<p align="justify">अशोक ढकाल<br>१९ भदौ, नुवाकोट । पूर्वमन्त्री एवम् नेपाल कम्युनिष्ट पार्टी विप्लव नेतृत्वको माओवादी प्रवक्ता खड्गबहादुर विश्वकर्मा प्रकाण्ड रिहा हुनुभएको छ । उहाँलाई गैह्रकानुनी रुपमा प्रहरीले थुनामा राखेको भन्दै परेको रिटमा सर्वोच्च अदालतले तत्कालै रिहा गर्न आदेश दिए अनुसार रिहा हुनुभएको हो ।</p><p align="justify"><br>अदालतमा मार्फत रिहा हुनुभएका उहाँलाई पुनः नुवाकोट प्रहरीले पक्राउ गरी बम पड्काएर ज्यान मार्ने प्रयास गरेको अभियोग मुद्धामा कारबाहीको लागी भोजपुरमातर्फ लगेको छ । सर्वोच्च अदालतका न्यायाधीशद्धय सपना प्रधान र टंकबहादुर मोक्तानको सोमबारको सयुक्त इजलाशले अदालतको आदेश कार्यान्वयन गर्ने दायित्व भएको निकायबाट बारम्बार आदेशलाई अपमान गरेको भन्दै नुवाकोट जिल्ला अदालतको रोहबरमा उहाँलाई छाड्न आदेश दिएको थियो । सर्वोच्चको आदेश लगत्तै नुवाकोट प्रहरीले उहाँलाई सोमबार साँझ नै जिल्ला अदालत नुवाकोटमा बुझाएर रिहा गरेको हो ।</p><p align="justify"><br>नुवाकोटको बेलकोटगढी नगरपालिका वडा नं. ९ स्थित सडक निर्माणमा प्रयोग भएको दुई थान स्काभेक्टर माथी गएको साउन ७ गते आगजनी गरेको अभियोग मुद्दाको अनुसन्धान गरी प्रयाप्त आधार र कारण तथा प्रमाण भए कानुन बमोजिम मुद्दा चलाउन कानुनले रोक नलगाएको भन्दै सर्वोच्चले उहाँमाथी लगाइएको अभियोग अहिलेको लागी प्रयाप्त नभएको भन्दै तत्काल रिहा गर्न दिएको आदेशको पालना गर्दै प्रहरीले अदालतमा बुझाएको हो ।</p><p align="justify"><br>प्रहरीले अदालतमा उपस्थित गराएपछि प्रकाण्डलाई श्रेष्तेदार शिवप्रसाद बञ्जराले न्यायाधीश ऋषिराम वाग्ले समक्ष सर्वोच्च अदालतको आदेशको जानकारी गराएपछि उहाँको तर्फबाट मुद्धा लडिरहनु भएका अधिवक्ता एवम् नुवाकोट बारका पूर्व अध्यक्ष नारायण अधिकारी, बार नुवाकोटका अध्यक्ष देवराज कंडेलको रोहबरमा छाडिएपनि लगत्तै प्रहरीले पक्राउ गरी भोजपुर लैजान ‘जरुरी प्रकाउ पुर्जी’ दिएर नियन्त्रणमा लिएको हो ।</p><p align="justify"><br>प्रहरीले पक्राउ गर्ने क्रममा उहाँले अदालत परिसरमा वर्तमान सरकारले विभिन्न झुठो मुद्धा लगाएर जनताको जायज माग उठाउदै आएको नेकपा माओवादी लगायत विद्धरु षडयन्त्रपूर्वक लागेको भन्दै त्यस्तो धरकपड विरुद्ध शसक्त रुपमा प्रतिकारमा सबै बर्ग सङ्घर्षमा उत्रनुपर्ने आवश्यकता महशुस भएको बताउनुभयो । <br>अदलतबाट रिहा भए लगत्त नुवाकोट प्रहरीले पक्राउ गरेको उहाँलाई भोजपुरमा बम बिस्फोट गराएर ज्यान मार्ने उद्योग अभियोगमा कारबाहीको लागी त्यहाँको प्रहरीले अदालतबाट पक्राउ पुर्जी लिएर नुवाकोट प्रहरीको सहयोगमा यहाँबाट नियन्त्रणमा लिएर त्यसतर्फ लगेको छ ।</p><p align="justify"><br>उहाँलाई भोजपुरमा गएको वर्षको प्रदेससभा एवम् प्रतिनिधिसभा सदस्य निर्वाचनमा त्यहाँका उम्मेदवार शेरधन राईलाई लक्षित गर्दै बम हमला गरी घाइते बनाएको घटनामा संलग्नता रहेको दाबी गर्दै पक्राउ गरिएको छ । </p><p align="justify"><br>गएको साउन २२ गते कठमाडौमा प्रक्राउ पर्नुभएका ४९ वर्षका प्रकाण्डलाई विभिन्न अभियोग लगाएर थुनामा राखेको समयमा सर्वोच्च अदालतमा परेको बन्दी प्रत्यक्षीकरण रिटको आदेश दिदै गैह्रकानूनी रुपमा थुनामा राखेको भन्दै रिहा गर्न आदेश दिएपनि तेश्रो पटक प्रहरीले पक्राउ गरी नुवाकोट ल्याएर आगजनी मुद्धामा काराबाहीको लागी अनुसन्धान गर्दै आएको थियो । &nbsp;</p><p align="justify"><br>यहीभदौ ७ गते मध्येरात नुवाकोट ल्याइएको उहाँलाई जिल्ला अदालतमा आगजनी अभियोगमा मुद्धा दर्ता गरी अनुसन्धान भइरहेको समयमा अदालतको आदेशको पालना गर्दै रिहा गर्न जिल्ला अदालतमा बुझाएको नुवाकोट प्रहरी प्रमुख बसन्तबहादुर कुंवरले जानकारी दिनुभएको छ । </p><p align="justify"><br>&nbsp;उहाँलाई नुवाकोट प्रहरीले आगजनी मुद्धामा संलग्नताको लागी ‘कल डिटेल’ लगायतको अनुसन्धानको लागी भन्दै हिरासतमा राखेर अनुसन्धान गर्दै आइहेको थियो ।<br>नुवाकोटको बेलकोटगढी नगरपालिका वडा नं. ९ स्थित सडक निर्माणमा प्रयोग भएको दुई थान स्काभेक्टर माथी गएको साउन ७ गते आगजनी गरेको अभियोगमा प्रकाण्ड विरुद्ध ६ महिना कैद र दुई करोड २३ लाख रुपैयाँ माग दाबी सहित अदालतमा दर्ता गरेको आगजनी मुद्धाको प्रारम्भिक अनुसन्धान चलिरहेको छ । </p><p align="justify"><br>घटनामा संलग्न रहेको अभियोगमा काभ्रे प्रहरीको नियन्त्रणमा रहेका मोहन कार्की र कृष्ण धमलालाई पनि अदालतमा उपस्थित गराउन नुवाकोट ल्याएको छ ।&nbsp;&nbsp; </p><p align="justify"><br></p><p align="justify"><img style="width: 1024px;" src="https://topnepalnews.comuploads/posts/b1cca38f05c15315e96b05a8792fb6c01536043762.jpg"></p><p align="justify"><img style="width: 1024px;" src="https://topnepalnews.comuploads/posts/5795d55eb5c0f81db7c9445da1afc1e61536043770.jpg"><img style="width: 1024px;" src="https://topnepalnews.comuploads/posts/1abc02078ae137a18d18f96dbfb7c3a51536043779.jpg"></p><p align="justify"><br></p><p align="justify"><img style="width: 1024px;" src="https://topnepalnews.comuploads/posts/3bd2baf1d8b29c2b09ca4868fa6d9bf61536043786.jpg"></p><p align="justify"><img style="width: 1024px;" src="https://topnepalnews.comuploads/posts/3bd2baf1d8b29c2b09ca4868fa6d9bf61536043796.jpg"></p><p align="justify"><img style="width: 1024px;" src="https://topnepalnews.comuploads/posts/5f38646c4d7ae43b2f19d52c419be95d1536043803.jpg"></p><p align="justify"><img style="width: 1024px;" src="https://topnepalnews.comuploads/posts/eff239b06fc2f31858cb4ff0c7ee461b1536043812.jpg"><br></p>

<p align="justify">१५ भदौ, नुवाकोट । बेपत्ता भएका व्यक्तिहरुको अबस्था पत्ता लगाउने पहल स्वरुप विश्वभर मनाइने गरिएको ‘बलपूर्वक बेपत्ता पारिएका व्यक्तिहरुको अन्तर्राष्ट्रिय दिवस’ नुवाकोटमा पनि मनाइएको छ । मुलुकमा सशस्त्र दशवर्षे युद्धको समयमा बेपत्ता भएका व्यक्तिहरुको अबस्था थाहा पाउन र पीडितलाई न्याय, पीडितलाई कानूनी कठरागामा उभ्याउन मनाउन थालिएको दिवसलाई हरेक वर्ष जस्तै यो वर्षको ३५औँ दिवस अगस्ट ३० तारिखको दिन बिहीबार नुुवाकोटबाट बेपत्ता भएका व्यक्तिहरुको स्मरण गर्दै उनीहरुको अबस्था थाहाँ पाउन दबाब सिर्जना गर्न दिवस मनाइएको हो । </p><p align="justify"><br>नेपाल रेडक्रस सोसाइटी जिल्ला शाखा नुवाकोटको आयोजनामा विदुरमा आयोजित कार्यक्रममा द्धन्द्धको समयमा बेपत्ता भएका व्यक्तिको परिवारसंग अन्तरक्रिया, उनीहरुको गुनासो संकलन एवम खोजीको लागी भइरहेको पहलको अबस्था बारे छलफल गरिएको छ । <br>कार्यक्रममा ककनी गाँउपालिका वडा नं.८ मात्रागाँउ थानसिंहका गायत्री पौडेलले २०६० साल माघ १३ गते राज्य पक्षबाट आफ्नो श्रीमान लेखनाथ पौडेललाई बेपत्ता बनाएर अहिलेसम्म कहाँ रहेको थाहा नै नभएकाले अबस्था पत्ता लाग्छ की भन्ने आस भने कायमै रहेको बताउनुभयो ।</p><p align="justify"><br>यस्तै, शिवपुरी गाँउपालिका वडा नं .७ सुनखानीका मिश्रीमाँया ठकुरीले आफ्नो श्रीमान अजुर्न पाण्डे ठकुरीलाई २०५९ साल मंसिर २४ गते घरबाट नै नेपाली सेनाले लगेको र त्यो पछि उहाँको अबस्था थाहा नै नभएकाले आफूहरु थप पीडित एवम् द्धन्द्धको घाउ बल्झाएर बस्दै आएको गुनासो गर्नुभयो । </p><p align="justify"><br>यस्तै, तार्केश्वर गाँउपालिका वडा नं. ६ गोस्र्याङका हरीप्रसाद रिमालले आफ्नो भाई रामप्रसाद रिमाल २०६१ साल पुस ५ गते काठमाडौको बालाजुबाट नयाँबजार जान्छु भनेर हिडेको भएपनि&nbsp; त्यसपछि सम्पर्कमा नै नआएकाले अझै अबस्था थाहाँ नभएको बताउनुभयो ।<br>तत्कालीन समयमा माओवादीमा आस्था राख्दै आएको भएर राज्यपक्षबाट बेपत्ता पारिएको आशंका भएकाले उसको जुन अबस्था भएपनि जान्न पाउने अधिकारबाट आफुहरु बञ्चित भएको दुःखेसो रिमालले गर्नुभयो । </p><p align="justify"><br>कार्यक्रममा नेपाल सरकारले शान्ति तथा पुनःनिर्माण मन्त्रालय गठन गरी द्धन्द्धको घाँउमा मलम लगाउन प्रयास गरेपनि सक्रमणकालीन राजनीतिले प्रभावकारिता नपाउदै आएपनि अहिले शान्ति स्थापना भइसकेकाले अब उनीहरुको अबस्था सार्वजनिक हुनुपर्ने प्रमुख जिल्ला अधिकारी उद्धवबहादुर थापाले बताउनुभयो ।</p><p align="justify"><br>सशस्त्र द्धन्द्धको समयमा नेपालबट बेपत्ता भएका तथा हराइरहेका व्यक्तिहरुको पहिचानको लागी रेडक्रस लगायतका सामाजिक सँस्था मार्फत पहल भइहेकाले खोजबिनमा सबैको सहकार्य आवश्यकता रहेको प्रमुख जिल्ला अधिकारी थापाको भनाई छ । तत्कालीन समयमा द्धन्द्धमा समवेश भएका राज्य र विद्रोही दुवै पक्ष अहिले एक भइसकेकाले पीडित परिवारले आफ्नो मान्छेको अबस्था जान्न पाउने अधिकारलाई सम्बोधन गर्नुपर्ने उहाँले बताउनुभयो । </p><p align="justify"><br>&nbsp;&nbsp; &nbsp;सशस्त्र द्धन्द्धको समयमा बेपत्ता भएका व्यक्तिको अबस्था पत्ता लगाउन र पीडित परिवारलाई सहानुभुति र पीडा कम बिर्साउनको लागी रेडक्रसको अन्तर्राष्ट्रिय समिति आसिआरसी मार्फत नेपाल रेडक्रस सोसाइटीले विभिन्न कार्यक्रम सञ्चालन गरी सहयोग निरन्तर पु¥याउदै आएको रेडक्रस नुवाकोटका सभापति सुरतबहादुर चित्रकारले बताउनुभयो । </p><p align="justify"><br>सशस्त्र द्धन्द्धको समय २०५२ फागुन १ देखि सुरु भएर शान्ति सम्झौतामा हस्ताक्षर हुने समय २०६३ मंसिर ५ गतेसम्म बेपत्ता हुनेको सङ्ख्याको पहिचान, बेपत्ता भएका व्यक्तिको परिवारलाई राहत एवम् क्षतिपूर्ति लगायतको सुविधा उपलब्ध गराएकाले अबस्था थाहाँ पाउन खोजतलास जारी राखेको रेडक्रसका सभापति चित्रकारले बताउनुभयो । </p><p align="justify"><br>रेडक्रस सोसाइटी नुवाकोटको कोषाध्यक्ष एवम् बेपत्ता भएका व्यक्तिहरुको खोजतलासको लागी पहल गर्दै आउनुभएका श्रीराम पाण्डेको अनुसार सशस्त्र द्धन्द्धको समयमा नुवाकोटबाट २३ जना व्यक्ति हराइरहेको रेडक्रसको अन्तराष्ट्रिय समिति आसिआरसीमा सूचिकृत गरिएको छ । </p><p align="justify"><br>&nbsp;&nbsp;&nbsp; &nbsp;२०५२ सालबाट सुरु भएको सशस्त्र युद्धमा सरकारी, गैह्रसरकार तथा सार्वजनिक सरोकारका अरबौ रुपैयाँ मूल्यका ध्वस्त भएका संरचनाहरुको अझै पुनःनिर्माण समेत नहुदाँ द्धन्द्धको घाउ बिसर्न&nbsp; शान्ति सम्झौतामा हस्ताक्षर भएको १३ वर्षहुन लाग्दा पनि अझै झस्काइरहेको छ । </p><p align="justify"><br>&nbsp;&nbsp; &nbsp;बेपत्ता पारिएका व्यक्तिको छानबिन गर्न आयोग गठन भएको लामोसमय प्रभावकारी उपलब्धी हासिल गर्न नसक्दा बेपत्ता पारिएका आफन्त हराएका व्यक्तिको प्रतीक्षामा नै रहेका छन् ।<br>&nbsp;&nbsp; &nbsp;&nbsp; विस्तृत शान्ति सम्झौतामा ६० दिनभित्र बेपत्ताको स्थिति सार्वजनिक गरिसक्ने उल्लेख गरिएपनि त्यसके लामो समय हुदाँ पनि सरकारले ‘सत्य निरुपण तथा मेलमिलाप आयोग र ‘बेपत्ता छानबिन आयोग गठन गर्दा न्याय पाउने आशामा रहेकाहरु त्यसले पनि गतिलिन नसक्दा निराश बनेका छन् ।</p><p align="justify"><br>सशस्त्र द्धन्द्धमा नुवाकोटबाट २२ जना बेपत्ताको परिवारले राहत पाएपनि रेडक्रसको अन्तराष्ट्रिय समितिले २३ जना रहेको तथ्याङ सार्वजनिक गरेको छ । तथ्याङ्कमा पनि पछिल्लो समय फरकमतहरु आइरहेका छन् । </p><p align="justify"><br>सङ्ख्याको विवाद अन्त्य गर्दै पीडितलाई प्याकेज मार्फत राहत वितरण गरी द्धन्द्धका पीडालाई अन्त्यको पहल गर्न सरकार सक्षम बन्न सक्नुपर्ने रेडक्रस नुवाकोटका मन्त्री हरि श्रेष्ठले बताउनुभयो ।</p><p align="justify"><br>‘बेपत्ता सम्बन्धि अन्तरािष्ट्रय दिवस’को अवसरमा आयोजित कार्यक्रमा बेपत्ता भएका व्यक्तिको परिवारका सदस्य, शिक्षा विकास तथा समन्वय इकाई प्रमुख मदनकुमार थापा, प्रहरी नायव परीक्षक भिमलाल भट्टराई, रेडक्रसका पूर्वसभापति रामप्रसाद जोशी लगायत बेपत्ता भएका व्यक्तिको अबसथा थाहा पाउन पहल गर्दै आएका रेडक्रसकर्मी लगायतको सहभागिता रहेको थियो । </p><p align="justify"><img style="width: 1024px;" src="https://topnepalnews.comuploads/posts/97d842100df1a1c283f9bd45b2c2179c1535724265.jpg"><br><br></p><p align="justify"><br></p><p align="justify"><img style="width: 1024px;" src="https://topnepalnews.comuploads/posts/f5d03ef78cfcd7938847baa8257756571535724275.jpg"></p><p align="justify"><br><img style="width: 1024px;" src="https://topnepalnews.comuploads/posts/6290d9475decec124c98acfc624802901535724285.jpg"></p><p align="justify"><img style="width: 1024px;" src="https://topnepalnews.comuploads/posts/e842a92f068eb962c14c18d1d6b16f411535724301.jpg"></p><p align="justify"><img style="width: 1024px;" src="https://topnepalnews.comuploads/posts/49a49e60579becad4c2d1e2ff9dd586b1535724310.jpg"></p><hr><p align="justify"><br></p><p align="justify"><img style="width: 1024px;" src="https://topnepalnews.comuploads/posts/97d613d3bf6ae70f0d07cdef96ca47591535724320.jpg"></p><hr><p align="justify"><img style="width: 1024px;" src="https://topnepalnews.comuploads/posts/aafa20285996ac800228f2c52c7ba7731535724328.jpg"></p><hr><p align="justify"><img style="width: 1024px;" src="https://topnepalnews.comuploads/posts/052f58c96390a3d03665b40934a94e6a1535724336.jpg"></p><p align="justify"><br><img style="width: 1024px;" src="https://topnepalnews.comuploads/posts/5655a39205db33a62b8475fe7a2a565b1535724345.jpg"><img style="width: 1024px;" src="https://topnepalnews.comuploads/posts/ab449fdb2dc8bff62532f2f05974396f1535724363.jpg"></p><p align="justify"><br></p><p align="justify"><img style="width: 1024px;" src="https://topnepalnews.comuploads/posts/594ff2fbe5a7ded9c6806623b5c43a9a1535724375.jpg"><br></p>

<p>सल्यान । वागचौर नगरपालिका–४ सेतोगुराँसका रामसिंह विकको नौ जनाको परिवार मंगलबार निक्कै खुसी थियो । उनीहरू सदाभन्दा निक्कै नै खुसी थिए, त्यो खुसी ल्याएको थियो, महिनौंपछि आमा रामकलीले किनेर ल्याएको ‘नयाँ लुगा र चप्पल ।’ दैनिक गुजारा चलाउन धौधौ रहेको विक परिवारले जसोतसो मानो काटेर भए पनि अलिकति रकम जम्मा गरेर नयाँ लुगा र चप्पल किनेर ल्याएका थिए ।<br><br>बुधबार बिहान उठेर नयाँ लुगा र चप्पल लगाउने उनीहरूको धोको थियो । तरत्यो धोको कहिल्यै पूरा भएन । मंगलबार राती नै पुरानो रहेको घरको दलिन भाँचिएर घर भत्किदा रामसिंहसहित उनका परिवारका पाँच जनाको मृत्यु भयो । स्थानीय भीम बहादुर विकका अनुसार मृतक रामसिंहको परिवार दिनभर काम गरेर दुई छाक टार्ने परिवार हुन् ।<br><br>मंगलबार मात्रै रामकलीले पाँच छोरी, एक छोरा र पति-पत्नीका लागि भनेर नयाँ लुगा र चप्पल किनेर ल्याएकी थिइन् । ‘नयाँ लुगा लगाएर विद्यालय जाने सानानानीहरूको सपना थियो होला । हिजो मात्रै वांगेलाकुरीबाट रामकलीले किनेर ल्याएकी थिइन् तर उनीहरुको त्यो सपना पूरा हुन पाएन,’ स्थानीय भीमबहादुरले भन्नुभयो ।<br><br>घरको भित्ता भत्किएर दलिन भाँचिदा घरमा सुतिरहेका ४० वर्षीय रामसिंहसहित उनकी पत्नी ३५ वर्षीया रामकली, छोरीहरू सात वर्षीया गंगा विक, ६ वर्षीया प्रमिला र चार वर्षीय छोरा रूपलालको मृत्यु भएको हो । अर्की नौ वर्षीया काइँली छोरी सुनिता भने सामान्य घाइते भएकी छन् । रामलालका ६ छोरी र एक छोरा मध्ये जेठी छोरीको भने बिहे भइसकेको थियो । माइँली छोरी १३ वर्षीया कमला र साइँली छोरी १० वर्षीया पुतला भने साथीको घरमा सुत्न गएकाले बाँच्न सफल भए ।<br><br>लगातारको वर्षाका कारण घरको भित्ता कमजोर बनेर भत्किँदा घरको दलानसमेत भाँच्चिएपछि घरको माथिल्लो तलामा सुतिरहेका उनीहरू तल्लो तलामा खसेका थिए । भत्किएको भित्ताले मुख र टाउको च्याप्पिदा निसास्सिएर मृत्यु भएको हुनसक्ने घटनास्थल पुगेका सल्यानका प्रहरी प्रमुख डिएसपी वीरेन्द्रबहादुर शाहीले बताउनु भयो । घटना भएको घर जंगलको छेउमा एक्लै रहेको र समयमै खबर आउन नसक्दा उद्धार हुन नसकेको स्थानीयको भनाइ छ ।<br><br>चिच्याइरहेको भाइ पनि बचाउन सकिनँ : सुनिता<br><br>‘हामी सबै जना रातपर्ने बित्तिकै सुतिसकेका थियौँ । म त मस्त निद्रामा थिए, थाहा पाउँदा मेरो टाउको र चिउँडोमा चोट लागेको रहेछ । पछि थाहा पाएँ हाम्रो घरको दलिन भत्किएको रहेछ । बिउझिने बित्तिकै भाइ चिच्याइरहेको सुनें। दिदी मलाई बचाउनुस भनेर बेस्सरी भाइ कराइरहेको रहेछ ।<br><br>त्यसपछि मैले आमाबुबालाई बोलाएँ, तर कोही पनि बोल्नुभएन । नबोलेपछि मलाई लाग्यो बिहान भइसकेको रहेछ । सदाझै बुबाआमा बिहानै उठेर घाँस दाउरा गर्न गइसक्नुभएको होला र नबोल्नुभएको होलाजस्तो लाग्यो ।<br><br>म भाइ कराएको ठाउँतिर गएँ । भाइ भत्किएको भग्नावशेषमा च्याप्पिएको रहेछ । निकाल्न खोजेँ तर सकिनँ । जताततै अध्याँरो थियो । नजिकैबाट हँसिया र कुटोले माटो कोट्याएर भाइलाई निकाल्न प्रयास गरेँ, तर सकिनँ । भाइ निकै चिच्याइरहेको थियो । धेरै प्रयास गर्दा पनि निकाल्न नसकेपछि म हाम्रो घरबाट १५ मिनेटको दुरीमा रहेको हजुरबुबाको घर दौडेर गएँ र सबैलाई बोलाएर ल्याएँ । पछि हेर्दा त आमा बुबा र बहिनीहरूसमेत पुरिएर मरिसकेका रहेछन् ।’<br><br>साथीकोमा सुत्न जाँदा बचे<br><br>पुरिएर पाँच जनाको ज्यान गए पनि माइँली छोरी १३ वर्षीया कमला र साइँली छोरी १० वर्षीया पुतला भने बाँच्न सफल भए । उनीहरू मंगलबार बेलुकी नै साथीको घरमा सुत्न भनेर गएका कारण बाँच्न सफल भएका हुन् । माइँली छोरी पुतलाले भनिन् ‘हामी साथीको घरमा सुत्न भनेर गएका थियौँ, राती एक्कासी घर भत्किएर भाइ च्याप्पिएको खबर सुनेपछि घरमा आएका हौँ ।’<br><br>अभिभावकसहित दुई दिदीबहिनी र एक भाइ गुमाएर निक्कै भावविह्वल भएकी पुतलाले भनिन्, ‘घरको दलान पहिले पनि सामान्य हिँड्दासमेत हल्लिने गरेको थियो । घर पुरानो छ भनेर बुबाले भन्नु त हुन्थ्यो तर हामीसँग पैसा थिएन ।’ यसैबीच, घटनास्थल पुगेका प्रमुख जिल्ला अघिकारी कमलराज ढकाल, वागचौर नगरपालिकाका मेयर लोकमान बुढाथोकी, जिल्ला प्रहरी प्रमुख वीरेन्द्रबहादुर शाहीले पीडित परिवारको लागि सहयोग हस्तान्तरण गर्नुभयो ।<br><br>प्रजिअ ढकालले पीडित परिवारका लागि राहत र किरिया खर्चबापत एक लाख सहयोग रकम मृतक रामलाल विकका बुबा देवीलाल विकलाई हस्तान्तरण गरे ।<br><br>यस्तै बागचौर नगरपालिकाका मेयर लोकमान बुढाथोकीले नगरपालिकाले पनि पीडित परिवारलाई राहत सहयोग गर्ने बताउनु भयो । उनले पीडित परिवारमा बाँच्न सफल १३ वर्षीया कमला, १० वर्षीया पुतला र नौ वर्षीया सुनिताको पालनपोषण र शिक्षादीक्षाको लागि नगरपालिकाले आवश्यक सहयोग गर्ने वचनवद्धता प्रकट गर्नुभयो ।<br></p>

<p align="justify">१३ भदौ, नुवाकोट । <br>तीन नम्बर प्रदेशको नाम ‘नेवाः ताम्सालिङ्ग’ र सरकारी भाषा तामाङ र नेपाल भाषा हुनुपर्ने माग गर्दै बुधबार नुवाकोटका प्रमुख जिल्ला अधिकारी मार्फत प्रदेश नं. ३ मुख्य मन्त्रीलाई ज्ञापन पत्र बुझाइएको छ । नेवार, तामाङ, लगायत आदिवासी जनजाती समुदायको ऐतिहासिक बस्ति र प्रदेसमा समुदायगत, भाषिक, साँस्कृतिक अबस्थालाई निरन्तरता दिन माग गर्दै नेवाः ताम्सालिङ्ग समन्वय समिति नुवाकोटले मुख्य मन्त्री डोरमणी पौडेललाई ज्ञापन पत्र बुझाइएको हो । </p><p align="justify"><br>प्रदेशको नाम नेवाः ताम्सालिङ्ग राख्दा द्वन्द पनि मेटिने, पहिचान पनि भेटिने र बहुपहिचानको नाराले समेत सार्थकता पाउने दाबी नेपाल तामाङ घेदुङका जिल्ला अध्यक्ष एवम् नेवा ताम्सालिङ्ग समन्वय समितिका अध्यक्ष जयमान वाइवाले बताउनुभएको छ । <br>नेवाः ताम्सालिङ्ग नामाकरणले पिछडिएका समुदायलाई शसक्तिकरण गर्न सहज र&nbsp; मुलुकको आर्थिक समृद्धिका लागि उत्पीडित एवं पिछडिएका जनतासँगको भाबनात्मक सम्बन्ध बलियो हुने तामाङले बताउनुभएको छ । उहाँको अनुसार ज्ञापन पत्र मार्फत आदिवासी जनजातीको सन्दर्भमा उनीहरुको स्वशासन, आत्मनिर्णयको अधिकार, जल, जमिन र जंगल माथीको प्राथमिक अधिकार, प्राकृतिक श्रोत साधन माथीको अधिकार, उद्योगधन्दा, परियोजनाको कार्यान्ययनलाई सम्बोधन गर्न प्रदेश सरकारलाई ज्ञापनपत्र बुझाइएको छ । <br>सरकारी बोलचालीको भाषा प्रदेशका बाहुल्य समुदायहरुले बोल्ने नेपाल भाषा र तामाङ भाषा कायम गर्न नेवाः ताम्सालिङ्ग समन्वय समितिले बुझाएको ज्ञापन पत्रमा उल्लेख गरिएको छ । </p><p align="justify"><br>प्रदेशमा रहेका शैक्षिक सँस्थामा आदिवासी समुदायले बोल्ने मातृभाषा शिक्षालाई पाठ्यक्रममा अनिवार्य रुपमा समावेश गर्न माग गरिएको नेवाः देय् दबुका सह संयोजक&nbsp; रामप्रसाद जोशीले बताउनुभएको छ । मातृ भाषा राष्ट्रको सम्पती भएकोले कामकाजको भाषाको रुपमा तामाङ र नेपाल भाषा उपयोगी हुने भन्दै उहाँले प्रदेश सरकार मार्फत आदिवासी जनजातीको भाषिक, सामाजिक एवं साँस्कृतिक अधिकारलाई संरक्षण र प्रवद्र्धन गर्न प्रमुख जिल्ला अधिकारी उद्धबहादुर थापा मार्फत प्रदे सरकारको ध्यानाकर्षण गराउनुभएको छ ।&nbsp; <br>नेवाः ताम्सालिङ्ग समन्वय समितिले बुझाएको ज्ञापन पत्र प्रदेस सरकारको लागी त्यसको सम्बोधन समेत त्यहाँबाट नै हुने भएकाले छिटो माध्यमबाट पठाइदिने बताउनुभएको छ । </p><p align="justify">प्रदेस नं. ३ को नाम, राजधानी सरकारी बोलिचालीको भाषा निर्धारणको लागी भइरहेको अन्योललाई अन्त्य गर्न भन्दै यसभित्र पर्ने १३ वटै जिल्लामा रहेको तामाङहरुकोे छाता सँस्था नेपाल घेदुङ र नेवार समुदायको छाता सँस्था नेवाः देय् दबूले सयुक्त रुपमा सयुक्त रुपमा नेवाः ताम्सालिङ समन्वय समिति गठन गरी आफ्ना माग पूरा गर्न चरणबद्ध रुपमा दबाब दिदै आएको छ ।</p><p align="justify"><br>सबै जिल्लामा समिति गठन गरी दबाबमूलक कार्यक्रम अन्तरगत&nbsp; बुधबार प्रदेस भित्रका सबै १३ वटा जिल्लाबाट प्रदेस सरकारलाई ज्ञापन पत्र बुझाएको समितिका केन्द्रीय प्रतिनिधि सुरेन शाक्यले जानकारी दिनुभएको छ । <br><br></p><p align="justify"><img style="width: 1314px;" src="https://topnepalnews.comuploads/posts/532d5b3273bd3c191a23f977ef41059b1535549781.jpg"></p><p align="justify"><img style="width: 1314px;" src="https://topnepalnews.comuploads/posts/5ff221a97cb3c23edc953fa31e83bf1d1535549789.jpg"><br></p>

<p align="justify">अशोक ढकाल<br>१२ भदौ, नुवाकोट । नेपाल विद्युत प्राधिकरण नुवाकोट वितरण शाखाको लापरबाहीको कारण बिहीबारदेखि अबरुद्ध भएको विद्युत सुचारु भएको छ । </p><p align="justify"><br>गएको बिहीबार बिहान लिखु गाउँपालिका वडा नं. १ ढिकुरेमा करेन्ट लागेर एक महिलाको मृत्यु र दुई घाईते भएपछि त्यसको मर्मत गर्न काटिएको लाइन पाँच दिनपछि सोमबार साँझदेखि सञ्चालनमा आएको प्राधिकरणले जनाएको छ । देवीघाटदेखि चौघडा जाने सबस्टेसन ३३ केभी लाइनमा परेर पैदल यात्री तुलसा अधिकारीको मृत्यु भएको थियो भने दुई जना अझै काठमाडौको ग्राण्डी अस्पतालमा उपचार गर्दै आइरहेका छन् ।</p><p align="justify"><br>बिहीबारदेखि वितरण शाखाले विद्युत लाईन मर्मत सम्भार ढिलाई गरेपछि माथिल्लो भेग लिखु, तादी, शिवपुरी, पन्चकञ्या, दुप्चेश्वर र सूर्यगढी गाउँपालिका विद्युत सेवाबाट बिहिन हुदै आएका थिए । विद्युत सेवा नहुदाँ बत्ति बाल्न, सञ्चार माध्यम रेडियो, टिभी, मोबाइल सेवा सञ्चालन गर्नबाट स्थानीय बासिन्दा बञ्चित भएकोमा विद्युत सुचारु भएपछि कठिनाई भएको दैनिकी सहज हुदै आएको छ । <br><br></p>