<p>काठमाडौं । सर्वोच्च अदालतमा धेरै मुद्दामा अन्तरिम आदेश जारी हुने र लामो समयसम्म पेसी नचढ्ने समस्या छ । खासगरी ठूलो आर्थिक अनियमितता, सडक विस्तार तथा नियुक्तिका मुद्दामा बढी अन्तरिम आदेश जारी हुने गरेको छ । साथै, मुद्दा लामो समयदेखि अल्झिने गरेको छ । नयाँ पत्रिका दैनिकले समाचार छापेको छ ।<br><br>न्यायाधीश दीपकराज जोशी र बमकुमार श्रेष्ठको संयुक्त इजलासले नक्कली अन्तःशुल्क स्टिकर तस्करलाई छाड्न आदेश दिएको थियो । १२ कात्तिक ०७४ मा भएको उक्त आदेशले ६ करोड राजस्व प्रभावित भएको अनुमान छ ।<br><br>नेपाली बजारमा नक्कली अन्तःशुल्क स्टिकर भित्र्याएर करोडौँ राजस्व छल्न मद्दत पु-याउने भारतीय नागरिक गुप्तालाई थुनामा राख्ने आधार र कारण नदेखिएको भन्दै उक्त इजलासले थुनामुक्त आदेश दिएका थिए ।<br><br>नक्कली अन्तःशुल्क स्टिकर बनाएर नेपाल भित्र्याउँदै गर्दा प्रहरीले गुप्तालाई १ असोज ०७४ मा पक्राउ गरेको थियो ।<br><br>बिनोद गुप्ता बिरगञ्जबाट सामान आयात निर्यात गर्ने गर्थे । बिरगञ्जमा सामान्य पसल थापेर बसेका उनले नक्कली स्टिकर ओसारपसार गर्दै गर्दा ५० केजी कागजको नक्कली राजस्व स्टिकर सहित पक्राउ परेका थिए ।<br><br>त्यसैगरी, सोल्टी क्यासिनोको वक्यौता विवादमा पनि यस्तै प्रकरण छ ।१७ पुस २०७४मा निर्वतमान प्राधानन्यायाधीश गोपाल पराजुली र वमकुमार श्रेष्ठको संयुक्त इजलास पाँच तारे होटल सोल्टी क्यासिनोको १२ करोड वक्यौता तिनुनपर्ने आदेश जारी ग-यो ।<br><br>सरकारले क्यासिनोको रोयल्टी बुझाउन पत्र काटेपछि यो दायित्व आफ्नो नभएर क्यासिनो सञ्चालन गर्दै आएको रिक्रियसन सेन्टरको रहेको दाबीसहित होटल सोल्टीकातर्फबाट सञ्चालक दिनेशबहादुर विष्टद्वारा २०६७ फागुनमा सर्वोच्चमा रिट दायर भएको थियो । सोल्टी, सांग्रिला, याक एन्ड यती, एभरेस्ट, फूलबारी रिसार्ट, हायातसहितका पाँच तारे होटलको रोयल्टी ५३ करोड रुपयाँ बाँकी छ ।<br><br>निकै विवादमा आएको नेशनल मेडिकल कलेजलाई मान्यतासम्बन्धी विवाद पनि चर्चामा रहेको मुद्दा हो । सर्वोच्चका न्यायाधीश डम्बरबहादुर शाहीको एकल ईजलासले ८ कार्तिक २०७४ मा नेशनल मेडिकल कलेजको सम्बन्ध खारेज गर्ने निर्णय कार्यान्वयन गर्न अन्तरिम आदेश दिएको थियो ।<br><br>त्रिभुवन विश्वविद्यालयले २१ भदौमा नेशनल मेडिकल कलेज खारेज गर्ने निर्णय कार्यान्वयन नगर्न माग गर्दै नेशनल मेडिकल कलेजका सञ्चालक जैनद्धुन अन्सारीले ३१ असोजमा रिट दायर गरेका थिए । मापदण्ड पुरा गरेको उक्त कलेजलाई त्रिविको कार्यपरिषद् बैठकले १२ साउनमा सम्बन्धन दिएको थियो ।<br><br>सडक विस्तार गर्ने सरकारी योजनाविरुद्ध कलंकी, चावहिल क्षेत्रमा स्थानीयले दायर गरेको मुद्दामा लामो समय अन्तरिम आदेशबाट रोकिएका थिए । तर, अहिले ती मुद्दा टुंगो लागेपनि फैसलाको पुर्ण पाठ नआउँदा काम अगािड बढाउन समस्य छ ।<br></p>

<p>काठमाडौं । कर्जा प्रवाह र जग्गा खरिदमा विवाद नै विवादमा फसेको हिमालयन बैंकलाई राष्ट्र बैंकले अंकुश लगाउने तयारी गरेको छ । राष्ट्र बैंकले शेयर स्वामित्वका आधारमा सञ्चालन समितिको व्यवस्था गर्न निर्देशन दिएसँगै बैंकभित्र लफडा बढेको छ । यूनाइटेड पोष्ट साप्ताहिकले समाचार छापेको छ ।<br><br>आइतबार राष्ट्र बैंकको पत्र आएपछि बैंकका प्रमुख कार्यकारी अधिकृत अशोक राणाले शेयरधनीका आधारमा सञ्चालक समिति गठन गर्ने प्रक्रिया शुरु गरेका छन् ।<br><br>शेयरधनीका आधारमा संस्थापकबाट ५ जना, एक जना स्वतन्त्र र एक जना साधारण शेयरबाट सञ्चालक समिति चयन गर्न उनी लागि परेका छन् ।<br><br>हिमालय बैंकमा ८५ प्रतिशत संस्थापक र १५ प्रतिशत सर्वसाधारणको शेयर रहेको छ । अध्यक्ष मनोजबहादुर श्रेष्ठ र कार्यकारी अधिकृत राणाबीच लामो समयदेखि विवाद चल्दै आएको छ ।<br><br>नयाँ सञ्चालक समिति गठन गर्दा आफ्नो बर्चस्व कम हुने भएपछि श्रेठले मानेका थिएनन् । तर, राष्ट्र बैंकको पत्र आएसँगै उनी आत्तिएका छन् ।<br><br>हिमालयन बैंकको संस्थापकमा हबिब बैंक पाकिस्तान, मनोजबहादुर श्रेष्ठ समूह, अशोक राणा समूह तथा खेतान समूहको शेयर रहेको छ । ८५ प्रतिशत संस्थापक शेयरका हिसाबमा सञ्चालक चयन गर्दा हालका अध्यक्ष मनोजबहादुर श्रेष्ठ समूहको प्रतिनिधित्व घट्छ । सोही कारण बैंकको बोनस शेयर र चुक्ता पुँजी स्वीकृत हुन समेत सकिरहेको छैन ।<br><br>शेयरधनीका आधारमा सञ्चालक समिति गठन नगर्दा पुसमा साधरणसभा सम्पन्न भए पनि अहिलेसम्म लगानीकर्ताले बोनस शेयर पाउन सकेका छैनन् । जसका कारण बैंकका १७ हजार लगानीकर्ता समेत प्रभावित भएका छन् ।<br><br>बैंकमा देखिएको विवादका कारण साधारणसभाबाट पारित भएको बोनस शेयर पनि चुक्ता पूँजीमा सूचीकृत हुन सकेको छैन । बैंकको गत पुस २८ गते बसेको साधारणसभाले २५ प्रतिशत बोनस शेयरको प्रस्ताव पारित गरेर चुक्ता पूँजी ८ अर्ब पु-याएको छ ।<br><br>यस अघि बैंकको एटीएम घोटलामा मुछिएका अनिशभक्त सुवाल नामका कर्मचारीलाई जोगाउन खोज्दा पनि श्रेष्ठ र राणाबीच ठूलो विवाद भएको थियो ।<br></p>

<p align="justify"><br>प्रकाश खनाल । २२ जेठ, नुवाकोट । सामाजिक सञ्जाल ‘इमो’ मार्फत चिठ्ठा परेको भन्दै यहाँको एक महिलालाई ठगी गरेको अभियोगमा पक्राउ परेका ललितपुर महालक्ष्मी नगरपालिका–३ इमाडोलका रश्मी घिमिरेलाई प्रहरीले ठगी मुद्धामा कारबाही सुरु गरेको छ । <br>नेपाल टेलिकमको सिमकार्ड प्रयोग गरेबापत रु २५ लाखको चिठ्ठा परेको भन्दै त्यो रकम प्राप्त गर्न राजश्व शुल्क चाहिने लगायतका बाहनामा ती महिलालाई ठगी गर्ने ३४ वर्षका घिमिरे विरुद्ध सोमबार नुवाकोट जिल्ला अदालतमा मुद्धा दर्तागरी अनुसन्धान सुरु गरेको जिल्ला प्रहरी प्रमुख बसन्त कुंवरले जानकारी दिनुभयो ।<br>“इमो मार्फत बिजय कुमार भन्ने व्यक्तिले फोन र सन्देश मार्फत ठगी गर्ने गिरोहको सदस्य घिमिरे माथी गरिएको अनुसन्धानको क्रममा थप अन्य व्यक्तिहरु पनि ठगी गरेको तथ्यहरु भेट्टिनेक्रम सुरु भएको छ ।” प्रहरी प्रमुख कुंवरले बताउनुभयो “सबैजसो बैंकमा खाता खोल्ने र नेपालदेखि भारतसम्म नै सञ्जाल रहेकाले अनुसन्धानको दायरामा धेरैको संलग्नता देखिएको छ ।”<br>उहाँको अनुसार पक्राउ परेका घिमिरेको बयानको आधारमा प्रहरीले काठमाडौ महानगरपालिका–२१ का अमिर शाक्यलाई पक्राउ गरी अनुसन्धान सुरु गरिएको छ ।<br>उनीहरु पक्राउ परेको जानकारी पाएपछि पीडितहरुबाट उजुरी संकलन सुरु गर्ने क्रममा पोखराका अस्मी गुरुङले ‘आफू पनि ठगिएको’ भन्दै उजुरी दिएको प्रहरीले जनाएको छ । <br>नेपाल टेलिकमको सिमकार्ड प्रयोग गरे बापत चिठ्ठा परेको भन्दै इमो मार्फत यसअघि यहाँको तार्केश्वर गाँउपालिका–१ दाङसिंहका दुई युवासंग पनि रु दुई लाख ४५ हजार ठगी भएको थियो ।<br>उनीहरुलाई ठगी गर्ने पनि अहिले पक्राउ परेका व्यक्तिहरुबाट नै हुनसक्ने प्रहरीको दाबी छ ।<br></p>

<p align="justify"><br>प्रकाश खनाल । २२ जेठ, नुवाकोट । सामाजिक सञ्जाल ‘इमो’ मार्फत चिठ्ठा परेको भन्दै यहाँको एक महिलालाई ठगी गरेको अभियोगमा पक्राउ परेका ललितपुर महालक्ष्मी नगरपालिका–३ इमाडोलका रश्मी घिमिरेलाई प्रहरीले ठगी मुद्धामा कारबाही सुरु गरेको छ । <br>नेपाल टेलिकमको सिमकार्ड प्रयोग गरेबापत रु २५ लाखको चिठ्ठा परेको भन्दै त्यो रकम प्राप्त गर्न राजश्व शुल्क चाहिने लगायतका बाहनामा ती महिलालाई ठगी गर्ने ३४ वर्षका घिमिरे विरुद्ध सोमबार नुवाकोट जिल्ला अदालतमा मुद्धा दर्तागरी अनुसन्धान सुरु गरेको जिल्ला प्रहरी प्रमुख बसन्त कुंवरले जानकारी दिनुभयो ।<br>“इमो मार्फत बिजय कुमार भन्ने व्यक्तिले फोन र सन्देश मार्फत ठगी गर्ने गिरोहको सदस्य घिमिरे माथी गरिएको अनुसन्धानको क्रममा थप अन्य व्यक्तिहरु पनि ठगी गरेको तथ्यहरु भेट्टिनेक्रम सुरु भएको छ ।” प्रहरी प्रमुख कुंवरले बताउनुभयो “सबैजसो बैंकमा खाता खोल्ने र नेपालदेखि भारतसम्म नै सञ्जाल रहेकाले अनुसन्धानको दायरामा धेरैको संलग्नता देखिएको छ ।”<br>उहाँको अनुसार पक्राउ परेका घिमिरेको बयानको आधारमा प्रहरीले काठमाडौ महानगरपालिका–२१ का अमिर शाक्यलाई पक्राउ गरी अनुसन्धान सुरु गरिएको छ ।<br>उनीहरु पक्राउ परेको जानकारी पाएपछि पीडितहरुबाट उजुरी संकलन सुरु गर्ने क्रममा पोखराका अस्मी गुरुङले ‘आफू पनि ठगिएको’ भन्दै उजुरी दिएको प्रहरीले जनाएको छ । <br>नेपाल टेलिकमको सिमकार्ड प्रयोग गरे बापत चिठ्ठा परेको भन्दै इमो मार्फत यसअघि यहाँको तार्केश्वर गाँउपालिका–१ दाङसिंहका दुई युवासंग पनि रु दुई लाख ४५ हजार ठगी भएको थियो ।<br>उनीहरुलाई ठगी गर्ने पनि अहिले पक्राउ परेका व्यक्तिहरुबाट नै हुनसक्ने प्रहरीको दाबी छ ।<br></p>

<p>ढुङ्गे । ११औँ गणतन्त्र दिवसका अवसरमा जिल्ला कारागारमा रहेका पन्ध्र जना कैदी बन्दीको बाँकी कैद माफी गर्दै रिहा गरिएको छ ।<br>कैद मिनाहा पाउनेमा बहुबिबाह मुद्धाका सात जना, चोरी मुद्धाका चारजना, सवारी ज्यान मुद्धाका दुई जना र कर्तव्य ज्यान र कुटपिट मुद्धाका एक÷एक रहेको कारागार प्रमुख टंक चिमोरियाले जानकारी दिनुभयो । कैद मिनाह पाउनेमा बहुबिबाह अन्तगतका पूर्णबहादुर नेपाली, सरिता नेपाली, रामबहादुर चित्रकार, राजकुमार बलामी, विक्रम बलामी, नानू बलामी र बिशु तामाङ रहेका छन् । कर्तव्य ज्यान मुद्धाका कैदी प्रमिला थापा, सवारी ज्यान मुद्धाका जीवन विश्वकर्मा र आइतराम तामाङ, कुटपिट मुद्धाका बम्बु तामाङ रहेका छन् ।<br>गणतन्त्र दिवसको अवसरमा कैद माफी पाएर रिहा हुनेमा चोरी मुद्धाका गजमान तामाङ, लक्ष्मण भनिने लक्षमान तामाङ, सेते भनिने हरिबहादुर तामाङ र सरिता थापा (सुनार) रहेको कारागार प्रमुख चिमोरियाले जानकारी दिनुभयो ।<br>उहाँको अनुसार कारागार ऐन २०१९, नियमावली २०२० संशोधित २०७३ को तफा २९ अनुसार तोकिएको कैदको चालिस प्रतिशत कैद भुक्तानी गरेका, असल आचरण भएका, कानूनले माफी दिन सक्ने भनेर किटानी गरेका मुद्धाका कैदीलाई कारागार प्रशासनको सिफारिसको&nbsp; आधारमा कैदीको बाँकी रहेको कैद मिनाहा भएको हो । <br>पचास जना बन्दी गृह क्षमता रहेको यहाँको कारगारामा अब १४६ जना पुरुष र ११ जना महिला कैदी रहेका छन् । <br><br></p>