हतियारधारीको आक्रमणमा सहायक बन अधिकृत सहित ५ घाइते

<p>७ कार्तिक, धनगढी ।<br>कैलालीको पहलमानपुर गाविस स्थित पचमुडिया इलाका वन कार्यालयमा हतियारधारी समूहले आक्रमण गर्दा सहायक बन अधिकृत सहित ५ जना घाइते भएका छन् ।</p><p>आठ जनाको हतियारधारी समूहले गएराती साढे ११ बजेतिर कार्यालय तोडफोड गर्दै कर्मचारीमाथी अन्धाधुन्ध आक्रमण गरेको बन कार्यालयले जनाएको छ ।</p><p>कैलालीका सहायक बन अधिकृत पूर्णशंकर यादवले हतियारी समूहको आक्रमणबाट सहायक बन अधिकृत दिलिप यादव, रेन्जर भुवन बिक सहित ५ जना घाइते भएको बताउनुभयो ।</p><p>गम्भिर घाइते नारायण झालाई थप उपचारका लागि धनगढी ल्याइएको र अन्यको स्थानीय स्वास्थ्य केन्द्रमा उपचार भइरहेको उहाले जानकारी दिनुभयो ।</p><p>कैलालीका प्रमुख जिल्ला अधिकारी गोबिन्द रिजालले घटनाबारे जानकारी पाउने बित्तिकै आक्रमणकारीको खोजीका लागि भजनी, पहलमानपुर, हसुलियाबाट सुरक्षाक्रर्मी परिचालन गरिएको बताउनुभयो । <br></p>