<p><span style="line-height: 1.42857143;">काठमाडौं,असार १४ । व्यव्स्थापिका संसदमा देखिएको अवरोध हटाउन बसेको वैठक निश्कर्षहीन सकिएको छ । मंगलबार विहानै बसेको कार्यदलको बैठकमा दलहरुले आ-आफ्नै अडान दोहोर्‍याएपछि वैठक निष्र्कषविहिन बनेको हो । प्रमुख प्रतिपक्षी दल नेपाली काँग्रेसले राखेको माग अनुसार भूकम्प प्रभावितहरुलाई एकमुष्ट दुई लाख दिन कार्यविधी संसोधनका विषयमा छलफल गर्न कार्यदलको बैठक बसेको थियो । &nbsp;</span><br></p><p><span style="line-height: 1.42857143;">सत्तारुढ माओवादी केन्द्रका अध्यक्ष प्रचण्डलेसमेत भूकम्प पीडित परिवारलाई ३ लाख दिनुपर्ने माग गरेपछि कांग्रेसले अडान नछाड्ने संकेत दिएको छ । हिजो सदन अवरोध हटाउन चार दलीय कार्यदल गठन भएको थियो । नेपाली कांग्रेसले ४ दिनदेखि संसद अवरोध गर्दा प्रधानमन्त्री केपी शर्मा ओलीले सम्वोधन गर्न पाउनु भएको छैन । व्यवस्थापिका संसदको बैठक आज दिउँसो साढे ३ बजे बोलाइएको छ । दलहरुबीच सहमति भए संसद बैठक नियमित कार्यसूचीमा प्रवेश गर्नेछ ।</span><br></p>

<p><span style="line-height: 1.42857143;">काठमाडौं,असार १४ । नेकपा माओवादीका अध्यक्ष नेत्रविक्रम चन्द विप्लवले आफूहरुले युद्ध नभर्इ क्रान्ति गर्न खोजेको बताएका छन् । उनले पछिल्लो समय विप्लब माओवादीले युद्ध गर्दैछ भनेर विषयलाई तोडमोड गरेको बताएका छन् । क्रान्ति नेपाली जनताको विषय &nbsp;भएको भन्दै विप्लवले &nbsp;बौद्धिक वर्गदेखि सामान्य भरियासम्म देशको स्थितिबाट कोही सन्तुष्ट नभएको भन्दै क्रान्तिको आवस्यकता रहेको बताए ।</span><br></p><p><br></p><p>नयाँ पत्रिकासँगको अन्तरवार्तामा उनले भने ‘हामीले आफ्ना विषयलाई व्यवस्थित ढंगले अगाडि सारेका छौंँ। संविधान सही ढंगले बनेन । राज्यमा पुनर्संरचना नभएसम्म अथवा राज्यमा माओवादीको सहभागिता नभएसम्म संविधान बन्दैन, बने पनि सफल हुँदैन, हामीले भनेका थियौँ । उहाँहरूलाई यो केही पनि होइन भन्या जस्तो परेको थियो, अहिले पनि सायद त्यही होला । उहाँहरूले नारा पनि दिनुभयो, आर्थिक समृद्धि हुन्छ आदि इत्यादि । तर, संविधान नबन्दै देश एकप्रकारले ठूलो घोषित त होइन, अघोषित द्वन्द्वमा देश पुगेको छ । ‘</p><p><br></p><p>विप्लबले प्रचण्डको नेतृत्वमा गरिएको जनयुद्धबाट उनी पछिहटेको आरोप लगाए । उनले आफूहरुको युद्ध पदका लागि भन्दा पनि राज्यको पुनरसंरचनाको लागि भएको भए पनि त्यसो नभएको बताए । उनले भने ‘ गाउँदेखि ठूला सहरमा समेत परास्त भइसकेको पुरानो सत्तालाई फेरि फर्काउने काम भयो । सबैभन्दा ठूलो असहमति हाम्रो यही हो । संसारभरको मान्यता पनि के हो भने जितेको ठाउँमा जित हुने भइहाल्यो, सम्झौतामा आएका ठाउँमा पनि पावर सेयरिङ हुनुपथ्र्यो । जनयुद्धले नेताहरूको सुविधाको पावर सेयरिङ मागेको होइन, मन्त्रीको पदको पनि होइन । राज्यसत्ताको संरचनामा हुनुपथ्र्यो जुन भएन’</p><p>।</p><p><br></p><p>विप्लवले भने’ माथिदेखि तलसम्म राज्यका अरू अंगमा साझेदारीसेटमा काम गर्न माओवादीले पाउनुपर्छ भन्ने थियो । तर, त्यसो हुन पाएन । प्रचण्ड कमरेडले यहाँ ठूलो कमजोरी गर्नुभयो । उहाँहरू एकदम हावामा उड्नुभयो भन्ने बुझाइ छ मेरो । कहाँ बतासिनुभयो, त्यो भनिरहन जरुरी छैन । तर, त्यसको फाइदा कांग्रेस, एमालेका साथीले उठाए । उनीहरूले हामीलाई सत्ताबाट पूरै लखेटे।’</p><p><br></p><p>बाबुराम भट्टराईले नयाँ पार्टी घोषणा बारे सोधिएको प्रश्नमा विप्लवले भने ‘बाबुरामजीले भयंकर कमजोरी गर्नुभयो भन्ने हाम्रो निष्कर्ष छ । उहाँ माओवादी हुनुभयो र आज विसर्जनमा जानुभयो । त्यतिवेला बाबुरामजीको एउटा तर्क थियो, प्रचण्डसँग बहस गर्दा । उहाँले प्रचण्डलाई पनि अलिकति अनुभववादी भन्नुहुन्थ्यो । ‘ &nbsp;विप्वबले भने ‘त्यत्रो बलिदानमा हिँडेको मान्छे, आज आएर त्यो मान्यता नै ठीक थिएन भन्दै हिँडनुभएको छ, त्यो उहाँकै लागि पनि घातक छ । तेस्रो उहाँ जहाँ पुग्नुभएको छ, त्यो राजनीति नयाँ शक्ति भनेर उहाँले भन्नुभएको छ, त्यो पुरानो सत्तासँगको आत्मसमर्पण हो ‘</p>

<p>१४ असार, काठमाडौं ।<br>प्रधानमन्त्री के.पी. शार्मा ओलीले सरकारले आगामी मंसिरमा गर्ने स्थानीय निकाय निर्वाचनका लागि&nbsp; निर्वाचन आयोगले गरिरहेको तयारीका विषयमा आयोगका पदाधिकारीहरुसंग छलफल गर्नुभएको छ ।<br><br>प्रधानमन्त्री ओली सोमबार निर्वाचन आयोग जानुभई सरकारले केही समय अघि संसदमा पेश गरेको कार्ययोजना अनुसर आगामी २०७४ माघ महिना भित्र सम्पन्न गर्नुपर्ने स्थानीय निकाय, प्रदेश, राष्ट्रपति, उपराष्ट्रपति र संसदको निर्वाचनका विषयमा छलफल गर्नुभएको हो ।<br><br>सञ्चारकर्मीहरुलाई छलफलबारे जानकारी गराउँदै कानून न्याय तथा संसदीय मामिला मन्त्री अग्निप्रसाद खरेलले सरकारले केही आन्तरिक तयारी पुरा गरेपछि राजनीतिक दल र आयोगसंगको छलफलका आधारमा स्थानीय निकाय निर्वाचनका लागि अघि बढ्ने बताउनुभयो । <br><br>कार्यवाहक प्रमुख निर्वाचन आयुक्त डा। अयोधीप्रसाद यादवले निर्वाचनका लागि आवश्यक ऐन कानून बनेमा आयोग कुनै पनि निर्वाचनका लागि प्राविधिक रुपमा तयार रहेको बताउनुभयो । <br><br>छलफल कार्यक्रमा प्रधानमन्त्री ओली, गृहमन्त्री शक्तिबहादुर बस्नेत, कानून मन्त्री खरेल, एमाले संसदीय दलका उपनेता सुवास नेम्वाङ्ग र आयोगका तर्फबाट कार्यवाहक प्रमुख निर्वाचन आयुक्त डा। यादव, निर्वाचन आयुक्त इला शर्मा, सचिव शारदाप्रसाद त्रिताल, सहसचिव वीरबहादुर राई र सुशील कोइरालाको सहभागिता थियो ।&nbsp; <br><br></p>