धनकुटाले पहिलो पटक पशु दिवस मनायो

<p>१८ साउन, धनकुटा ।<br>पशु सेवा कार्यालय धनकुटाको अगुवाईमा धनकुटाले पहिलो पटक बिश्व पशु दिवस मनाएको छ ।<br><br>दिवसको अबसरमा कार्यालयले १७ गते पशु स्वास्थ्य जाँच कार्यक्रम र १८ गते ‘पशुको स्हार,हाम्रो संस्कार’ बिषयक अन्तरक्रिया कार्यक्रम गर्दै दिवसको समापन गरेको छ ।<br><br>उक्त २ दिन कार्यक्रमको समापन कार्यक्रममा बोल्दै प्रमुख जिल्ला अधिकारी प्रेम प्रकाश उप्रतीले वातावरण अतिक्रमणका कारण गाउँमा मात्र नभएर शहरमा पनि जंगली पशुप्राणीहरुले दुःख दिएको यसको व्यबस्थापनमा लाग्नु पर्ने बताउनु भयो ।<br><br>सो अबसरमा कार्यक्रमका अध्यक्ष तथा स्थानिय बिकास अधिकारी गणेश प्रसाद दाहालले पशु,वन र कृषि कार्यालयले पशुपंक्षीका बिषयमा मिलेर योजना बनाएर काम गरे त्यस सम्बन्धि देखिएका समस्याहरु न्यूनिकरण भएर जाने बताउनु भयो ।<br><br>कार्यालयका पशु चिकित्सक झविन्द्र मरासिनीले प्रस्तुत गर्नुभएको कार्यक्रम माथि धनकुटा नगरपालिकाका कार्यकारी अधिकृत तिर्थ प्रसाद धिताल,पत्रकार महासंघ धनकुटाका अध्यक्ष खगेन्द्र प्रसाद घिमिरे,नेपाल आदिवासी जनजाति जिल्ला समन्वयन समितिका अध्यक्ष सन्जय सन्तोषी राई,धनकुटा २ का अगुवा कृषक लाखमान घिसिङ्ग लगाएतले पशुपंक्षी उचित बध र ब्यबस्थापन गर्नुपर्ने बिषयमा बिचार राख्नु भएको थियो ।<br><br>पशु सेवा कार्यालय धनकुटाको तथ्यांक अनुसार हाल धनकुटामा स्थिर संख्या रहने पशुको संख्या २ लाख ६५ हजार ९ सय ५३ रहेको छ ।<br><br><br></p>