<p>काठमाडौ । बुधबार राति काठमाण्डाैलगायतका केही जिल्लामा भूकम्पकाे धक्का महसुस गरिएकाे छ ।&nbsp;<br></p><p>बुधबार राति १० बजेर ८ मिनेट जाँदा सिन्धुपाल्चाेककाे फुल्पिङकाेट केन्द्रबिन्दु भएर ५ म्याग्निच्यूडकाे भूकम्प गएकाे राष्ट्रिय भूकम्प मापन केन्द्र लैनचाैरले जनाएकाे छ ।&nbsp;<br></p><p>सिन्धुपाल्चाेक केन्द्रबिन्दु भएर भूकम्प गए पनि काठमाण्डाै, भक्तपुर, ललितपुर र काभ्रेपलाञ्चाेकमा समेत भूकम्पकाे धक्का महसुस गरिएकाे छ । भूकम्पबाट कहाँ के कति क्षति भयो भन्ने विवरण भने प्राप्त भैसकेको छैन ।<br></p>

<p>काठमाडौ । भूकम्पप्रभावित पाँच लाख १४ हजार ५७१ लाभग्राहीले तेस्रो किस्ता लिएका छन् । घर पुनर्निर्माण गरी छाना छाउने तहसम्म पुर्याएपछि लाभग्राहीले तेस्रो किस्ता प्राप्त गर्छन् । यो अनुदान सम्झौता गरेका लाभग्राहीको ६६.२३ प्रतिशत हो । अपरान्हसम्मको तथ्यांकअनुसार ४ लाख ७२ हजार ३५१ लाभग्राहीहरु भूकम्प प्रतिरोधी घर पुनर्निर्माण गरी नयाँ घरमा सरिसकेका छन् । त्यसैगरी, पुनर्निर्माण प्रक्रियामा प्रवेश गरेका अन्य १ लाख ९४ हजार २१९ लाभग्राहीले आफ्नो घर पुनर्निर्माण गरिरहेका छन् ।&nbsp;&nbsp;<br></p><p>हालसम्म निजी आवास अनुदान प्राप्त गर्न योग्य ८ लाख १६ हजार ६८६ लाभग्राहीमध्ये करिब ९४ प्रतिशत लाभग्राहीले अनुदान सम्झौता गरेका छन् । अनुदान सम्झौता गरेका लाभग्राहीमध्ये ९८.९२ ले पहिलो किस्ता लिएका छन् भने ७८.९९ ले दोस्रो किस्ता लिएका छन् ।</p><p>राष्टिय पुनर्निर्माण प्राधिकरणका सहप्रवक्ता मनोहर घिमिरे पछिल्लो समय निजी आवास पुननिर्माण सन्तोषजनक ढंगले अघि बढिरहेको बताउनुहुन्छ । अब बर्षा तथा चाडपर्वहरु सम्पन्न भई घर निर्माण गर्ने मौसम सुरु भएकोले निजी आवास पुनर्निर्माणको संख्यामा तिव्रता आउने उहाँको विश्वास छ ।</p><p>प्राधिकरणले २०७५ असार मसान्तसम्म पहिलो किस्ता लिने लाभग्राहीलाई यही कार्तिक मसान्तभित्र दोस्रो किस्ता र सोही अवधिभित्र दोस्रो किस्ता लिएका लाभग्राहीलाई माघ मसान्तभित्र तेस्रो किस्ता लिन आग्रह पनि गरेको छ ।&nbsp;</p>

<p>काठमाडौ । महाराजगञ्जमा जुवाको खालबाट पक्राउ परेका २५ जनाको सम्पत्ति छानविन हुने भएको छ । गएको कात्तिक १० गते महाराजगञ्जमा जुवाखालबाट २ करोड ६७ लाख रुपैयाँसहित पक्राउ परेका उनीहरुलाई थप अनुसन्धानका लागि मंगलबार सम्पत्ति शुद्धिकरण अनुसन्धान विभागमा बुझाउने महाराजगञ्ज प्रहरी वृत्तका डीएसपी उमेश लम्सालले उज्यालोलाई जानकारी दिनुभयो ।&nbsp;<br></p><p>जुवा खेलेको अभियोगमा दायर भएको मुद्दामा जिल्ला प्रशासन कार्यालयले धरौटीमा रिहा गर्नासाथ सोमबार फेरि पक्राउ परेका उनीहरुमाथि थप अनुसन्धानका लागि सम्पत्ति शुद्धिकरण अनुसन्धान विभागमा बुझाउन लागिएको हो ।&nbsp;<br></p><p>क्यासिनो किङका रुपमा चिनिने बलराम सापकोटासहित सुमन अग्रवाल, पवन अग्रवाल, सोभित सिलवाल, प्रदीप बोगटी, रामकृष्ण केसी, इन्दु श्रेष्ठ, सीताराम खड्का, रोशन तामाङ, राम तामाङ, कृष्ण भण्डारी, सुमन गुरुङ, रञ्जन राजवंशी, सोदेल कार्की, पवित्रकुमार कार्की, मुक्ति लामा, भक्त तामाङ, शम्भु बुढाथोकी, अशोक श्रेष्ठ, प्रेम थापामगर, हलामप्रसाद पराजुली, बुद्ध लामा, थम्कु शेर्पा र नवाङ लामालाई कात्तिक १० गते प्रहरीले जुवाखालबाट पक्राउ गरेको थियो ।<br></p>

<p>बैतडी । सुदूरपश्चिमका पहाडी जिल्लाहरुमा भूकम्पको धक्का महसुस गरिएको छ । भारत केन्द्रबिन्दु भएर गएको भूकम्पका कारण सुदूरपश्चिममा पनि धक्का महसुस भएको हो । भूकम्प मापन केन्द्र सुर्खेतका अनुसार भारतको मुन्सीयारी केन्द्रबिन्दु भएर गएको ४ दशमलव ६ रेक्टर स्केलको भूकम्पका कारण बैतडी दार्चुलालगायतका जिल्लामा धक्का महसुस गरिएको हो ।<br></p><p>मंगलबार बिहान ७ बजेर ४५ मिनेटमा भूकम्प गएको भूकम्प मापन केन्द्र सुर्खेतका टेक्निकल असिस्टेन्ट चन्दा शाहले जानकारी दिनुभयो ।</p><div><br></div>

<p>काठमाडौं । व्यवसायी तथा पूर्व अर्थ राज्यमन्त्री रुप ज्योति ठगी आरोपमा पक्राउ परेका छन्। बिहीबार साँझ सिआईबीको टोलीले पक्राउ गरेको हो। टोलीले उनलाई त्रिभुवन अन्तर्राष्ट्रिय विमानस्थलबाटै पक्राउ गरिएको हो।</p><p>सिल्क एयरको विमानबाट साँझ साढे ८ बजे त्रिभूवन अन्तर्राष्ट्रिय विमानस्थल उत्रेका उनलाई विमानबाट उत्रेको केही समयमा नै सिआइबीको टोलीले नियन्त्रणमा लिएको थियो।&nbsp;<br></p><p>हाउजिङका नाममा विभिन्न व्यक्तिसँग ठगी मुद्दामा रूप ज्योतिलाई पक्राउ गर्न जिल्ला अदालत काठमाडौंले २०७५ मंसिर २० मा अनुमति दिएको थियो।</p><p><img src="https://topnepalnews.comuploads/posts/b3478204978ec710a97db94f0cdb8d6d1573143766.jpg" style="width: 1000px;"><br></p><p>तर, उनी त्यसविरुद्ध सोही वर्ष मंसिर २४ मा सर्वोच्च पुगेर अन्तरिम आदेश लिएका थिए। त्यसको १ वर्षपछि मंगलबार सर्वोच्चले रुप ज्योतिको विपक्षमा फैसला सुनाएको थियो। सर्वोच्चको उक्त फैसलासँगै प्रहरीलाई रुप ज्योति पक्राउ गर्न बाटो खुलेको हो। प्रहरी उच्च स्रोतका अनुसार व्यवसायी ज्योतिलाई सिल्क एयरबाट काठमाडौं आउने क्रममा त्रिभुवन अन्तर्राष्ट्रिय विमानस्थलबाट पक्राउ गरिएको हो।</p><p>देशबाहिर रहेका उनी आज स्वदेश फर्कंदै गरेको सूचनाका आधारमा महानगरीय प्रहरी परिसरको टोली साँझ नै विमानस्थल पुगेको थियो।&nbsp; यससँगै रूप ज्योतिलाई पक्राउ गरेर अनुसन्धान अघि बढाउनू भन्ने जिल्ला अदालत काठमाडौंको आदेश कार्यान्वयन भएको छ।&nbsp;</p><p>प्रधानन्यायाधीश चोलेन्द्र शमशेर राणा र न्यायाधीश प्रकाश ढुंगानाको संयुक्त इजलासले रूप ज्योतिको निषेधाज्ञासम्बन्धी रिट खारेज गरिदिएको थियो।<br></p>

<p>बाघखोर । बेलकोटगढी नगरपालिकाको उपप्रमुख कविता ढुङ्गानाले सामुदायिक वनको संरक्षणसगै यसबाट उपभोक्ताले लाभलिन सक्ने कार्यक्रम चलाउनको लागी जोड दिने बताउनुभएको छ ।<br></p><p>बेलकोटगढी नगरपालिकाको वडा नं. ९ मा रहेको ‘गजुरेलपाखा सामुदायिक सामुदायिक वन उपभोक्ता समितिको बुधबार आयोजित दशौ साधारण एंव अधिवेशनमा सम्बोधन गर्दै नगरउपप्रमुख ढुङ्गानाले सामुदायिक वनको रुपमा जनताले संरक्षण गर्दै आएका सयौ रोपनी क्षेत्रफलमा काठदाउरा एंव घाँसस्याउलाको विकल्पमा कबुलियत बनको अवधारणा अन्तरगत आम्दानी बढाउने कार्यक्रम चलाउन स्थानीय सरकारकोतर्फबाट पहल गर्ने बताउनुभएको हो ।&nbsp;</p><p>अहिले सामुदायिक वन संरक्षण सम्बन्धिको अधिकार प्रदेस सरकारमा रहेपनि प्रष्टता नभएको सन्दर्भमा स्थानीय सरकारको तर्फबाट नगरपालिकाले वन क्षेत्रको खाली रहेका स्थानमा अब घाँसस्याउलाको सट्टामा राम्रो आम्दानी गर्नसक्ने जडिबुटी तथा जंगली उत्पादनका विरुवा लगाउन सकिने बताउनुभएको छ । उहाँले वनमा उत्पादन हुने जडिबुटी अमूल्य सम्पत्तिको रुपमा आम्दानी र स्वदेसी उत्पादनको औषधी बनाएर मुलुकलाई आत्मनिर्भर बनाउन सकिने भएकाले त्यसको लागी सामुदायिक वनले त्यस्ता गुरुयोजना तथा कार्ययोजना बनाउनुपर्ने बताउनुभएको छ ।&nbsp;</p><p>कार्यक्रममा वडा नं. ९ का वडाअध्यक्ष बाबुराम गजुरेलले सामुदायिक वन संरक्षको लागी सुरुवाती समयमा चुनौती भएपनि अहिले घाँसदाउरा गर्नेको सङ्ख्या घटेकाले बृक्षारोपण गरेर वन विस्तार गर्नुपर्ने बताउनुभएको छ ।&nbsp;</p><p>अधिवेशनले पुनः रामप्रसाद दाहालको अध्यक्षमा नयाँ कार्यसमिति गठन गरेको छ । वनको साधारण सभामा सामुदायिक वन उपभोक्ता महासंघका प्रदेस प्रतिनिधि नारायणप्रसाद नेपाल, जनप्रतिनिधि, स्थानीय सरोकारवाला सहित उपभोक्ताहरुको सहभागिता रहेको थियो ।&nbsp;</p><div><br></div>

<p style="text-align: justify; ">विदुर । लिखु गाउपालिका बचाउ संघर्ष समितिबाट रुपान्तरण भएर सञ्चालनमा रहेको ‘स्थानीय सरोकार समिति’ले गाउँपालिकाले प्रवाह गर्नुपर्ने सेवा सुधार तथा कार्यालय व्यवस्थापनको माग गर्दैै गाउँपालिकाको कार्यालयमा नौ बुँदे ज्ञापनपत्र बुझाएको छ ।<br></p><p style="text-align: justify; "><span style="white-space:pre"> </span>सरोकार समितिका अध्यक्ष बिनोद पाठक सहित समितिका पदाधिकारी एंव स्थानीयबासीको रोहबरमा सोमबार गाउँपालिकाको अध्यक्ष धुव्र श्रेष्ठलाई ज्ञापनपत्र बुझाउदै&nbsp; माग सम्बोधनको लागी गम्भीर हुन सचेत गराइएको छ ।</p><p style="text-align: justify; "><img src="https://topnepalnews.comuploads/posts/83f50c6ad479f3b32c3a788d329c48151572885860.jpg" style="width: 960px;"></p><p style="text-align: justify; ">ज्ञापन पत्रमा भाडाको घरबाट सञ्चालनमा रहेको गाउँपालिकाको भवनको लागी जग्गाको व्यस्थापन गरेर निर्माण कार्य तत्कालै सुरु गर्नुपर्ने, वडा कार्यालय निर्माणको लागी एक वटा वडाको लागी मात्र बजेट तर्जुमा भएको र अन्य वडाको लागी आवश्यक संरचना बनाउन बजेट नदिएकाले त्यसलाई सम्बोधन गर्नुपर्ने, लक्षित वर्गको कार्यक्रम गाउँपालिका र वडा कार्यालयबाट दोहोर बनाएर राखेकाले त्यसलाई संशोधन गर्नुपर्ने एंव यसअघि लक्षित बर्गलाई छुट्टाएको बजेटबाट ब्युटिसियन र सवारी चालक तालीम दिएको र त्यो प्रभावकारी नभएकाले ब्यवहारिक रुपमा प्रयोगमा नआउने क्षेत्रमा बजेट खर्च गर्न नहुने माग गरिएको छ ।&nbsp;<br></p><p style="text-align: justify; "><b>यसैगरी, </b>सार्वजनिक बिदाको दिन पनि सरकारी सवारीसाधन चलाउदै आउने गरेको भन्दै त्यसलाई रोक्नुपर्ने, तादी र लिखु खोलामा अबैध रुपमा संकलन भएका नदीजन्य सामाग्रि जफत गर्नुपर्ने र आई.ई.ई प्रतिवेदनले निर्धारण गरे अनुसार मात्र नदीजन्य सामाग्रिको उत्खननको लागी बोलपत्र आह्वान गर्नुपर्ने र अहिले अबैध रुपमा भइरहेको उत्खनन् तत्काल रोक्नुपर्ने माग राखिएको छ ।&nbsp;<br></p><p style="text-align: justify;"><b>यस्तै,</b> सरोकार समितिले राखेको अन्य मागमा पछिल्लो समय गाउँपालिका क्षेत्रमा बढ्दो सहरीकरणबाट उत्पादन फोहोरले बजार क्षेत्र प्रदुषित भएकाले त्यसलाई उचित स्थानमा बिसर्जन हुने व्यवस्था मिलाउनुपर्ने एंव लिखु र तादी खोलामा ढल मिसाएर खोला प्रदुषण बनाएकाले त्यो बन्द गराउन गाउँपलिका समक्ष माग गरेको छ ।&nbsp;</p><p style="text-align: justify; ">गाउँपालिकाबासीसंग प्रत्यक्ष जोडिएका तथा वातावारण संरक्षण एंव जनताको जनजिविका एंव सुशासन तथा सेवा प्रवाह गुणस्तरीय बनाउनलाई जोड दिएका मागको तत्कालै सम्बोधन गर्नुपर्ने संघर्ष समितिका अध्यक्ष बिनोद पाठकले गाउँपालिका अध्यक्ष धुव्र श्रेष्ठ समक्ष राख्नुभएको छ ।&nbsp;</p><p style="text-align: justify; ">स्थानीय सरोकार समितिले बुझाएको ज्ञापनपत्र बुझ्दै गाउँपालिका अध्यक्ष श्रेष्ठले सेवा प्रवाह, योजना कार्यान्वयन, वातावरण संरक्षणको लागी उठाएको मागहरु सबै जायज भएकाले त्यसलाई सम्बोधन गर्न आफू लागिपर्ने बताउनुभएको छ । उहाँले गाउँपालिका र वडा कार्यालय निर्माणको लागी जग्गा र आर्थिक व्यवस्थापनको अभावले समस्या भएकाले मागको सम्बोधनमा समस्या हुने भएकाले अन्य माग जायज भएकाले त्यसलाई पूरा गर्न प्रतिबद्ध रहेको बताउनुभएको छ ।&nbsp;</p><p style="text-align: justify; "><img src="https://topnepalnews.comuploads/posts/e89c65d729c8ed8c8dd34f3c0845cca51572885869.jpg" style="width: 960px;"><br></p><p style="text-align: justify;">राज्य पुर्नसंरचनाको समयमा अहिले कायम गरिएको लिखुको भूगोलको माग गर्दै तीन सातासम्म संघर्षपूर्ण आन्दोलन गरेर स्थापना भएको लिखु गाउँपालिका संघर्ष समिति पछि स्थानीय सरोकार समितिको रुपमा स्थापना भएर गाउँपालिकालाई आर्थिक रुपमा समृद्ध, स्वरोजगार प्रबद्धन, सेवा प्रवाह चस्त एंव पारदर्शी बनाउनको लागी जन–दबाबमूलक कार्यक्रम गर्दै आएको छ ।&nbsp;</p><div style="text-align: justify;"><br></div>