भियतनामी राजदूतले प्रधानमन्त्रीलाई भेटे

<p>८ कार्तिक, काठमाडौं ।<br>प्रधानमन्त्री पुष्पकमल दाहाल प्रचण्डसँग नेपालका लागि भियतनामी राजदूत टोनसिङ थान्हले शिष्टाचार भेट गर्नुभएको छ ।</p><p>सोमबार प्रधानमन्त्री निवास बालुवाटारमा भएको भेटमा नेपाल र भियतनामबीचको आपसी सम्बन्ध र द्वीपक्षीय हितका विषयमा कुराकानी भएको थियो ।</p><p>भेटमा प्रधानमन्त्रीले नेपाल र भियतनामबीच लामो र मैत्रीपूर्ण सम्बन्ध रहेको बताउनुभयो । प्रधानमन्त्रीले पछिल्लो समय नेपाल र भियतनामबीचको सम्बन्धमा निकटता बढेकोमा खुसी व्यक्त गर्नुभयो ।</p><p>भेटमा भियतनामी राजदूत थान्हले नेपाल र भियतनामबीच उच्चस्तरीय राजनीतिक भेटघाट गरेर दुई देशबीचको सम्बन्ध थप सुदृढ पार्नुपर्नेमा जोड दिनुभयो ।<br><br><br></p>