<p><span style="line-height: 1.42857143;">काठमाडौं, २९ जेठ । अर्थमन्त्री विष्णु प्रसाद पौडेलले बजेट कार्यान्वयनमा कुनै शंका उपशंका नगर्न सबैलाई आग्रह गरेका छन् । &nbsp;शनिबार रिपोर्टर्स क्लब नेपालले आयोजना गरेको साक्षात्कारमा मन्त्री पौडेलले संसदमा प्रस्तुत बजेटवारे आफू पूर्णरुपमा जवाफदेही रहेको उल्लेख गर्दै यसको आधार, कार्यान्वयन र स्रोतको बारेमा युक्तिसंगत जवाफ रहेकोले कार्यान्वयनवारे कसैलाई शंका नगर्न अनुरोध गरेका छन् ।&nbsp;</span><span style="line-height: 1.42857143;">उनले भने,‘‘हिजोको राजनीतिक अभ्यासमा अभ्यस्तहरुले यसको कार्यान्वयनमा शंका गर्नु स्वभाविक हो, तर यो बजेट कार्यान्वयन हुन्छ, यो कसैलाई देखाउनका लागि ल्याईएको होईन् ।’’ बजेट पेश भएसँगै आपूm यसको सफल एवम् पूर्ण कार्यान्व्यनमा लागिपरिरहेको उल्लेख गर्दै छिट्टै संसदमा बजेट कार्यान्वयनवारे प्याकेजमै नयाँ प्रस्ताव पेश गर्ने मन्त्री पौडलले जानकारी दिए । उनले भने,‘संविधानले देखाएको मुलुककको आर्थिक विकासको लक्ष्य अनुसार नै मैले बजेट प्रस्तुत गरेको हुँ, बजारमा बजेट कार्यान्वय हुँदैन भन्ने हल्ला फैलाईएको छ, त्यो पूरातन सोच हो, र त्यो हल्लाको पछि नलागी बजेट कार्यान्यवनमा सम्बन्धित सबै लाग्न अपिल गर्दछु ।’</span></p><p>क्लबका सभापति ऋषि धमलाको सभापतित्वमा आयोजित साक्षात्कारमा मन्त्री पौडेलले संविधान जारी भएपछि मुलुक समाजवादतर्फ अघि बढेको उल्लेख गर्दै सोही अनुरुपको बजेट आफूले प्रस्तुत गरेको स्पष्ट पारे । उनले भने,‘समाजवाद हाम्रो गन्तव्य हो अनि सामाजिक न्यायको सिद्धान्त हाम्रो ध्येय हो, त्यही सिद्धान्तअनुसार बजेट ल्याईएको छ ।’&nbsp;<span style="line-height: 1.42857143;">मुलुकको आर्थिक वृद्धिदर ०.७७ प्रतिशतमा खुम्चिनु नियती नभएको उनको दाबी थियो । उनले थपे,‘यो टार्ने नसक्ने अवस्थाको पनि होईन, हामी यो वर्ष महाभूकम्प र नाकाबन्दीको मारमा प¥यौं, यो त्यसैको उपज हो ।’</span></p><p>अघिल्लो बजेटमा ६.५ प्रतिशत आर्थिक वृद्धिदर हुने उद्देश्यले आफूले यसपटक बजेट प्रस्तुत गरेको भन्दै उक्त लक्ष्य पूरा भएर छाड्ने मन्त्री पौडेलको दाबी छ । &nbsp;<span style="line-height: 1.42857143;">बजेटको आकार ठूलो भयो भन्ने कुरामा कुनै दम नभएको उनले स्पष्ट पारे । बजेटको साईजका बारेमा मात्रै नभएर यसको स्रोत परिचालनवारे समेत नकरात्मक टिप्पणी बजारमा भैरहेकोप्रति संकेत गर्दै उनले भने,‘यो चर्चामा खास दम छैन, यो सस्तो टिप्पणी हो ।’ अघिल्लो आर्थिक वर्षको तुलनामा बजेटको साईज बढ्नुमा खासै ठूलो अंकको फरक नपर्ने मन्त्री पौडेलले दाबी गरे ।&nbsp;</span></p><p>‘०७१÷७२ को तुलनामा ०७२÷७३ मा ३२.५ प्रतिशतले अन्तर थियो तर ०७२÷७३ को तुलनामा यसपटकको बजेटको साईज २८ प्रतिशतले ठूलो छ, अब भन्नुहोस्, टिप्पणीकारहरुले कसरी यसलाई ठूलो आकारको भनेर टिप्पणी गरिरहनुभएको छ, उनले थपे । &nbsp;<span style="line-height: 1.42857143;">सपना नदेख्नेले केही गर्न नसक्ने दाबी गर्दै उनले भने,‘सुत्नेहरुलाई उठाउने खालको सपना देख्नुपर्छ, तर निदाएको वेला देख्ने सपना चाहीँ देख्नुहुँदैन्, जीवनयोगी यात्रामा फलदायी हुने सपना यो बजेटले देखाएको छ ।’ उनले बजेटलाई ठूलो आकार भयो भनेर ट्याग झूण्ड्याउनुभन्दापनि उच्च आकांक्षी भनेर विशेष दिए आफूलाई कुनै आपत्ति नहुने बताए ।&nbsp;</span></p><p>बजेट वितरणमुखी भएको भनेर आरोप लगाईएको छ नि भन्ने सञ्चारकर्मीहरुको जिज्ञासामा मन्त्री पौडेलले आरोपमा सत्यता नभएको प्रस्ट्याए । उनले भने,‘हिमाल, तराई, पहाडमा बस्ने सम्पूर्ण नेपालीहरुले यो बजेटको स्वागत गरिरहेका छन्, तर केही व्यक्तिले वितरणमुखी भयो भनेर प्रचार गर्दैछन्, म तीनीहरुलाई जनतालाई गएर यसवारेमा भन्न आग्रह गर्दछु ।’</p><p>सामाजिक सूरक्षा भत्ता दोव्बर वृद्धि गरेकोवारे चित्त नबुझेको भए जनतामा गएर यो सरकारले ठिक गरेन भनेर प्रश्न गर्न सक्नुपर्ने उनको भनाई थियो । उनले थपे,‘यो त मोटो आरोप मात्रै हो, भन्न सक्नेले किटान गरेर भन्नुपर्यो के के मा यो बजेटले वितरण गरेको छ भनेर ।’ गाविस, नगर विकासलाई बजेट दोब्बर पार्नु के नराम्रो कुरा हो र उनले प्रश्न गरे ।&nbsp;</p><p>संविधानले निर्दिष्ट गरेको प्रावधान अनुसार संघीय संरचनाको विकास भएकाले केन्द्र, तह र स्थानीय तह यसमा पनि गाविस र नगरविकासलाई विशेष रुपमा आफूले बजेट विनियोजन गरेको उल्लेख गर्दै पौडेलले भने,‘ यसको विरोध गर्नु भनेको विकासको विरोध गर्नु हो, गाउँको विकास गर्नु गलत हो ? यदि त्यसो हो भने सार्वजनिक रुपमा भन्नु पर्यो नि ।’ यसवारेमा टिप्पण गर्नु भनेको संविधानको भावना विपरित हुने उनको तर्क छ ।&nbsp;</p><p>बजेटले वित्तिय अराजकता उत्पन्न गरायो भन्ने आरोपमा समेत कुनै दम नभएको उनले स्पष्ट पारे । उनले चालु आर्थिक वर्षमा ४७५ अर्वको राजश्व संकलनको लक्ष्य ६ महिना नाकाबन्दी र भुकम्पको मारमा पर्दापनि पूरा भएको दृष्टान्त पेश गर्दै यसपटकको ५६५ अर्वको राजश्वको लक्ष्य समेत पूरा भएर छाड्ने उनको दाबी थियो । वैदेशिक ऋण र अनुदानवारे पहिला नै प्रतिबद्धता आईसकेकोले त्यसवारेमा आशंका गर्न नहुने उनको जिकिर थियो । उनले आन्तरिक ऋण नेपालको अर्थतन्त्रको लागि पूरानै अभ्यास भएकाले यसपटक पनि सोही अनुसारको अपेक्षा लिएकाले चालु आर्थिक वर्षको बजेटले कुनैपनि किसिमको आर्थिक अराजकता उत्पन्न नहुने उनले ठोकुवा गरे ।&nbsp;</p><p>कृषिमा आधारित अर्थतन्त्र भएकाले यसपटकको बजेटमा तरकारी, पशुपन्छीमा आत्मनिर्भर हुने मौलिक कार्यक्रम ल्याएको उनले जनाए ।&nbsp;</p><p>बजेटले भूकम्पपछिको पूर्ननिर्माणमा विशेष योजना अघि सारेको, संविधानको सफल कार्यान्वयनको लागि आवश्यक कामकारवाही अघि बढाउन संघ, प्रदेश र केन्द्रको निर्वाचनको लागि यथेष्ट कार्यक्रम अघि सारेको, पूर्वाधारका रणनीतिक योजनामा विशेष ध्यान दिईएको, लोडसेडिङ्को अन्त्यको गर्ने र उर्जा उत्पादनका कार्यक्रमलाई प्राथमिकता दिईएको, सडक विस्तार, हुलाकी राजमार्ग, पूर्व–पश्चिम राजमार्ग, मध्यपहाडी राजमार्ग, रेल र हवाईको वारेमा विशेष कार्यक्रम ल्याईउनुजस्ता यो बजेटको महत्व रहेको उनको भनाई थियो ।&nbsp;</p><p>महत्वकांक्षी बजेटका कारण बजार महँगी भएको छ नि भन्ने पत्रकारको जिज्ञासामा मन्त्री पौडलले भने,‘यो मिथ्या हो, बजेट पारित भएकै छैन कसरी महँगी बढ्छ ?’ यद्धपी महँगी नियन्त्रण गर्ने जिम्मेवारी सरकारको भएकोले यसबाट आफू नपन्छिने स्पष्ट पारे । मुद्रास्मृति ७.५ प्रतिशतभन्दा माथि जान नदिनेसमेत उनको भनाई थियो ।</p><p>वास्तविक भूकम्पपीडितहरुको नाम नछुटोस् भनेर नै सरकारले पूनः बेनिफिसिएरी डाटाको काम थालेको बताउँदै उनले भने,‘वास्तविक पीडितहरु छुट्दैनन्, कसैको नाम दोहोरिन दिँदैनौं ।’&nbsp;</p><p>एनसेलसँग लिनुपर्ने बाँकी लाभांश कर सरकारले जसरी पनि उठाउने मन्त्री पौडेलले प्रतिबद्धता व्यक्त गरे । उनले एनसेलमात्रै नभएर जुन कुनै कम्पनीसँग लिनुपर्ने कर सरकारले लिएरै छाड्ने उद्धघोष गरे । उनले भने,‘एनसेलसँग हामी बाँकी लिनुपर्ने लाभकर वापतको पैसा उठाएरै छाड्छौं ।’</p><p>फरक प्रसंगमा मन्त्री पौडेलले सरकार आगामी ०७४ माघ ७ गते संसदको अर्को निर्वाचन सम्पन्न गराएर मात्रै विदा हुने ठोकुवा गरे । उनले भने,‘यो सरकार तीन वटै निकाय संघ, प्रदेश र संसदको चुनाव सम्पन्न गराएर विदा हुन्छ ।’</p><p><br></p><p><br></p><p><br></p><p><br></p><p><br></p><p><br></p>