नागरिकता लिएकाको सन्तानलाई वंशजको नागरिकता वितरण गर्न बाटो खोलिदिएको छ ।<br><br>गृह मन्त्रालयको पत्र अनुसार जन्मको आधारमा नागरिकता लिएकाको सन्तानलाई वंशजको नागरिकता दिन सबै ७७ जिल्ला प्रशासन कार्यालयलाई बाटो खुला भएको हो ।<br><br>चैत २५ को उक्त आदेशलाई सर्वोच्चका न्यायाधीश हरिकृष्ण कार्की र बमकुमार श्रेष्ठको संयुक्त इजलासले खारेज गरेपछि नागरिकता वितरणको बाटो खुलेको हो।<br><br>वंशजको आधारमा नागरिकता प्रदान गर्न सकिने गरी गृह मन्त्रालयले गत चैत १९ गते मुलुकभरका जिल्ला प्रशासन कार्यालयमा सर्कुलर गरेको थियो। <br><br>जन्मको आधारमा नेपालको नागरिकता प्राप्त नागरिकका सन्तानले आफ्नो बाबु र आमाको नेपाली नागरिकताको प्रमाण पत्र संलग्न गरी नेपाली नगरिकता पाउन निवेदन दिएमा वंशजको आधारमा प्रक्रिया अपनाई दिन गृहमन्त्रीको निर्देशन थियो।<br><br>तर गृह मन्त्रालयको परिपत्र कार्यान्वयन नगर्न अन्तरिम आदेशको माग गर्दै वरिष्ठ अधिवक्ता वालकृष्ण नेउपानेले प्रधानमन्त्री तथा मन्त्रिपरिषद कार्यालयसमेतलाई विपक्षी बनाई सर्वोच्चमा रिट दायर गरेका थिए । उक्त रिटमाथि सुनुवाई गर्दै सर्वोच्चले पत्र यथास्थितिमा राख्न र मुद्दाका पक्ष र विपक्षलाई वैशाख ३ गते छलफलका लागि बोलाएको थियो ।<br><br>मंगलबार पक्ष र विपक्ष दुबै पक्षसँगको छलफलपछि सर्वोच्चले निवेदकले माग गरेअनुसार गृह मन्त्रालयको परिपत्रको कार्यान्वयन नगर्न अन्तरिम आदेश जारी गर्नु नपर्ने निर्णय सुनाएको हो । यो निर्णयपछि जिल्ला प्रशासन कार्यालयहरुलाई जन्मसिद्धका सन्तानलाई वंशजको नागरिकता वितरण गर्न बाटो खुलेको छ ।<br></p>

<p>नुवाकोट&nbsp; । विदुर नगरपालिका–२ स्थित बट्टारमा रहेको एक स्विमिङ पुल (पौडी खेल्न बनाएको पोखरी) मा डुबेर मंगलबार एक जना गम्भीर अशक्त भएका छन् । <br><br>विदुर नगरपालिका– ६ इनारपाटी घर भएका २३ वर्षका शंकर न्यौपाने पौडी खेलिरहेको समयमा पोखरीमा डुबेपछि उद्धार गरी उपचारको लागी काठमाडौ लगिएको नुवाकोट प्रहरीले जनाएको छ । पोखरीमा डुबेर अचेत भएका न्यौपानलेलाई उद्धार गरी विदुर स्थित चक्रदेव पोलिक्लिनिकमा उपचार पछि हेलिकोप्टरबाट अपरान्ह चार बजे काठमाडौ लगिएको हो । </p><p><br>पोखरीमा ११ बजेतिर पौडी खेल्न गएका उनी करीब तीन बजेतिर डुबेको र केही समयमै उद्धार गरिएको थियो ।</p><p><img style="width: 1024px;" src="https://topnepalnews.comuploads/posts/d5761f0e6789aaf68de816eeb33b5ada1555416966.jpg"><br><br></p><p><img style="width: 1024px;" src="https://topnepalnews.comuploads/posts/a9c5123151d3a7eed0e79101a40722601555416981.jpg"><br></p>

<p>काठमाडौ । राजधानीको मुटु भनेर चिनिने खुलामञ्चमा बिना टेन्डर, बिना बिल भरपाई ब्यापारिक प्रयोजनका लागि सटरहरुको निर्माण गरेर करोडौं रकमको हिनामिना गरेको भन्दै राष्ट्रिय स्वरोजगार व्यापार व्यवसायी संघले कडा आपत्ति जनाएको छ ।<br><br>मंगलवार रिपोर्टर्स क्लब नेपालमा पत्रकार सम्मेलन गर्दे संघले पुरानो बसपार्कमा निर्माणाधिन ‘भ्यु–टावर’ सम्पन्न नहुँञ्जेलसम्म सो क्षेत्रलाई अस्थायी बसपार्कको रुपमा प्रयोग गर्ने सहमति भएपनि अहिले आएर भूमाफियाहरुले ब्यापारिक प्रयोजनको थलो बनाउन खोजेको आरोप लगाएको हो । <br>बसपार्कलाई व्यवस्थित् र सुविधासम्पन्न बनाउन बन्दै केही वर्ष अगाडि काठमाडौं महानगरपालिका र जलेश्वर स्वछन्द विकोई विल्डर्स नामक कम्पनीका मालिक मनोज भेट्वालबीच सहमति भएको उल्लेख गर्दै संघले सो सम्झौताअनुसार काम नभएको खुलासा गरेको छ । <br><br>संघले जारी गरेको विज्ञप्तीमा भनिएको छ,‘काठमाडौं महानगरपालिकामा सम्पूर्ण गुठी संघ÷संस्थामा रहेका दुईमाजु गुठीको अधिनस्तमा रहेका जग्गा खानेपानी संस्थाको जग्गासमेत अनधिकृत रुपमा दलाल र भूमाफीयाले पक्की भौतिक संरचना बनाई प्रति पसल १० लाखदेखि १५ लाख र प्रति महिना भाडावापत १५ हजारदेखि २५ हजारसम्म उठाई करोडौं रुपैयाँको आर्थिक घोटाला गरिएको हुँदा यस्ता सार्वजनिक जग्गा र पहुँचका आडमा विना टेण्डर, बिना सहमति सञ्चालन गर्दापनि सम्बन्धित निकाय कामनपा, स्थानीय निकाय र नेपाल सरकारको ध्यान पुग्न नसकेको हुँदा हामी आम व्यवसायीहरुको छाता संगठन राष्ट्रिय स्वरोजगार व्यापार व्यवसायी संघको गम्भिर ध्यानाकार्षण भएको जानकारी गराउँदछौं ।’<br><br>कार्यक्रममा बोल्दै संघका महासचिव केशव अछामीले नेपालको मुटु मानिने खुलामञ्चजस्तो सार्वजनिक जग्गालाई भूमाफिया र दलालहरुले दोहन गरेको भन्दै गम्भिर आपत्ति जनाए ।<br><br>आफुहरुसंग भएका सहमतिलाई तोड्दैै आर्थिक तथा राजनैतिक पहँुच भएकाहरुलाई राज्यले करोडौँको चलखेल गर्दै सो क्षेत्रमा अतिक्रमण गराईरहेको उनको भनाई छ ।<br><br>निर्माणाधिन सटरहरुलाई प्रतिक्षालय बनाउने बहानामा बिना कुनै आधार करोडौं रकमको चलखेल गर्दे सरकारी सम्पत्तिको चरम दुरुपयोग भईरहेको उनले आरोप लगाए । <br>त्यस्तै कार्यक्रममा बोल्दै राष्ट्रिय उद्योग बाणिज्य महासंघका केन्द्रिय सदस्य लिलाबहादुर दाहालले अहिलेको सरकार जनताको हो कि भुमाफियाहरुको भन्दै प्रति प्रश्न गरे ।</p><p><br>‘समृद्ध नेपाल, सुखि नेपाली’ को नारा लगाउने सरकारले भारतीय पुजारीले जनकपुरको २४ बिघा जमिन बेच्दा सरकार र सरकारका भूमिसुधारमन्त्री कानमा तेल हालेर सुतिरहेको पनि उनको आरोप छ ।<br>उनले सरकारले दलाल तथा भूमाफियाहरुलाई प्रोत्साहन गरिरहेको भन्दै बालुवाटार बेचिँदा देशमा सरकार नभएको आभाष भएको दुःखेसो पोखे । <br>तीन वर्ष पहिला खुलामञ्चमा अस्थायी बसपार्क बनाउँदा प्रतिक्षालय बनाउने भनेपनि अहिले करोडौं रकमको चलखेल गरेर सटरहरु निर्माण हुँदापनि जनतासँग प्रत्यक्ष सरोकार राख्ने काठमाडौं महानगरपालिकाजस्तो स्थानीय सरकार मौन रहेकोमा उनले आक्रोस पोखे । <br>यो प्रकरणमा महानगरले छानबिन नगरी पन्छिन खोजेकोे पनि उनको आरोप छ । सो क्षेत्रमा निर्माण भईरहेका संरचनाहरु तत्काल नहटाए आफुहरु कडा आन्दोलनमा उत्रिने उनले चेतावनी दिए । <br><br>केही व्यक्ति मिलेर खुलामञ्चलाई कमाई गरि खाने भाँडो बनाउन खोजेको भन्दै उनले पहिला आफुहरुको आन्दोलनमा दमन गर्ने महानगर प्रहरी अहिले कहाँ र के हेरेर बसेको छ ? भन्दै उनले प्रश्न गरे । <br><br>त्यस्तै नेपाल स्वरोजगार व्यापार श्रमिक संघका महासचिव राजकुमार श्रेष्ठले आफुहरुको पहिला तीन महिना लामो आन्दोलनको स्मरण गर्नपनि सरकारको ध्यानाकर्षण गराए । <br>महानगरले ब्यवसाय गर्न टेन्डर निकाल्नुपर्ने भएपनि कुनै आधिकारिक बिल भरपाईनै नदिई व्यवसायीहरुबाट करोडौं रकम असुलिरहेको उनको भनाई छ । १० देखि १५ लाखसम्म खल्तीमा हाल्दा पसल चलाउन दिईरहेको भन्दै उनले बसपार्क सञ्चालनको सम्झौता नै गलत रहेको दाबी गरे । </p><p><br>देशमा कुनैपनि नागरिकलाई अबैधानिक काम गर्न छुट नरहेको भन्दै उनले व्यवसायीहरुले महानगरसंग कुनै सम्झौता गरेको हो भने उक्त सम्झौता सार्वजनिक गर्नपनि उनले माग राखे । <br>उनले भने,‘यो क्षेत्रलाई यदि व्यापारिक प्रयोजनको निम्ति दिने हो भने पहिलो प्राथमिकता स्वरोजगार श्रमिकहरुले पाउनुपर्छ ।’ राष्ट्रको सम्पत्तिको दुरुपयोग गर्न खोज्नेलाई तत्काल सार्वजनिक गरी कानूनबमोजिम कारबाही गर्नुपर्नेपनि उनको माग छ । <br><br>संघले जारी गरेको विज्ञप्तीमा थप भनिएको छ,‘लामो समय आन्दोलन गर्दा तत्कालिन गृह सह–सचिव यादव प्रसाद कोइरालाको संयोजकत्वमा ९ सदस्य कार्यदल निर्माण गर्दै तीन दिनभित्रमा ठाउँ खोजी व्यवस्थापन गर्ने निर्णय भएकोमा सोही ठाउँ आम व्यवसायीहरुको माग हुँदा सो क्षेत्रलाई कुनैपनि हालतमा प्रयोग गर्न नपाईने र नदिने भनिएर व्यापारीहरुलाई विचल्लीमा पारियो ।</p><p><br>&nbsp;आज फेरि त्यही राज्यको खाली जग्गालाई दलाल र भूमाफीयाहरुले करोडौं उठाएर खाने भाँडो बनाईएको हुँदा सम्बन्धित निकायमा हामी व्यवसायीहरुका प्रतिनिधिहरुले ज्ञापन पत्र बुझाउने र भेटेरै जानकारी गराउने काम गर्यौं । <br>संघले राज्यको सम्पत्तिमाथि दोहन गर्ने भूमाफिया र दलालहरुलाई कारबाही गर्नुपर्ने माग गरेको । <br><br><br><br><br><br></p>

<p>धुञ्चे । रसुवाली कवि सोमबार पक्राउ परेका छन् । विप्लव नेतृत्वको नेकपा रसुवाका जिल्ला कमिटी सदस्य साहित्यकार ठाकुर प्रसाद तिमिल्सिनालाई प्रहरीले सोमबार पक्राउ गरेको हो ।<br><br>सरकारद्वारा प्रतिबन्धित नेत्रविक्रम चन्द विप्लव नेतृत्वको नेकपा नेता भएको भन्दै उनलाई प्रहरीले बालाजुबाट पक्राउ गरेको हो । शसस्त्र प्रहरीको विशेष टोलीेले गोप्य सूचनाको आधारमा उनलाई पक्राउ गरिएको प्रहरीले जनाएको छ ।<br><br>रसुवाको कालिका गाउँपालिका ३ का तिमिल्सिना काम विशेषले काठमाडौँ आएको बेला काठमाडौँ महागरपालिका १६ बालाजुको हिलेगाउँबाट पक्राउ परेका हुन् । पक्राउ परेका तिमिल्सिनालाई शसस्त्र प्रहरीको टोलीले प्रहरीलाई महानगरीय प्रहरी वृतलाई बुझाउन लागेको छ।<br></p>

<p>काठमाडौ । त्रिभुवन अन्तराष्ट्रिय बिमानस्थल सुरक्षा कार्यालयले अबैध नगद सहित २ जनालाई पक्राउ गरेको छ ।<br><br>प्रहरीले यही बैसाख २ गते कतार एयरवेजको उडानद्धारा स्वदेश फर्किन लागेका पोल्याण्डका Maksy Milikn Weglowski को साथबाट डलर १३ हजार ६ सय, युरो ५ हजार २ सय र नेपाली रूपैया ५८ हजार&nbsp; र&nbsp; Aakuv Stecki को साथबाट डलर ६ हजार १ सय र युरो ५ हजार सहित पक्राउ गरेको छ । त्रिभुबन अन्तरराष्ट्रिय बिमान स्थलको अन्तरराष्ट्रिय उडान तर्फको होल ब्यागेज चेकिङ एरियामा चेकजाँच गर्ने क्रममा निजहरूलाई पक्राउ गरेको हो ।<br><br>घटना सम्बन्धमा प्रहरीले अनुसन्धान गरिरहेको छ ।<br></p>

<p>काठमाडौ । नेपालमै पहिलो पटक राष्ट्रिय परिचयपत्र प्राप्त गर्नुभएकी पाँचथरको फिदिम नगरपालिका– ४ शान्तिपुरकी वयोवृद्धा भगवतीदेवी भण्डारीको निधन भएको छ ।&nbsp;&nbsp; दमबाट ग्रसित १०२ वर्षीया भण्डारीको शुक्रबार निधन भएको उहाँका आफन्त सूर्य अधिकारीले जानकारी दिए। उनको शुक्रबार नै फिदिम स्थित हेँवा घाटमा दाहसंस्कार समेत गरिएको छ । <br><br>&nbsp; नेपालमै पहिलो पटक गत मङ्सिर ३ गते गृहमन्त्री रामबहादुर थापाले भण्डारीलाई राष्ट्रिय परिचयपत्र प्रदान गरेर राष्ट्रिय परिचयपत्र वितरणको शुभारम्भ गर्नुभएको थियो । गृहमन्त्री थापाले समेत वयोवृद्धा भण्डारीबाट आफ्नो राष्ट्रिय परिचयपत्र ग्रहण गरेकि&nbsp; थिइन् । <br><br>भण्डारीबाटै राष्ट्रिय परिचयपत्रका लागि विवरण सङ्कलनको शुरुआत समेत गरिएको थियो । गत वर्षको असार ५ गते भण्डारीको जैविक तथा वैयक्तिक विवरण सङ्कलन गरेर विवरण सङ्कलन कार्यको सुरुआत भएको थियो । दिवङ्गत भण्डारीका दुई छोरा र एक छोरी छन् । <br><br>&nbsp;पाँचथरमा जिल्ला प्रशासन कार्यालयमा रहेको राष्ट्रिय परिचयपत्र तथा पञ्जिकरण विभागको फिल्ड कार्यालय तथा इलाका प्रशासन कार्यालय रवीबाट राष्ट्रिय परिचयपत्रका लागि विवरण सङ्कलन तथा राष्ट्रिय परिचयपत्र वितरण कार्य भइरहेको छ । जिल्लाका ६० वटै वडामा राष्ट्रिय परिचयपत्रका लागि विवरण सङ्कलन शिविर तथा राष्ट्रिय परिचयपत्र वितरण शिविर सञ्चालन भइसकेको फिल्ड कार्यालयले जनाएको छ ।<br><br>नेपाल सरकारले पाँचथरका एक लाख १० हजार नागरिक तथा सिंहदरबारका सात हजार कर्मचारीलाई पहिलो चरणमा राष्ट्रिय परिचयपत्र प्रदान गर्ने लक्ष्यअनुसार कार्य भइरहेको छ । <br><br></p>

<p>काठमाडौ । स्रोत साधन र जनशक्तिको अभावमा माग अनुसारको नयाँ युनिट स्थापना गर्न नसकिएको सशस्त्र प्रहरीले जनाएको छ । सशस्त्र प्रहरी महानिरीक्षक शैलेन्द्र खनालले सोमबार आफ्नो एक वर्षे कार्यकालको विवरण सार्वजनिक गर्दै नयाँ युनिटको माग आए पनि स्थापना गर्न नसकिएको बताएका हुन् ।<br><br>हलचोकस्थित सश्स्त्र प्रहरीको मुख्यालयमा पत्रकार सम्मेलन गरी उनले नयाँ युनिट स्थापनाका लागि एक सय ६९ वटा स्थानबाट माग आएको बताए । <br><br>खनालले ठूला जलविद्युत आयोजनालगायत राष्ट्रिय गौरवका आयोजनाहरुमा सशस्त्र प्रहरी बलको माग भइरहे पनि जनशक्तिको अभावमा नयाँ युनिट राख्न सक्ने अवस्था नरहेकोे स्पष्ट पारे ।<br><br>सूचनामा सबैको पहुँच पु-याउने उद्देश्यका साथ सशस्त्र प्रहरीले नयाँ मोबाइल एप्स सोमबारबाटै संचालनमा ल्याइएको छ । मातहतका कर्मचारी र सशस्त्र प्रहरी बलबारे सर्वसाधारणलाई जानकारी लिन सहजहोस् भन्ने उद्देश्यले एप्स संचालनमा ल्याइएको खनालले बताए । <br><br></p>