अमेरिकामा कारको ठक्करबाट फेरी एक नेपाली महिलाको मृत्यु

<p>क्यालिफोर्नीया ।<br>अमेरिकामा यो साता सवारी दूर्घटनामा परी मृत्यु हुने नेपालीको संख्या अपत्यारिलो ढंगले बृद्धी भएको छ ।<br><br>दुई किशोरीको सवारी दूघटनामा मृत्यु भएको घटना सेलाउन नपाउँदै अमेरिकाको क्यालिफोर्निया राज्यको सान् डियगोमा एक नेपाली महिलाको कार दुर्घटनामा परी मृत्यु भएको छ ।<br><br>समाचार अनुसार शनिबार डिसेम्बर १७ को राती ११ बजेर ४५ मिनेटमा नेपाली महिला३८ बर्षीय सरिता शाक्यको मृत्यु भएको हो ।<br><br>त्यहाँका फाक्स न्यूज सान् डियगो डट कम, प्याच डटकम लगायतले प्रहरीलाई उदृत गरि लेखे अनुसार मृतक शाक्य स्वस्थ्य परिचारिका पेशामा संलग्न थिइन् ।<br><br>दिउँसोको समयमा छोरीसंग समय दिने र राति काम गर्न रुचाउने उनी सो रात पनि छोरीलाई घरमा छोडेर गएकी सीबीएस ८ को समाचारमा उनका छिमेकीले भनेको कुरा समेटेर लेखिएको छ ।<br><br>समाचार अनुसार मादक पर्दाथ सेवन गरेका चालकले गलत मार्गमा बिपरीत दिशामा कार कुदाउँदा सो दुर्घटना भएको हो ।<br><br>मादक पदार्थ खाएकी ३४ बर्षीय महिलाले चराएको सो कारले ४ एस ऱ्यांच क्षेत्रको बाटोमा ठक्कर दिएकी थिइन ।<br><br>प्रहरी अधिकृतका अनुसार दसर्घटना गराउने ती महिलाको नाम अझै सार्बजनिक गरिएको छैन ।</p><p>उनले राति ११ बजेर ४५ मिनटमा गलत मार्गतर्फ आफ्नो गाडी चलाउँदा मृतक शाक्यले चलाई रहको टोयोटा कोरोला कारलाई ठक्कर दिएकी थिइन । त्यसपछि मृतक शाक्यले चलाइरहेको गाड़ीमा आगो लागेको थियो । शाक्यको चार बर्षकी छोरी रहेकी छिन् ।<br><br>मादक पदार्थ खाएर गाडी चलाउने महिलालाई पक्राउ गरिएको प्रहरीले बताएको छ ।<br><br></p>