लोकमान बिरुद्ध एमाले माओवादी सांसदले महाअभियोग प्रस्ताव दर्ता गरे, काँग्रेस मौन

<p>३ कार्तिक, काठमाडौं ।<br>लोकमानसिंह कार्कीलाई महाअभियोग लगाउन नेपाली काँग्रेसले खुट्टा कमाएपनि नेकपा एमाले र एमाओवादीका सांसदहरुले कार्की बिरुद्ध महाअभियोग प्रस्ताव दर्ता गराएका छन् ।<br><br>अझ रोचक कुरा त के भने कार्की बिरुद्ध संसदमा छलफल प्रस्ताव दर्ता गरेर लोकप्रिय बन्न खोजेका वर्तमान स्वास्थ्य मन्त्री गगन थापाले समेत कार्की बिरुद्धको महाअभियोग प्रस्तावमा सहयोग गरेका छैनन् ।<br><br>अख्तियार दुरूपयोग अनुसन्धान आयोगका प्रमुख आयुक्त रहेर बिदा भन्दै बिदेशमा बस्दै आएका कार्की बिरुद्ध सत्तारुढ दल नेकपा माओवादी केन्द्र र प्रतिपक्षी दल नेकपा एमालेका १५७ जनाले लिखित हस्ताक्षर सहित बुधबार संसदमा महाअभियोग प्रस्ताव दर्ता गराएका छन् ।<br><br>संविधानको धारा १०१ बमोजिम सभामुख ओनसरी घर्तीमगरले ११ सदस्यीय महाअभियोग सिफारिस समिति गठन गरेको केही समयमै कार्कीविरूद्ध महाअभियोग प्रस्ताव दर्ता भएको हो ।<br><br>एमाले प्रमुख सचेतक भानुभक्त ढकालका अनुसार एमाले र माओवादीका १५७ सदस्यले महाअभियोग प्रस्ताव लिखित रुपमा संसदका महासचिवलाई बुझाएका छन्।<br><br>नियुक्ति अघिदेखिनै चर्को जनबिरोधका बावजुद हालका प्रधानमन्त्री पुष्पकमल दाहालको सिफारिस सहित काँग्रेस एमालेको समर्थनमा कार्कीलाई राष्टपती रामवरण यादवले रातारात नियुक्ती र शपथ खुवाएका थिए ।<br><br>भारतीय राष्टपतीले समेत कार्कीलाई नै अख्तियार प्रमुख बनाउन फोन गरेर यादवलाई दवाव दिएको खुलासा भइसकेको छ ।<br><br>कार्की बिरुद्ध पद सम्हालेदेखीनै साना भ्रष्टाचारका घटनामा हात हाल्दै ठूला आर्थिक चलखेलमा स्वयं संलग्न रहँदै आएको आरोप खेपेका उनी बिरुद्ध अदालतले कारवाही प्रक्रियाको लागि घरमा सुचना टाँस गरिसकेको छ ।<br><br>सविधान र कानुनको उल्लंघन गरेको, कार्यक्षेत्रको अभाव वा खराब आचरण भएको वा इमानदारीपूर्वक आफ्नो पदीय कर्तव्य पालना नगरेको, आचारसंहितको गम्भीर उल्लंघन गरेको कारणले आफ्नो पदीय जिम्मेवारी पूरा गर्न नसकेको आधारमा एक चौथाइ सबै सदस्यको सिफारिस भए महाअभियोग प्रस्ताव दर्ता हुन्छ ।<br><br>महाअभियोग प्रस्ताव दर्तापछि सम्बन्धित व्यक्तिलाई निलम्बनमा राखी अनुसन्धान सुरू हुन्छ र दोषी प्रमाणित भए कारबाही प्रक्रिया अगाडि बढ्ने नियम रहेको छ ।<br></p>