<p><span style="line-height: 1.42857;">काठमाडौं ।</span><br></p><p>विशेष अदालतबाट भ्रष्टाचारी ठहर भएका पूर्वगृहमन्त्री तथा कांग्रेस नेता गोविन्दराज जोशीको बागी उम्मेदवारी कानुनअनुसार अयोग्य भएको कानुनविदहरूले जिकिर गरेका छन् ।&nbsp;</p><p><br></p><p>जोशीले बिहीबार तनहुँ १ बाट बागी उम्मेदवारी दर्ता गराएका छन् । त्यस क्षेत्रमा कांग्रेसबाट वरिष्ठ नेता रामचन्द्र पौडेलले उम्मेदवारी दिएका छन् । आफूले नपाएपछि जोशीले स्वतन्त्र रूपमा उम्मेदवारी दर्ता गराएका हुन् । कानुनविदहरूले भ्रष्टाचारी ठहर भइसकेकाले जोशीको उम्मेदवारी कानुनअनुसार रद्द हुनुपर्ने बताएका छन् ।</p><p>‘प्रतिनिधिसभा सदस्य निर्वाचन ऐनअनुसार जोशी उम्मेदवारीका लागि अयोग्य छन् किनभने उनलाई अदालतले भ्रष्टाचार ठहर गरिसकेको छ,’ वरिष्ठ अधिवक्ता तथा नेपाल बारका पूर्वअध्यक्ष शम्भु थापाले भने, ‘उनी अहिले सर्वोच्चमा पुनरावेदन गरिरहेका भए पनि कानुनअनुसार भ्रष्टाचारी नै हुन् र उम्मेदवारीका लागि अयोग्य छन् ।’</p><p><br></p><p>यस्तै घटना सन् २००१ मा भारतकी राजनीतिज्ञ जयललिताका सम्बन्धमा पनि भएको थियो । जयललिताले चुनाव जिते पनि सर्वोच्च अदालतले खारेज गरिदिएको उदाहरण दिँदै थापाले जोशीका हकमा पनि त्यही नै लागू हुने जिकिर गरे ।&nbsp;</p><p><br></p><p>भ्रष्टाचार मुद्दा खेपिरहेकी जयललिताले हाई कोर्टबाट धरौटी लिएर तामिलनाडुमा उम्मेदवारी दिइन् र दुई तिहाइ मत पाएर मुख्यमन्त्री पनि बनिन् तर त्यसविरुद्ध सर्वोच्चमा तुरुन्तै रिट पनि पर्‍यो । ‘दुई तिहाइ मत पाएकाले जनताको सर्वोच्चता कायम हुने हुँदा उनको विजय कायमै हुनुपर्ने तर्क उनका कानुन व्यवसायीले गरेका थिए,’ थापाले भने, ‘तर सर्वोच्चले भ्रष्टाचार ठहर भएको व्यक्ति चुनाव लड्न र सार्वजनिक पदमा बस्न नपाउने संवैधानिक व्यवस्था भएको हुँदा संवैधानिक सर्वोच्चता कायम हुने र जयललिता मुख्यमन्त्रीबाट बर्खास्त हुने आदेश गर्‍यो । यो नजिर हामीकहाँ पनि मिल्छ ।’</p><p><br></p><p>जोशीलाई विशेष अदालतले १० साउन २०६९ मा भ्रष्टाचारी ठहर गर्दै ४ करोड ३२ लाख बिगो र जरिवाना तथा डेढ वर्ष कैद हुने फैसला गरेको थियो । त्यसविरुद्ध उनले सर्वोच्चमा पुनरावेदन दिए पनि ऐनअनुसार भने उम्मेदवारी दिन नमिल्ने भएको हो ।&nbsp;</p><p><br></p><p>प्रतिनिधिसभा सदस्यसम्बन्धी ऐन २०७३ को दफा १३ को उपदफा 'घ' मा उम्मेदवारहरूको अयोग्यतासम्बन्धी व्यवस्था छ । यसमा भनिएको छ– ‘भ्रष्टाचार, जबरजस्ती करणी।।।।वा नैतिक पतन देखिने अन्य फौजदारी कसुरमा सजाय पाई वा कुनै कसुरमा जन्मकैद वा बीस वर्ष वा सोभन्दा बढी कैदको सजाय पाई त्यस्तो फैसला अन्तिम भएको’ उक्त कानुन प्रस्ट नभएकाले जोशीले छिद्र खोजेर उम्मेदवारी दिएको संविधानविद डा। विपिन अधिकारीले बताए ।</p><p>‘केलाई अन्तिम अदालतको फैसला मान्ने भन्ने द्विविधा यहाँ छ,’ अधिकारीले भने, ‘किनभने विशेष अदालतले उनलाई भ्रष्ट ठहर गरिसकेको छ तर पुनरावलोकन गरेकाले त्यो निवेदन सर्वोच्चमा अहिले चलि नै रहेको छ । यस्तो अवस्थामा उम्मेदवारी दिन पाइने नपाइने भनेर ऐनको उक्त दफाले प्रस्ट भनेको छैन । तर नैतिक पतन देखिने कुनै पनि काममा संलग्न भएकाले पनि उम्मेदवार हुन नपाउने पनि भनेको छ ।&nbsp;</p><p><br></p><p>भ्रष्टाचार नैतिक पतन हुने काम भएकाले यसमा उनको उम्मेदवारीविरुद्ध दाबीविरोध गर्नेलाई ठाउँ प्रशस्त छ ।’ निर्वाचन आयोगले यससम्बन्धमा विचार गरेर तुरुन्त निर्णय दिनुपर्ने अधिकारीको जिकिर छ ।&nbsp;</p>

<p><span style="line-height: 1.42857;">काठमाडौं ।</span><br></p><p>नेपाल मजदुर किसानका अध्यक्ष नारयाणमान बिजुक्छेले आसन्न प्रतिनिधिसभा निर्वाचनका लागि आफूले उम्मेदवारको मनोनयन दर्ता नगराए पनि राष्ट्रिय राजनीतिबाट सन्यास नलिएको स्पष्ट पारेका छन् ।</p><p><br></p><p>आफू प्रतिनिधिसभामा प्रत्यक्षरुपमा संलग्न नभए पनि पार्टीको अध्यक्ष भएरै राष्ट्रिय राजनीति भूमिकामा सक्रिय रहने बिजुक्छेले बताए । भक्तपुरमा रफत सञ्चार क्लवको साक्षात्कारमा उनले नयाा पुस्ता पनि जिम्मेवारी बहन गर्न सक्षम रहेको कारण पार्टीको निर्णयअनुसार नै पुस्ता हस्तान्तरण गरिएको बताए ।</p><p><br></p><p>बिजुक्छे २०४८ पछिका सबै चुनावमा निर्वाचित हुने सीमितमध्येका एक राजनीतिज्ञ हुन् । तर आगामी प्रतिनिधिसभामा आफूले उम्मेदवारी नदिई उनले अर्का नेता प्रेम सुवाललाई अगाडि सारेका छन् ।</p><p><br></p><p>वामपन्थी विचारलाई थप सुदृढ र सशक्त गर्नका लागि पार्टीकै राजनीतिमिा सक्रियरुपमा रहने भन्दै बिजुक्छेले अहिले वाम गठबन्धनका रुपमा रहेका एमाले र माओवादी केन्द्रले सत्ताका लागि मात्र गठबन्धन गरेको आरोप लगाए ।&nbsp;</p><p><br></p><p>मुलुकमा दुइटा मात्रै राजनीतिक दल भए झन् भद्रगोल हुने दाबी गर्दै बिजुक्छेले 'थ्रेसहोल्ड'ले प्रजातन्त्रको मर्मलाई अन्त्य गरेको बताएको कान्तिपुरमा खवर छ ।</p>

सप्तरी ।
आगामी मंसिर २१ गते हुने प्रतिनिधी र प्रदेशसभाका निर्वाचन क्षेत्रलागि सप्तरीमा १ सय ६८ जनाले उम्मेदबारी दर्ता गराएका छन् । चार वटा प्रतिनिधीसभाको क्षेत्र रहेको सप्तरीमा ५९ जनाले उम्मेदबारी दिएका छन् भने आठ वटा प्रदेश सभाका लागि १०९ जनाले उम्मेदबारी दिएका छन् ।
क्षेत्र नम्बर १ मा प्रतिनिधीसभाका लागि १४ जनाले उम्मेदबारी दिएका छन् ।  
क्षेत्र नम्बर २ बाट १८ क्षेत्र नम्बर ३ बाट १२ र क्षेत्र नम्बर ४ बाट १५ जनाले प्रतिनिधीसभाका लागि उम्मेदबारी दर्ता गराएका छन् ।
प्रदेशसभाका लागि क्षेत्र नम्बर १ को १ बाट ९ र १ को २ बाट पनि नौ जनाले नै उम्मेदबारी दिएका छन् ।
क्षेत्र नम्बर २ को १ बाट १३ जना र २ को २ बाट २२ जनाले उम्मेदबारी दिएका छन् ।
क्षेत्र नम्बर ३ को १ बाट १९ जना र ३ को २ बाट १४ जनाले उम्मेदबारी दिएका छन् ।
क्षेत्र नम्बर ४ को १ बाट ११ जना र क्षेत्र नम्बर ४ को २ बाट १२ जनाले प्रदेश सभाका लागि उम्मेदबारी दिएका छन् ।
स्वतन्त्रको घुइँचोदलहरुले जित्नका लागि गठबन्धन बनाएपनि दलभन्दा स्वतन्त्र उम्मेदबारको संख्या उल्लेख्य छ ।
प्रतिनिधीसभाका लागि कुल ५९ जनाले उम्मेदबारी दिएको जिल्लामा २१ जनाले स्वतन्त्र उम्मेदबारी नै दिएका छन् ।
प्रदेशसभाका लागि १०९ जनाले उम्मेदबारी दिएकोमा ३९ जना स्वतन्त्र छन् ।
क्षेत्र नम्बर १ मा प्रतिनिधीसभाका लागि ५ जनाले, क्षेत्र नम्बर २ बाट ८ जनाले, क्षेत्र नम्बर ३ बाट ३ जनाले र क्षेत्र नम्बर ४ बाट ५ जनाले स्वतन्त्र उम्मेदबारी दर्ता गराएका छन् ।
प्रदेश सभा अन्तर्गत क्षेत्र नम्बर १ को १ बाट २ जना, १ को २ बाट ३ जना, क्षेत्र नम्बर २ को १ बाट ४ जना, क्षेत्र नम्बर २ को २ बाट १२ जनाले स्वतन्त्र उम्मेदबारी दिएका छन् ।
यस्तै क्षेत्र नम्बर ३ को १ बाट ७ जना, ३ को २ बाट ४ जना, क्षेत्र नम्बर ४ को १ बाट ४ जना र ४ को २ बाट ३ जनाले प्रदेशसभाका लागि स्वतन्त्र उम्मेदबारी दिएका छन् ।

<p><span style="line-height: 1.42857;">सल्यान ।</span><br></p><p>सल्यानमा बिभिन्न राजनैतिक दलहरुले उम्मेदवारको मनोनयन दर्ता गरेका छन् । मंसिर२१ मा हुने प्रतिनिधिसभा र प्रदेशसभाको निर्बाचनको लागी बिभिन्न राजनैतिक दलहरुले उम्मेदवारको मनोनयन दर्ता गरेको हुन् । बिभिन्न बाजागाजाहरुको साथमा र्याली सहित बजार परिक्रमा गरेर मूख्य निर्बाचन अधिकृतको कार्यालयमा गएर नेकपा एमाले, माओबादी केन्द्रको बामगठबन्धन, नेपाली काँग्रेस, राप्रपा लगाएतका बिभिन्न दलहरुले उम्मेदवारको मनोनयन दर्ता गरेका हुन ।</p><p>यस जिल्लामा उम्मेदवारहरुको मनोनयन दर्ता शान्तीपूर्ण बाताबरणमा भएको &nbsp;मूख्य निर्बाचन अधिकृतको कार्यालयले जनाएको छ ।</p><p>मंसिरमा हुने निर्बाचनको लागी नेकपा एमाले, माओबादी केन्द्रको संयुक्त बामगठबन्धनले उम्मेदवारी दर्ता गरेका छन् । निर्बाचनको लागी नेकपा एमाले, माओबादी केन्द्रको संयुक्त बामगठबन्धन बाट प्रतिनिधिसभाको लागी माओवादी केन्दका विना विभागीय मन्त्री टेकबहादुर बस्नेतले मनोनयन दर्ता गरेका छन् । यस्तै प्रदेशसभाका लागी &nbsp;क्षेत्र नम्बर १ बाट एमालेका जिल्ला ईन्चार्ज गुलाबजंग शाह र क्षेत्र नम्बर २ का लागी एमालेका पोलिटब्यूरो सदस्य प्रकाश ज्वालाले मनोनयन दर्ता गरेका छन् ।</p><p>उता बामगठबन्धनका बिरुद्ध नेकपा माओबादीका नेताहरुले बागी उम्मेदवारी दिएका छन् । पार्टीको जिल्लाको आधिकारीक निर्णय भन्दै माओबादीका उमाकान्त शर्माले प्रतिनिधिसभाको लागी उम्मेदवार दिएका छन् । यस्तै प्रदेश सभाको लागी क्षेत्र नम्बर १ बाट भिम प्रकाश शर्मा र क्षेत्र नम्बर २ बाट जित बहादुर पुनले उम्मेदवारी दिएका छन् । यस अघि माओबादी केन्द्र सल्यानले केन्द्रको निर्णय नमान्ने भन्दै बुधबार बिज्ञप्ती निकालेका थिए ।</p><p>यस्तै स्वतन्त्र बाट प्रतिनिधिसभाका लागी ज्ञान बहादुर वलीले उम्मेदवारी दिएका छन भने प्रदेश सभाको लागी क्षेत्र नम्बर १ बाट धर्मे बुढाथोकीले उम्मेदवारी दिएका छन । यस्तै क्षेत्र नम्बर २ बाट स्वतन्त्र रुपमा शोभाराम थापा र धन बहादुर विश्वकर्माले उम्मेदवारी दिएका छन ।</p><p>यस्तै नेपाली काँग्रेसको तर्फ बाट प्रतिनिधि सभाका लागी पूर्व शिक्षा राज्य मन्त्री राजेन्द्र बहादुर शाहले मनोनयन दर्ता गरेका छन् । यस्तै प्रदेशसभामा क्षेत्र नम्बर १ बाट महासमिती सदस्य एकराज डाँगी र क्षेत्र नम्बर २ बाट पूर्व केन्द्रिय सदस्य डिल्लीराज रेग्मीले मनोनयन दर्ता गरेका छन् ।</p><p>यस्तै राप्रपाको तर्फ बाट प्रतिनिधि सभाका लागी गणेश भण्डारीले उम्मेदवारी दिएका छन् । यस्तै प्रदेशसभा तर्फ क्षेत्र नम्बर १ मा बालाराम शर्मा र क्षेत्र नम्बर २ मा राजेन्द्र बिर राई ले उम्मेदवारी दर्ता गराएका छन् ।</p><p>यता निर्बाचनको लागी नेकपा माले र जनसमाजबादी पार्टीले चुनाबी तालमेल गरेका छन् । नेकपा मालेले प्रतिनिधि सभा र प्रदेशसभा क्षेत्र नम्बरमा १ मा उम्मेदवारको मनोनयन गर्दा गरेका छन् । भने जनसमाजबादी पार्टीले क्षेत्र नम्बर २ मा उम्मेदवारको मनोनयन दर्ता गरेको छ । मालेको तर्फ बाट प्रतिनिधी सभामा बलबहादुर गिरी, प्रदेशसभा १ मा टोप बहादुर रोका र प्रदेश सभामा २ मा जनसमाजबादी पार्टीका हिमलाल बुढाथोकीले उम्मेदवारी दिएका छन् । यी दुई पार्टी बिचमा चुनाबमा एकअर्काले सहयोग गर्ने सहमती भएको छ ।</p><p>यस्तै राष्ट्रिय जनमुक्तिले पनि उम्मेदवारी दर्ता गरेको छ । प्रतिनिधि सभामा जिल्ला अध्यक्ष खड्क बहादुर पुन र प्रदेशसभा क्षेत्र नमबर २ मा डण्डबिर पुनले उम्मेदवारी दर्ता गरेका छन् ।</p><p>यस्तै राष्ट्रिय जनमोर्चाले पनि उम्मेदवारी दर्ता गरेको छ । प्रतिनिधि सभाका लागी ढकन प्रसाद शर्माले उम्मेदवारी दर्ता गरेका छन् । प्रदेश सभाको लागी क्षेत्र नम्बर १ बाट जनमोर्चाका दले बुढा मगरले उम्मेदवारी दिएका छन् ।</p><p>यस्तै एकृकित राप्रपा राष्ट्रबादी बाट प्रतिनिधि सभामा गुरु प्रसाद भण्डारीले उम्मेदवारी दिएकाछन् । यस्तै राप्रपा प्रजातान्त्रिकले प्रदेश सभा तर्फ क्षेत्र नम्बर २ मा बेद बहादुर खत्रीलाई उम्मेदवार बनाएको छ । यस्तै नयाँ शक्तिले प्रतिनिधि सभाका लागी सुमन कुमार बिकले उम्मेदवारी दिएका छन् । यस्तै प्रदेश सभा क्षेत्र २ मा बिमल राज डिसीले उम्मेदवारी दिएका छन् ।&nbsp;</p>

<p>चितवन ।</p><p>प्रतिनिधिसभा र प्रदेशसभाको निर्वाचनका लागि चितवनमा आज १०४ जनाको उम्मेदवारी परेको छ ।</p><p>चितवनको मुख्य निर्वाचन अधिकृतको कार्यालयका सहायक निर्वाचन अधिकृत गम्भिर घिमिरेका अनुसार जिल्लाको तीन निर्वाचन क्षेत्रको ९ जनाका लागि १०४ जनाको उम्मेदवारी परेको हो ।</p><p>नेकपा माओवादी केन्द्रका अध्यक्ष पुष्पकमल दाहालले उम्मेदवारी दिनुभएको चितवन निर्वाचन क्षेत्र नम्बर तीनमा प्रतिनिधिसभातर्फ सबैभन्दा बढी १८ जनाले उम्मेदवारी दिएका छन् । जसमा ८ जना स्वतन्त्रबाट उम्मेदवारी परेको छ ।</p><p>यस्तै प्रदेशसभातर्फ (क) र (ख) मा ८, ८ जनाको उम्मेदवारी परेको छ । एमाले नेता तथा पुर्व अर्थमन्त्री सुरेन्द्र पाण्डेको उम्मेदवारी परेको चितवन क्षेत्र नम्बर १ मा ४ स्वतन्त्र सहित १५ जनाको उम्मेदवारी परेको जनाईएको छ ।</p><p>सो क्षेत्रको प्रदेशसभा अन्तरगत (क) र (ख) मा क्रमश १०, १० जनाको उम्मेदवारी परेको छ । यस्तै क्षेत्र नम्बर २ मा ३ स्वतन्त्र सहित १५ जनाको उम्मेदवारी परेको घिमिरेको भनाई छ ।</p><p>प्रदेशसभातर्फ सो क्षेत्रको (क) मा ९ र (ख)मा ११ जनाको उम्मदवारी परेको उहाँले जानकारी दिनुभयो ।</p><p>बाम गठबन्धनबाट चितवन क्षेत्र नम्बर १ मा सुरेन्द्र पाण्डे, २ मा कृष्णभक्त पोखरेल र क्षेत्र नम्बर तीनमा पुष्पकमल दाहालले उम्मेदवारी दिनुभएको छ ।</p><p>यस्तै लोकतान्त्रिक गठबन्धनबाट क्षेत्र नम्बर १ का राजेन्द्र बुर्लाकोटी , क्षेत्र नम्बर २ बाट शेषनाथ अधिकारी र क्षेत्र नम्बर तीनबाट राप्रपा प्रजातान्त्रिकका बिक्रम पाण्डेले उम्मेदवारी दिनुभएको छ ।</p><p>निर्वाचन कार्यतालिका अनुसार आज शुक्रबार दावी विरोध, शनिवार दर्ताको निर्णय हुने तथा १९ गते नामावली फिर्ताको समय रहने र सोही दिन नै निर्वाचन चिन्ह प्रदान हुने घिमिरेले जानकारी दिनुभयो </p>

<iframe width="560" height="315" src="https://www.youtube-nocookie.com/embed/k8r_Ug2gFsg" frameborder="0" gesture="media" allowfullscreen=""></iframe>

<p><span style="line-height: 1.42857;">उदयपुर ।</span><br></p><p>आसन्न मंसिर २१ हुने प्रतिनिधि तथा प्रदेश सभाका निर्बाचनका लागि दोस्रोचरणमा उदयपुरमा मनोनयन दर्ता शान्तिपूर्वक विहिबार सम्पन्न भएको छ ।&nbsp;</p><p>२ प्रतिनिधि सभा र ४ प्रदेश सभा रहेको उदयपुरमा प्रतिनिधिसभातर्फ २३ र प्रदेशसभातर्फ ३९ गरी ६२ जनाको उम्मेदवारी मनोनयन दर्ता भएको मूख्य निर्वाचन अधिकृत तेजेन्द्रप्रसाद शर्माले बताएका छन् छ । विभिन्न १६ राजनीतिक दल र ६ जना स्वतन्त्रबाट उम्मेदवारी परेको हो ।</p><p><span class="Apple-tab-span" style="white-space:pre"> </span>प्रतिनिधि सभा क्षेत्र नं. १ मा १२ जनाको उम्मेदवारी परेको छ । जसमा नेपाली कांग्रेसको तर्फबाट डा. नारायण खड्का, बाम गठबन्धनको तर्फबाट नेकपा एमालेकी मञ्जुकुमारी चौधरीले मनोनयन दर्ता गराएका छन् । त्यस्तै संघीय समाजवादी फोरम नेपालबाट गोपाल राई, नेपाल कांंग्रेस (विपि)बाट प्रशान्त राई, देशभक्त जनगणतान्त्रिक मोर्चा नेपालबाट अम्बरबहादुर परियार, एकीकृत राप्रपा राष्ट्रवादीबाट कनकबहादुर रानामगर, राप्रपा प्रजातान्त्रिकबाट गोविन्दबहादुर बस्नेत, नेकपा माक्सवादीबाट गम्भिरबहादुर कार्की, नयाँ शक्ति पार्टी नेपालबाट विश्वराज राई, राजपा नेपालबाट राजेन्द्र राई, संघीय लोकतान्त्रिक राष्ट्रिय मञ्चबाट कसिककुमार राई र नेकपा मालेबाट रामप्रसाद चौलागाईले उम्मेदवारी दिएका छन् ।&nbsp;</p><p>त्यसैगरी प्रतिनिधि सभा क्षेत्र नं. २ मा १ स्वतन्त्रसहित ११ जनाको उम्मेदवारी दर्ता भएको छ । नेपाली कांग्रेसको तर्फबाट नारायण कार्की, नेकपा माओवादी केन्द्रबाट सुरेश कुमार राई (हिमाल), नेकपा एमालेबाट जगन्नाथ खतिवडाले उम्मेदवारी दिएका छन् । त्यस्तै संघीय समाजवादी फोरम नेपालबाट विष्णुबहादुर राई दनुवार, नेपाल मजदुर किसान पार्टीबाट नयन बहादुर कार्की, राप्रपा राष्ट्रवादीबाट गोपी गिरी, नयाँ शक्ति नेपालबाट खम्बराज खत्री, मंगोल नेशनल अर्गनाईजेशनबाट खड्गबहादुर किरिङ मगर, राजपाबाट उपेन्द्र राई र नेकपा माक्सबादीबाट शंकरकुमार राईले उम्मेदवारी दर्ता गराएका छन् । स्वतन्त्र उम्मेदवारी दिनेमा दिवस कटुवाल छन् । उनी नेकपा माओवादी केन्द्र उदयपुरको जिल्ला संयोजक हुन् ।</p><p>त्यसैगरी प्रतिनिधि सभा क्षेत्र नं. १ अन्तर्गतको प्रदेश सभा क्षेत्र नं. १ मा एक स्वतन्त्रसहित १० जनाको उम्मेदवारी परेको छ । जसमा नेपाली कांग्रेसको तर्फबाट विदुर बस्नेत, बाम गठबन्धनको तर्फबाट नेकपा एमालेका विमल कार्कीले उम्मेदवारी दिएका छन् । त्यस्तै संघीय समाजवादी फोरम नेपालको तर्फबाट गणेशकुमार राई, जनसमाजवादी पार्टीबाट मनकुमार राई, नेपाल संघीय समाजवादी पार्टीबाट दिनेश राई, नयाँ शक्ति पार्टी नेपालबाट सोजसिंह कार्की, राप्रपा प्रजातान्त्रिकबाट रामप्रसाद गिरी, राप्रपाबाट चन्द्रबहादुर विष्ट, राजपा नेपालबाट खिसाबहादुर राई र स्वतन्त्रबाट कुशलबाबु बस्नेतले उम्मेदवारी दर्ता गराएका छन् । स्वतन्त्र उम्मेदवार बस्नेत नेकपा एमाले उदयपुरका जिल्ला सदस्य हुन् ।&nbsp;</p><p>प्रतिनिधिसभा क्षेत्र नं. १ अन्तर्गतको प्रदेश सभा क्षेत्र नं. २ मा दुई स्वतन्त्रसहित १४ जनाको उम्मेदवारी दर्ता भएको छ । जसमा नेपाली कांग्रेसको तर्फबाट हिमाल कार्की, बाम गठबन्धनको तर्फबाट नेकपा माओवादी केन्द्रका रामबहादुर थापाको उम्मेदवारी परेको छ । त्यस्तै संघीय समाजवादी फोरम नेपालबाट प्रदिपकुमार चौधरी, देशभक्त जनगणतान्त्रिक मोर्चा नेपालबाट शंकरबहादुर पौडेल, संघीय खम्बुवान लोकतान्त्रिक पार्टी नेपालबाट राजकुमार राई, एकिकृत राप्रपा राष्ट्रबादीबाट नारायणबहादुर थापा, राष्ट्रिय जनमोर्चाबाट गंगध्वज कार्की, राप्रपाबाट श्यामकुमार तामाङ, नेकपा माक्सबादीबाट रामकुमार थापा, राप्रपा प्रजातान्त्रिकबाट बिरेन्द्रकुमार अधिकारी, नयाँ शक्ति पार्टी नेपालबाट राजनकुमार दनुवार र राजपा नेपालबाट सूर्यनारायण साह तेलीको मनोनयन दर्ता भएको छ । स्वतन्त्र उम्मेदवार दर्ता गराउनेहरुमा मिनबहादुर ज्यू ठकुरी र जीवनकुमार कार्की रहेका छन् । ठकुरी र कार्की दुबै नेकपा माओवादी केन्द्रका जिल्ला नेता हुन् ।</p><p>त्यसैगरी प्रदेश नं. २ अन्तर्गत प्रदेशसभा क्षेत्र नं. १ मा दुई स्वतन्त्रसहित ८ जनाको उम्मेदवारी परेको छ । नेपाली कांग्रेसको तर्फबाट भेषबहादुर थापामगर, बाम गठबन्धनको तर्फबाट नेकपा माओवादी केन्द्रकी भेषकुमारी राउतको उम्मेदवारी दर्ता भएको छ । त्यस्तै अन्य दलहरु राप्रपाबाट सुवासराज शाही ठकुरी, नयाँ शक्ति पार्टी नेपालबाट अरुणकुमार राई, राप्रपा प्रजातान्त्रिकबाट विष्णुबहादुर बस्नेत र संघीय समाजवादी फोरमबाट शिवहाङ राई रहेका छन् । स्वतन्त्रमा नारायण बहादुर मगर र हुमबहादुर दाहालको उम्मेदवारी परेको छ । मगर नेकपा माओवादी केन्द्रका जिल्ला सहइन्चार्ज हुन भने दाहाल नेकपा एमाले उदयपुरका जिल्ला नेता हुन् ।&nbsp;</p><p>प्रदेश नं. २ अन्तर्गत प्रदेशसभा क्षेत्र नं. २ मा ७ जनाको उम्मेदवारी परेको छ । जसमा नेपाली कांग्रेसको तर्फबाट रामकुमार खत्री, बाम गठबन्धनको तर्फबाट नेकपा एमालेकी कला घले, नेमकिपाबाट चन्द्रबहादुर कार्की, राप्रपाबाट सुरेन्द्रकुमार थापा, राप्रपा (प्रजातान्त्रिक) बाट माला तामाङ, संघीय समाजवादी फोरमबाट यसकुमार राई र नयाशक्ति पार्टीबाट ओषण घिमिरेको उम्मेदवारी दर्ता भएको छ ।</p><p>मुख्य निर्वाचन अधिकृत शर्माले मनोनयन दर्ता कार्यक्रम शान्ति र सौहाद्रपूर्ण वातावरणमा सम्पन्न भएको बताए । राजनीतिक दलहरुले समयतालिका अनुरुप उपस्थिति जनाइदिनुका साथै जुलुसमा सहभागि कार्यकर्तालाई बाहिरै व्यवस्थित गरेकाले र कर्मचारीहरुको सक्रिय खटाइका कारण सहजढंगले मनोनयन दर्ता कार्यक्रम सम्पन्न भएको उनले बताए &nbsp;।&nbsp;</p><p>कांग्रेस, एमाले, माओवादी केन्द्रले र्यालीसहित उम्मेदवारी दर्ता गराएका थिए । उत्साहपूर्वक कार्यकर्ताको सहभागिता रहेको र्यालीले गाईघाट बजार परिक्रमा गरी आँखा हस्पिटल, जिल्ला हस्पिटल चौक, जिल्ला प्रहरी कार्यालय अगाडी हुदै जिल्ला समन्वय समिति उदयपुरमा रहेको मूख्य निर्वाचन अधिकृतको कार्यालय र निर्वाचन अधिकृतको कार्यालयमा पुगेर उम्मेदवारी दर्ता गराएका थिए ।&nbsp;</p>