<p><span style="line-height: 1.42857143;">काठमाडौँ,असार ४ । मदन भण्डारी स्मृति प्रथम नगरकप फुटबल प्रतियोगितामा चन्द्रागीरी नगरपालिका सेमिफाइनलमा प्रवेश गरेको छ । जननेता मदन भण्डारीको ६४औँ जन्म जयन्तीको अवसरमा बुढानिलकण्ठ स्कुलको खेल मैदानमा भएको खेलमा चन्द्रागीरी नगरपालिकाले बुढानिलकण्ठ नगरपालिकालाई ३–० ले हरायो । चन्द्रागीरीको जितमा पले खड्का,राजन श्रेष्ठ र समिर कार्कीले गोल गरे ।</span><br></p><p><br></p><p>खेलको पहिलो हाफमा गोल रहित बराबरीमा टुंगीएको थियो । तर दोस्रो हाफमा भने चन्द्रागीरीले आक्रमक खेल प्रस्तुत गर्दै गोल गर्न सफल भयो । खेल ५७औँ मिनेटमा पले खड्काले गोल गर्दै टोलीलाई अग्रता दिलाए । खेलको ७७औँ मिनेटमा चन्द्रागीरीले अर्को गोल थप्यो । उसका लागि राजन श्रेष्ठले गोल गर्दै चन्द्रागीरीको अग्रता दोब्बर पारे । त्यसको एक मिनेटमै चन्द्रागीरीले तेस्रो गोल ग¥यो । समिर कार्कीले गोल गरेपछि चन्द्रागीरी खेलमा ३–० ले अगाडी रह्यो । उक्त गोलसँगै चन्द्रागीरीले जित लगभग सुनिश्चत गरेको थियो । त्यसपछिको बाकी समयमा थप गोल हुन नसकेपछि चन्द्रागीरी अन्तीम चारमा पुग्न सफल भयो ।</p><p><br></p><p>मदन भण्डारी स्पोट्र्स एकेडेमीको तत्ववाधन र बुढानिलकण्ठ नगर कमिटीको आयोजनामा भएको प्रथम मदन भण्डारी अन्तर नगर कप फुटबल प्रतियोगिताको उद्घाटन प्रमुख अतिथी एवम् मदन भण्डारी फाउण्डेशनका अध्यक्ष उषा किरण भण्डारी,एकेडेमीका अध्यक्ष सभासद विनोद श्रेष्ठ र बुढानिलकण्ठ नगर कमिटीका अध्यक्ष विकास तामाङले गरे । शनिबारदेखि शुरु प्रतियोगिता आगामी १२ असार सम्म सञ्चालन हुनेछन् । कुल आठ टिमको सहभागीता रहेको प्रतियोगितामा नगरपालिकका दुई टिमले सहभागीता जनाउन पाउन प्रावधान छ । दुई समुहमा विभाजन गरीएको प्रतियोगीताको एक समुहमा चार टिम छन् ।</p><p><br></p><p>&nbsp;प्रतियोगिताको विजेताले &nbsp;१ लाख तथा उपविजेताले ५० हजार नगद शहित ट्रफि प्राप्त गर्नेछन् । त्यस्तै विधागत उत्कृष्टलाई पनि पुरस्कृत गरीने आयोजकले जनाएको छ । बेस्ट प्लेयर,आई स्कोरर,बेस्ट गोलरक्षक र बेस्ट डिफेन्डर नगद पाँच हजार र ट्रफिद्धारा पुरस्कृत गरीनेछ । प्रतियोगिताका लागि बुढानिलकण्ठ नगरपालिको पनि सहयोग रहेको छ । नेपाली खेलकुदको विकासका लागि स्पोट्र्स एकेडेमिले प्रत्येक महिना देशका विभिन्न क्षेत्रमा प्रतियोगिता आयोजना गर्दै आइरहेको जनाए ।</p>

<p><span style="line-height: 1.42857143;">काठमाडौं, असार ४ । &nbsp;ओलम्पिक डेको अवसरमा आयोजित दौड प्रतियोगिताको ब्वाइजमा एम्सका किरिश श्रेष्ठ तथा गल्र्समा स्प्रिङ्डेलकी त्रिपना तामाङ शनिबार पहिलो भएका छन् । स्पोर्ट्स फर अल कमिसन तथा नेपाल एथलेटिक्स संघद्वारा संयुक्त आयोजित प्रतियोगिताको ब्वाइजमा अनमोल ज्योतिका सविन मगर दोश्रो तथा एम्सका चूडा मगर तेश्रो भए ।</span><br></p><p><br></p><p>त्रिपुरेश्वरस्थित दशरथ रंगशालामा भएको प्रतियोगिताको गल्र्समा सिङगेरीकी उपहार राई दोश्रो तथा अरुणिमाकी समिका रन्जितकार तेश्रो भए । विजेतालाई नेपाल ओलम्पिक कमिटीका अध्यक्ष जीवनराम श्रेष्ठले एक कार्यक्रमबीच पुरस्कृत गरे । प्रतियोगितामा १ सय २ ब्वाइजले १ हजार ६ सय मिटर दूरीमा प्रतिस्पर्धा गरेका थिए । त्यस्तै ७२ गल्र्सले ८ सय मिटर दूरीमा भाग लिएका थिए ।</p>

<p><span style="line-height: 1.42857143;">काठमाडौं,असार ४ । द व्रिटिष स्कुलकी रेहा प्रधान र जोन डेवीका नासिर याहया हुसेन “दोश्रो किड्स ट्राईयाथलन च्याम्पियनसिपमा” शनिबार स्वर्ण प्राप्त गर्न सफल भएका छन् ।</span><br></p><p>स्विम, वाईक, रन भन्ने मुल नाराका साथ सातदोवाटोस्थित पौडी परिसरमा भएको च्याम्पियनसिपमा छात्रा तर्फ ५० मिटर पौडी, १६ सय मिटर साईक्लिङ्ग र ८०० मिटर दौड रेहाले ११.२७ मिनटमा पुरा गर्दै स्वर्ण प्राप्त गर्न सफल भएकी हुन् । १२.०३ मिनटका साथ जोन डेवीकी डुवाना लमाले रजत र १३.३० मिनटका साथ युलेन्सकी तुसिता शाक्यले कास्य पदक प्राप्त गरे ।</p><p>नेपाल ट्राईयाथलन संघको आयोजनामा भएको च्याम्पियनसिपमा छात्र तर्फ उक्त दूरी पुरा गर्न नासिरलाई १०.५१ मिनटको समय लागेको थियो । युलेनसका जेनिस महर्जन ११.०२ मिनटका साथ दोश्रो र एभिएमका ओसिश राई ११.०७ मिनटका साथ तेश्रो स्थानमा रहे ।</p><p>स्कुल स्तरदेखिनै खेलाडी उत्पादन गर्ने उद्धेश्यले आयोजना गरिएको च्याम्पियनसिपमा ७० खेलाडीहरुको सहभागिता रहेको थियो । ओलम्पिक डेको अवसर पारेर आयोजना गरिएको च्याम्पियनसिपका विजयी खेलाडीहरुलाई नेपाल ट्राईयाथलन संघका अध्यक्ष माननिय आपूर्ति मन्त्री गणेशमान पुन र राष्ट्रिय खेलकुद परिषदका उपाध्यक्ष एवं नेपाल ओलम्पिक कमिटिका महासचिव लामा टेन्डि शेर्पाले मेडल र प्रमाण पत्र प्रदान गरेका थिए ।</p><p><br></p>

<p><span style="line-height: 1.42857143;">एजेन्सी,असार ४ । &nbsp;युरो २०१६ अन्तर्गत आज बेलुका हुने दोस्रो खेलमा &nbsp;आइसल्याण्ड र हंगेरी &nbsp;खेल जित्दै दोस्रो चरण प्रवेश गर्ने दाउमा मैदान उत्रदैछन् । &nbsp;बेल्जियमसमूह चरणको पहिलो खेलमा पोर्चुगल जस्तो टीमलाई बराबरीमा रोकेको आइसल्याण्ड र अष्ट्रियालाई पराजित गरेको हंगेरी दोस्रो खेलमा पनि त्यही प्रदर्शनलाई दोहोर्‍याउने तयारीमा छन्। आइसल्याण्डले खेल जिते अन्तिम १६ मा प्रवेश गर्ने करिब पक्का हुनेछ भने हंगेरीले जिते एक खेल अगावै अन्तिम १६ मा स्थान बनाउनेछ।&nbsp;</span><span style="line-height: 1.42857143;">यी दुईबीच अहिलेसम्म भएका १० खेलमा हंगेरी ७ मा विजयी भएको छ भने बाँकी ३ खेल आइसल्याण्डले जितेको छ। पछिल्लो पटक सन् २०११ मा बुढापेस्टमा भएको मैत्रीपूर्ण खेलमा हंगेरीले आइसल्याण्डलाई ४–० ले पराजित गरेको थियो।</span></p><p>&nbsp;</p>