20.12¡ÆC
<p>५ कार्तिक, काठमाडौं ।<br>अख्तियार दुरुपयोग अनुसन्धान आयोगका निलम्बित प्रमुख लोकमानसिंह कार्कीले आफूलाई संसदको महाअभियोगबाट जोगाउन विभिन्न संयन्त्र प्रयोग गर्ने क्रममा कूटनीतिक समुदायलाई समेत उपयोग गरेका छन् ।<br><br>उनको बचाउमा भारतीय रिसर्च एन्ड एनालाइसिस विङ 'रअ' राजधानीमा सक्रिय भएको छ । उक्त विङले भारतीय दूतावास, नेपालको परराष्ट्र मन्त्रालयमार्फत प्रभावमा राख्न सक्ने केही कूटनीतिज्ञ, राजनीतिक दलका नेता तथा नागरिक समाजका व्यक्तिलाई समेत उपयोग गरिरहेको अधिकारीहरूले बताए ।<br><br>करिअरको त्रास, राजनीतिक पद र आर्थिक प्रलोभन देखाएर यस्ता प्रयास भइरहेको ती अधिकारीले जनाए । आजको कान्तिपुरमा खबर छापिएको छ ।<br><br>कार्कीविरुद्ध महाअभियोग प्रस्ताव दर्ता हुनासाथ रअका नेपाल स्टेसन प्रमुख विवेक जोहरी राजनीतिक भेटघाटमा संलग्न हुन थालेका छन् । उनले विभिन्न राजनीतिक दलका शीर्ष तथा प्रभावशाली नेताहरूलाई भेटेका छन् ।<br><br>उनले मधेसी दलका नेताहरूदेखि सरकारमा रहेका तराई भेगका नेताहरूसँग बिहीबार दिनभर भेटघाट गरेको गृह मन्त्रालय उच्च स्रोतले बतायो ।<br><br>यसैबीच भारतीय राजदूत रणजित रायले प्रधानमन्त्री पुष्पकमल दाहाललाई बुधबार बेलुका नै भेटेर लोकमान प्रकरणबारे जिज्ञासा राखेका छन् । उनले कांग्रेस सभापति शेरबहदुर देउवासँग पनि टेलिफोन सम्पर्क गरेर यस विषयमा जिज्ञासा राखेका छन् ।<br><br>नेपालको आन्तरिक राजनीतिमा हस्तक्षेप गर्दै आएको छिमेकी देश भारतले यसरी एउटा कर्मचारी नियुक्तीमा दवाव दिएकोमा अहिले हटाउँदा समेत दवाव दिंदा समेत नेपालका राजनीतिक दल र नेताहरु चुपचाप बसेका छन् ।<br>अझ उदेक लाग्दो कुरा त के भने आफ्नो देशमाथिको यस्तो हस्तक्षेपमा जनस्तरबाट समेत व्यापक बिरोध र आवाज नउठ्नु झनै दुखद देखिएको छ ।<br><br></p>
