अयोग्यको बिल्ला भिराईएकी मिरा बनिन् २०१७ को सासही बर्ष व्यक्ति

<p>एजेन्सी ।<br>नेपाली अल्ट्रा धाविका मीरा राईले ‘एड्भन्चर अफ दी इयर २०१७’ अर्थात ‘साहसी वर्ष व्यक्ति २०१७’ को उपाधि जितेकी छन् ।<br><br>नेशनल जियोग्राफी टेलिभिजन च्यानलले आयोजना गरेको विश्वभरका साहसिक ब्यक्तिको उपाधि धाविका राईले जितेकी हुन् ।<br><br>विश्वका १० असाधारण साहसिक सफलता प्राप्त गर्नेको सूचीबाट मिरा अनलाईन मतदानका आधारमा शीर्ष स्थानमा परेको नेशनल जियोग्राफिले जनाएको छ ।<br><br>‘मीरा कुनै समय चामलको बोरा बोकेर नेपालको पहाडतिर हिँडिरहकी हुन्थिन’ नेशनल जियोग्राफिले भनेको छ, ‘तर उनी एकपछि अर्को प्रतिष्ठित अन्तर्राष्ट्रिय पुरस्कार जित्दै विश्वभरका महिलाका लागि आज प्रेरणाको स्रोत बनेकी छिन् ।’<br><br>जियोग्राफिकले १२ बर्षदेखि यो अवार्ड दिँदै आएको छ । साहसिक खेल, अन्वेषण, संरक्षण र मानवीय क्षेत्रलगायतमा काम गर्नेलाई अवार्ड दिइदै आएको बताईएको छ ।<br><br>अवार्डका लागि नेशनल जियोग्राफिकले मनोनयन गर्ने गर्छ । उत्कृष्ट दशपछि अनलाइन मतदान समेतका आधारमा बर्ष व्यक्तिको घोषणा हुनेगर्छ ।<br><br>भोजपुरमा जन्मिएकी २७ वर्षीया राई तत्कालीन नेकपा माओवादीकी लडाकु समेत हुन् । सेना समायोजनमा आयोग्य घोषित बनेपछि उनले अल्ट्रा धाविकाको रुपमा आफुलाई परिचित गराएकी थिइन ।<br><br>मीराले गत वर्ष फ्रान्समा भएको ८० किलोमिटरको विश्व मोन्ट ब्लंक म्याराथनमा पहिलो भएकी थिइन् भने गएको वर्ष हङकङमा भएको आइल्याण्ड ट्रेल रेसको उपाधि समेत जितेकी थिइन् ।<br><br></p>