<p><span style="line-height: 1.42857;">काठमाडौं ।</span><br></p><p>हामी सबैलाई थाहा छ पवित्र पाशुपत क्षेत्रमा बर्षेनी महा शिवरात्रीमा आउने साधु बाबाहरुलाई बाटो खर्च दिएर बिदा गर्ने गरिन्छ ।</p><p>तर तपाईलाई थाहा छ हरेक महिनाको एकलाख बढी तलब अनि हरेक बैठकको भत्ता खाने सांसदहरुले समेत सांसद पद खुस्कने भएपछि अन्तिम दिन समेत बाटो खर्चका नाममा राज्यढुकुटीमा लुट मच्चाउने गरेका छन् ।</p><p><br></p><p>व्यवस्थापिका संसदका ५९२ सांसदहरु शनिबार मध्यराति १२ बजेपछि भूतपूर्व हुँदैछन् ।</p><p><br></p><p>४ वर्षअघि २०७० मंसिर ४ गते निर्वाचित भएका र समानुपातीकबाट आएका सबै सांसदहरु असोज २८ गते मध्यराति १२ बजेबाट निवर्तमान हुदैछन ।</p><p><br></p><p>निवर्तमान हुन लागेका सबै सांसदहरुले अशोज महिनाभरको तलब भत्ता र सुबिधा पाउने छन् ।</p><p><br></p><p>तर दुखको कुरा यसअघिको प्रचलनको नाममा सांसदहरुले भूतपूर्व भएर फर्किन लागेको नाममा यातायात खर्च समेत असुल्ने भएका छन् ।</p><p><br></p><p>बिजनेसका हिसाबले संसदको शुक्रबारको बैठक अन्तिम भएपनि शनिबार विशेष बैठक राखिएको छ, जहाँ सांसदहरुलाई विधिवत बिदाई गरिंदैछ ।</p><p><br></p><p>सभामुख ओनसरी घर्तीले प्रमुख दलका शीर्ष नेताहरुसँग छलफल गरेपछि शनिबार अपरान्ह संसदको विशेष विदाई बैठक राखिएको सभामुखका प्रेस सल्लाहकार बबिन शमाले बताए । बैठकमा सभामुख र शीर्ष नेताले सम्बोधन गर्नेछन् ।</p><p><br></p><p>निर्वाचन आयोगले असोज २९ गते समानुपातिकको बन्दसूची पेश गर्ने मिति तोकेकाले २८ गते मध्यरातिदेखि रुपान्तरिक व्यवस्थपिका संसद विघटन हुने संसद सचिवालयका प्रवक्ता डा।भरतराज गौतमले जानकारी दिए ।</p><p><br></p><p>यसअघि कात्तिक ४ गते संसद विघटन हुने भनिएको थियो । तर, संविधानले उम्मेदवारी मनोनयनसँगै संसद भंग हुने भनेकोले समानुपातिक उम्मेदवारी मनोनयनलाई नै आधार बनाइएको सभामुख निकट स्रोतले जनाएको छ ।</p><p><br></p><p>संसद बिघटनअघि यो संसदको अन्तिम विजनेश बैठक शुक्रबार बस्दैछ । बैठकमा राष्ट्रियसभा सदस्य निर्वाचन सम्बन्धी विधेयक र भाषा आयोगसम्बन्धी विधेयकलाई कार्यसूचीमा राखिएको छ । त्यस्तै प्रदेश प्रमुखको पारिश्रमिक सम्वधासम्बन्धी बिधेयक पनि बैठकले पारित गर्ने कार्यसूची छ ।</p><p><br></p><p>चिकित्सा शिक्षा र राष्ट्रियसभा सदस्य निर्वाचनसम्बन्धी विधेयकमा सहमति जुटाउने प्रयास भइरहेको छ । यदि यो संसदले पारित गर्न नसके सरकारले अध्यायदेशबाट ल्याउनुपर्नेछ ।</p><p><br></p><p>संसद विघटनसँगै अहिले व्यवस्थापिका संसदमा रहेका सबै विधेयकहरु सून्यमा जानेछन् । अर्को संसद निर्वाचित भएर आएपछि नयाँ सरकारले पुनः बिधेयक ल्याउनुपर्नेछ ।</p>

<p><span style="line-height: 1.42857;">टीकापुर ।</span><br></p><p>नेपाल प्रहरीको पोशाक जिम्मा ठेक्का भारतीय कम्पनीलाई नै दिइन सामान्य मान्न सकिएला । तर देशको सुरक्षा निकायको पोशाकमानै अरु देशको चिन्ह हुन कदापी सामान्य मान्न सकिन्न ।</p><p><br></p><p>यस्तै भएको छ । नेपाल प्रहरीले लगाउने शिरको टोपीमा । सुरक्षाकर्मीले लगाएको टोपीमा यस्ता संकेत भेटिएपछि पत्याउनै पर्ने हुन्छ ।</p><p><br></p><p>कतिपय प्रहरीले लगाएका टोपीमा भारतको राष्ट्रिय झण्डा तिरंगा, ‘मेरा भारत महान, सारे जहाँ से अच्छा हिन्दुस्तान हमारा’ लेखिएका थुप्रै संकेत भेटिन्छन् । ती संकेत टोपीको भित्रपट्टी राखिएका छन् । अझ कतिपय टोपीमा भेडाको चित्रसमेत उल्लेख गरेको पाइएको छ ।</p><p><br></p><p>आफ्नो स्वाभिमानमाथि नै आँच आउने खालका यस्ता टोपी सुरक्षाकर्मीले वर्षौदेखि प्रयोग गर्दै आएका छन् । उनीहरूलाई यस बारेमा जानकारी नभएर हो वा संगठनकै लापरवाहीले सुरक्षाकर्मीको स्वाभिमान गिराउने काम भएको छ ।</p><p>संगठनको तल्लो तहका जवान मात्रै हैन प्रहरी अधिकृतले लगाएको टोपीमा समेत यस्ता संकेत भेटिएका छन् । एकजना प्रहरी अधिकृतले लगाएको टोपीमा भारतीय झण्डा र ‘सारे जहाँ से अच्छा हिन्दुस्तान हमारा’ लेखिएको पाइएको छ । पूरानो भएकाले भारतीय झण्डा भने स्पष्ट चिनिदँैन । उनले लामो समयदेखि सोही टोपी प्रयोग गर्दै आइरहेको बताए ।</p><p>केही समयअघि अर्का एक प्रहरी निरीक्षकको टोपीमा समेत यस्तौ संकेत भेटिएको थियो । उनको टोपीको एकातर्फ ‘मेरा भारत महान’ लेखिएको र अर्कोतर्फ भारतको राष्ट्रिय झण्डा उल्लेख भएको ‘स्टिकर’ भेटिएको थियो । यस्तो ‘स्टिकर’ भेटिएपछि उनले तत्काल च्यातेर फालेका थिए ।</p><p>प्रहरी संगठनले मातहतका सुरक्षाकर्मीका लागि टेण्डरमार्फत टोपीलगायतका पोशाक खरिद गर्दै आएको छ । प्रहरीको पोशाक भारतीय कम्पनीले उत्पादन गरेको मध्येबाट भित्रिने गरेको स्रोतले बताएको छ । भारतीय कम्पनीले जानाजान यस्तो बदमासी गरेको स्रोतको दाबी छ ।</p><p>प्रहरी प्रवक्ता डिआइजी मनोज न्यौपानेले टेण्डरमार्फत खरिद गरेको टोपीमा यस्ता खालको कुरा हुन नसक्ने दाबी गरे । उनले कसैले व्यक्तिगत रूपमा खरिद गरेर लगाएको टोपीमा यस्ता संकेत भेटिन सक्ने बताए ।</p><p>‘व्यक्तिगत रूपमा खरिद गरेको टोपीमा यस्तो संकेत भेटिन सक्छ,’ उनले भने, ‘त्यस्तो कुरा लगाउने व्यक्तिले ख्याल गर्नुपर्ने हो ।’</p><p>उनले पोशाक हराए वा च्यातिए संगठनले तत्काल उपलब्ध गराउने सुविधा नभएका कारण सुरक्षाकर्मीले अर्को व्यवस्था नभएसम्म बजारबाट किन्न सक्ने बताए । हरेक वर्ष पोशाक उपलब्ध गराउने प्रावधान नभएका कारण सुरक्षाकर्मीले आवश्यक परेको बेला बजारमा किन्नुपर्ने वाध्यता रहेको संगठनको भनाइ छ ।</p><p>‘भारतीय प्रहरी र हाम्रो टोपी धेरैजसो मिल्छ’ उनले भने, ‘कहिलेकाँही व्यापारीसँग किन्दा त्यस्तो टोपी पर्न सक्छ ।’</p><p>कतिपय सुरक्षाकर्मीले संगठन भित्रैबाट उपलब्ध गराएका टोपीमा समेत यस्ता संकेत भेटिएको बताएका छन् । उनीहरूले नाम उल्लेख नगर्न आग्रह गर्दै संगठनले दिएको पोशाक चुपचाप लगाउनु बाहेक अन्य कुनै विकल्प नभएको बताए । ‘सबै कुरा माथिल्लो तहले नै व्यवस्थापन गर्ने हो,’ एक सुरक्षाकर्मीले भने, ‘हामीले लगाउँदैनौं भनेर केही हुँदैन ।’ कतिपयले त्यस्ता संकेत फालेर टोपी प्रयोग गर्दै आएको सुनाए ।</p><p><i>समाचार साभार नागरिक दैनिक</i></p>

<p><span style="line-height: 1.42857;">काठमाडौं ।</span><br></p><p>शेरबहादुर देउवा सरकारले आपराधिक समुहले गोली हानी हत्या गरेका ठेकेदार शरद गौचनलाई शहिद घोषणा गर्ने निर्णय गरेको छ ।</p><p><br></p><p>राजधानीमा केही दिन अघि गोली हानी हत्या गरिएका ठेकेदार गौचन निर्माण व्यवसायी महासंघका अध्यक्ष थिए ।</p><p>शुक्रबार बसेको मन्त्रिपरिषद्को बैठकले गौचनलाई सहिद घोषणा गर्ने निर्णय गरेको हो ।</p><p><br></p><p>ठेकेदारहरुको संस्था निर्माण व्यवसायी संघले गौचनलाई सहिद घोषणाको माग गरेका थिए ।</p><p><br></p><p><b>के हो शहिद भनेको ?</b></p><p>देश र जनताको लागि बलिदान गर्ने वीर–विरङ्गनाहरु, जसले हाँसी–हाँसी आत्माहुति गर्न तत्पर हुन्छन् त्यस्ता महान् व्यक्तित्वहरुलाई सम्मान स्वरुप शहिद घोषणा गर्ने विश्वव्यापी परम्परा र मान्यता छ ।</p><p><br></p><p>यस विपरित नेपालमा भने कुनै पनि अपराधिक क्रियाकलापमा संलग्न व्यक्ति, कुनै घटनामा मारिएका व्यक्ति, व्यक्तिगत तथा राजनीतिक आग्रह पूर्वाग्रहका कारण हत्या गरिएका व्यक्तिहरुलाई पनि शहिद घोषणा गर्ने गरिएको छ ।</p><p><br></p><p>यति सम्मकी शहिद घोषणा माग गर्दै सडक आन्दोलन गरिन्छ र सर्वसाधारणलाई कष्टकर जीवनयापन गर्न बाध्य पारिन्छ । पीडित पक्षलाई राहत स्वरुप राज्यको तर्फबाट क्षतिपूर्ति दिनु अलग कुरा हो । तर, हरेक व्यक्तिलाई शहिद जस्तो ‘सम्मानजनक उपाधि’ दिन दबाव दिनु र सरकारले जथाभावी शहिद घोषणा गर्नु लाजमर्दो विषय हो । यसले देशको लागि बलिदान हुने शहिदहरु प्रति नै ठूलो अपमान हुनजान्छ ।</p>

<p>काठमाडौं ।&nbsp; त्रिभुवन अन्तर्राष्ट्रिय विमानस्थलस्थित अध्यागमनका कर्मचारी, एयरलाइन्स र प्रहरीसँगको आर्थिक सेटिङमा टुरिस्ट भिसामा संयुक्त अरब इमिरेट्स पुगेर बिच्चलीमा परेका १५ नेपालीलाई त्यहाँस्थित नेपाली दूतावासले उद्धार गरेको छ। सरकारले काम गर्ने उद्देश्यले टुरिस्ट भिसामा खाडी मुलुक जान रोक लगाएको छ। विमानस्थलस्थित अध्यागमनका कर्मचारी र प्रहरीले सरकारी नीतिको धज्जी उडाउँदै मोटो रकमको प्रलोभनमा परी टुरिस्ट भिसाका व्यक्तिलाई सेटिङ गरी युएई पठाएका थिए। अन्नपूर्ण पाेस्ट दैनिकमा खबर छ ।<br></p><p>दलालमार्फत युएई पुगेकाहरूले काम नपाएको र पठाउने व्यक्तिले समेत रेस्पोन्स नगरेको भन्दै दूतावासमा उजुरी गरेका थिए। उनीहरूलाई युएईस्थित नेपाली दूतावासले १० दिनपछि सकुसल नेपाल फर्काएको हो। उद्धार हुनेहरूमा मकवानपुरका सुनिल रावत, भीमबहादुर बम्जन, नवराज लो, सुन्दर तामाङ, दीपेन्द्र साम्देन, सुकुराम थिङ, बाग्लुङका इन्द्रबहादुर थापा, राजु थापा, नवलपरासीका कृष्णबहादुर भुजेल, सल्यानका कमल बुढाथोकी, तनहुँका ज्ञानबहादुर तामाङ, गोरखाका चन्द्रबहादुर गुरुङ, बाँकेका तुलसीप्रसाद शर्मा, सिन्धुपाल्चोकका फञ्जो तामाङ र काभ्रेका नरेश तामाङ छन्।<br></p><p>काठमाडौंस्थित पान्डोरा इन्कर्पोरेसन प्रालिका सञ्चालक इश्वर भण्डारी, कार्यकारी निर्देशक केशव थापा र दलालहरू मकवानपुरका दिनेश लामा मोक्तान र धादिङका रमेश कँुवरले उनीहरूलाई युएई पठाएका थिए। खाडी मुलुक जाने जो कोहीले साथमा एक हजार डलर, दुईतर्फी हवाई टिकट, होटल बुकिङ गरेपछि मात्रै प्रस्थान अनुमति पाउँछन्। तर अध्यागमनका कर्मचारीले यिनीहरूको हकमा केही खोजेनन्। सेटिङमा भएकालाई विमानस्थलमा न अध्यामगनका कर्मचारीले सोधखोज गर्छन् न त प्रहरीले नै, उनीहरू बिनारोकतोक खाडी मुलुक जान्छन्।<br></p><p>सरकारले काम गर्ने उद्देश्यले टुरिस्ट भिसामा खाडी मुलुक जान रोक लगाए पनि उनीहरु ‘सेटिङ’ मा सजिलै युएई पुगेका थिए। युएईस्थित नेपाली दूतावासले पान्डोरा कर्पोरेसनका सञ्चालक र अन्य दलाललाई कारबाही दायरामा ल्याउन परराष्ट्र मन्त्रालयमार्फत गृहलाई समेत पत्राचार गरिसकेको छ। ती मानव तस्करले उनीहरूलाई युएईमा आकर्षक तलब पाउने र आफूहरूले नै जागिर लगाइदिने भन्दै युएई पठाएका थिए। उनीहरू खाने, बस्ने र खर्चको समेत अभाव भएपछि युएईस्थित नेपाली दूतावासमा बसेका थिए। त्यहाँस्थित नेपाली दूतावासले आप्रवासी संगठन र गैरआवसीय नेपालीको सहयोगमा उनीहरूलाई फिर्ता पठाएको हो।</p><p>मकवानपुरका सिमाने बम्जनको भने राहदानी हराएका कारण त्यहाँको प्रहरीले क्लियरेन्स दिएपछि नेपाल आउने छन्। यसअघि गत आइतबार पनि युएईस्थित नेपाली दूतावासले २८ जना नेपाली कामदारलाई उद्धार गरेको थियो। सिवाकोटी म्यानपावर कम्पनीबाट सुरक्षाकर्मीको रूपमा युएईस्थित रोयल फाल्कोन सेक्युरिटी कम्पनीमा कार्यरत उनीहरु तलब नपाएर बिचल्लीमा परेका थिए।<br></p>

<p><span style="line-height: 1.42857;">काठमाडौं ।</span><br></p><p>हप्तादिनदेखी आमरण अनशनरत सामाजिक अभियन्ता प्रा.डा. गोविन्द केसीले संसद् प्रमुखको हैसियतले सभामुखलाई चिकित्सा शिक्षा विधेयक पारित गराउन सक्रिय भूमिका खेल्न अनुरोध गरेका छन् ।</p><p><br></p><p>प्रा डा केसीले पत्रकार सम्मेलन गरेर सभामुखलाई संसद्को बाँकी रहेको अवधिमा विधेयकलाई सहीरूपमा पारित गराउन आग्रह गर्दै “केही राजनीतिक दल र सांसदहरू नागरिकको गुणस्तरीय स्वास्थ्य सेवा पाउने तथा आम विद्यार्थीको सस्तोमा चिकित्सा शिक्षा पाउने अधिकार कुण्ठित गर्न सक्रिय भएका छन्, त्यसैले ऐन असफल पार्न लागेका छन् ।” भन्दै सभामुखको सक्रियताको लागि आग्रह गरे ।</p><p><br></p><p>डा केसी आठ दिनदेखि स्वास्थ्य तथा चिकित्सा शिक्षा सुधारका लागि चिकित्सा शिक्षा ऐन आउनुपर्ने माग राखी १३ औँ आमरण अनशनमा छन् ।</p><p>चिकित्सा विधेयक संसद्मा विचाराधीन छ । नेकपा एमालेका कारण चिकित्सा विधेयक संसदमा टेबल हुन पाएको छैन भने एमालेले विधेयक पारित हुन नदिने बताउँदै आएको छ ।</p>