भारतीय राष्ट्रपतिको भ्रमणमा किन आउँदैछ ४ सय सेना

<p>५ कार्तिक, काठमाडौं ।<br>भारतीय राष्ट्रपति प्रणव मुखर्जीको आसन्न नेपाल भ्रमणको तयारीबारे बिहीबार नेपाल र भारतका अधिकारीबीच छलफल भएको छ ।<br><br>भ्रमणको तयारीलाई दुवै देशका तर्फबाट अन्तिम रूप दिनका लागि नेपाल आएको भारतीय टोली र परराष्ट्र मन्त्रालयका अधिकारीबीच छलफल भएको हो ।<br><br>परराष्ट्रका एक अधिकारीका अनुसार शिष्टाचार महापालको नेतृत्वमा आएको भारतीय टोलीले नेपालका समकक्षीको टोलीसँग भ्रमण तयारीबारे जानकारी लिएका थिए । <br><br>‘कुनै पनि देशको विशिष्ट व्यक्तिको भ्रमण अघि गरिने यो सामान्य औचारिक प्रक्रिया हो’, परराष्ट्रका एक अधिकारीले भने, ‘उहाँहरूलाई हामीले भ्रमणबारे भइरहेको तयारीको जानकारी गरायौँ । ’ ती अधिकारीका अनुसार टोलीले राष्ट्रपतिले भ्रमण गर्ने भनिएको पोखरा, जनकपुरलगायत स्थानको अवलोकन भ्रमण गर्नेछन् ।<br><br>परराष्ट्र मन्त्रालयनिकट स्रोतका अनुसार भारतीय पक्षबाट राष्ट्रपतिको भ्रमणका लागि करिब चार सयको सङ्ख्यामा भारतीय कमान्डो टोली पनि आउने छन् । ‘<br><br>सुरक्षा खतरा वा त्यस्तो कुनै विशेष परिस्थिति भनेर होइन कि प्रोटोकलको कारणले हो,’ परराष्ट्रका ती अधिकारीले भने, ‘एक वर्षअघि भारतीय प्रधानमन्त्री नरेन्द्र मोदीको भ्रमणको बेला पनि करिब दुई सयको सङ्ख्यामा कमान्डो टोली खटिएको थियो । ’<br><br>दुई दिनसम्म रहने करिब दर्जन अधिकारीको टोलीसँगको छलफलपछि भारतीय राष्ट्रपति प्रणव मुखर्जीको भ्रमणको अन्तिम तालिका सार्वजनिक गरिने गोरखापत्रमा समाचार छ ।<br><br>मुखर्जी भाइटीकाको भोलिपल्ट अर्थात कात्तिक १७ मा तीनदिने राजकीय भ्रमणमा नेपाल आउने तय भए पनि औपचारिक घोषणा भएको छैन ।<br><br>अन्य देशको भ्रमणमा जाँदा भारतीय सेनाको विशेष कमाण्डो फोर्स यतिधेरै संख्यामा नजाने गरेकोमा नेपालमा किन आउँदैछ यसबारेमा भने कतै केही उल्लेख छैन ।<br><br>भारतले गरेको नाकाबन्दी र त्यसपछिका लगातारका भारतीय हस्तक्षेप र विवादका कारण पछिल्लो समय नेपालमा भारत बिरोधी भावना बढेर गएको छ ।<br><br>नेपालको संविधानमा संशोधन, संविधानको अझैसम्म स्वागत नगर्नु, तराई केन्द्रित जातिय क्षेत्रिय पार्टीको पक्ष लिएर अभिव्यक्ति दिने गरेका कारण पनि भारत बिरुद्ध नेपालमा भावना र आवाज बढ्दै गएको छ ।<br><br></p>