साझाको नयाँ रुट तय, यी रुटमा गुड्ने छन् अब

<p><span style="line-height: 1.42857143;">काठमाडौं,कात्तिक २९ । साझा यातायातले ल्याएको नयाँ अपाङ्गमैत्री बसहरुले रुटपरमिट पाएको छ । काठमाडौं भित्रिएरपनि रुट परमिट नपाउदा थन्किएर बसेको बस चलाउने रुटहरु तय भएको हो । तोकिएको रुटमा पनि एउटा नयाँ रुट छ भने अन्य भने पुरानो रुट विस्तार गरेर ४ वटा रुट तोकिएको हो । साझा यातायातले कात्तिक २४ गते रुट परमिटको लागि यातायात व्यवस्था विभाग बागमति अञ्चल कार्यालयमा रुट परमिटको लागि निवेदन दिएको थियो।</span><br></p><p><span style="line-height: 1.42857143;">तोकिएको रुटहर यसप्रकारका छन् ।</span><br></p><p>रुट नम्बर १: लगनखेबाट जाउलाखेल-कुपण्डोल-त्रिपुरश्वर-नेपाल बायुसेवा निगम (एनएसी)-जमल-लैनचौर-लाजिम्पाट-पानीपोखरी-टिचिङ-नारायणगोपालचोक-बसुन्धरा-सामाखुसी-नयाँबसपार्कसम्म बस चल्नेछ। यो रुटबाट गएका बस फेरि सोही रुटबाट फर्किनेछन् । यो रुटमा १० वटा बस चल्नेछन् ।</p><p><br></p><p>रुट नम्बर २: एयरपोर्टभित्रबाट तिलगंगा-गौशाला-रातोपुल-जैनभवन-डिल्लीबजार-चारखाल-बागबजार- पुरानो बसपार्क- सहीदगेट- एनएसी-न्युरोडगेट-जमल-लैनचौर- ठमेल- सोह्रखुट्टे-नयाँ बजार-बनस्थली-बालाजुचोक-बाइपास-नयाँबसपार्कसम्म बस चल्नेछन् । यो रुटबाट गएका बस पनिसोही रुटबाट फर्किनेछन् । यो रुटमा साझाका १० वटा बस चल्नेछन् ।</p><p><span style="line-height: 1.42857143;">रुट नम्बर ३ : &nbsp;यो पूर्ण रुपमा नयाँ रुट हो । कोटेश्वरबाट तीनकुने-मिनभवन-नयाँबानेश्वर-बबरमहल-माइतिघर-सिंहदरबार-सहीदगेट-त्रिपुरेश्वर-टेकु-कालीमाटी-सोल्टीमोड-रवीभवन-कलंकी-सीतापाइला- स्वयम्भुसम्म साझाले बस चलाउँदैछ । यो रुटबाट गएका बस फेरि सोही रुटबाट फर्किनेछन् । यसमा पनि १० वटै बस चल्नेछन् ।</span><br></p><p><br></p><p>रुट नम्बर ४: &nbsp;यो रुटको बस ग्वार्कोबाट छुट्नेछ । बीएण्डबी हस्पीटल-सातदोबाटो-पाटन औद्योगिक क्षेत्र- लगनखेल-जाउलाखेल-कुपण्डोल-त्रिपुरश्वर-नेपाल बायुसेवा निगम (एनएसी)-जमल-लैनचौर-लाजिम्पाट-पानीपोखरी-टिचिङ-नारायणगोपालचोक-गंगालाल हस्पीटल-न्युरो हस्पीटल-गोल्पुटार-हात्तिगौंडा-चपली हुँदै नारायणथानसम्म्म साझा बस सञ्चालन हुनेछ । यो रुटबाट गएका बस पनि सोही रुटबाट फर्किनेछन् । यो रुटमा ८ वटा बस चल्नेछन् ।</p><p><span style="line-height: 1.42857143;">साझाले अब काठमाडौंमा ३८ वटा बस चलाउने छ । साझाका ८ वटा बसले गोरखा, बाग्लुङ, भैरहवा र वीरगञ्जमा चलाइरहेको छ ।&nbsp;</span><span style="line-height: 1.42857143;">।साझासँग हाल नयाँ ३० समेत गरी ४६ वटा बस छन् । अबको केही दिनभित्रै उपत्यकामा साझाका ३८ वटाले सेवा दिनेछन् । बाँकी आठवटाले उपत्यका बाहिरका चार गन्तव्यमा नियमित जस्तै सेवा दिनेछन् ।</span><br></p><p>थप दश वटा डिलक्स बस सञ्चालन गरिँदै</p><p><span style="line-height: 1.42857143;">साझा यातायातले आफ्नो सेवा विस्तार गरी गुणस्तरीय सेवा दिन लामो दूरीमा थप १० वटा डिलक्स बस सञ्चालन गर्ने तयारी गरेको छ । त्यस्तै उपत्यकामा एक ‘सेमी डिलक्स’ नमुनाका रुपमा सञ्चालन गरिँदै छ । साझाले आफ्नै स्रोतबाट डिलक्स बस खरिद प्रक्रिया अघि बढाएको कार्यकारी अधिकृत पाण्डेले जानकारी दिनुभयो ।</span><br></p>