बगरमा माछा पालन

<p>८ असोज, धनकुटा ।<br>तीन दशकको लामो प्रयास पछि आफ्नै प्रबिधिमा खोलाको तथबन्धन गर्न सफल भएपछि धनकुटाका एक व्यक्तिले २३ लाख खर्चेर त्यसै खेर गईरहेको बगरमा माछा पालन शुरु गर्नुभएको छ ।<br><br>धनकुटा बुढिमोरङ्ग गाबिस ५ का ६४ बर्षिया देव ईवाहाङ्ग लिम्बुले जिल्लाकै भेडेटार गाबिस स्थित फलामेटारको लेउती खोलामा रहेको आफ्नो ३५ रोपनी खोला बगिरहेको बगर जमिनको तथबन्धन गरेर व्यबसाय शुरु गर्नुभएको हो ।<br><br>२०४१ सालको बाढीले बगेको जमिन मा अनेकौ प्रबिधि अपनाउँदा पनि खोला पसेर पटक पटक जमिन बगाएपछि&nbsp; लिम्बुले २०७२ सालमा आफ्नै अनुभवमा अपनाएको ‘करुवा’ बिधिको तथबन्धन सफल भएपछि व्यबसाय शुरु गर्नुभएको लिम्बुले जानकारी दिनु भयो ।<br><br>हाल १० रोपनी क्षेत्रफलमा ४ वटा ठूला पोखरी निर्माण गरी १८ हजार बिभिन्न जातका माछा लगाएर व्यबसाय शुरु गरेको लिम्बुले आगामी ५ बर्ष भित्रमा सबै जमिनमा माछापालन पुरा गर्ने लक्ष रहेको जानकारी दिनुभयो ।<br><br>हाल नीजि १० लाख र माछापुछ्रे बैंक धनकुटा शाखाको १३ लाख लगानी रहेको उक्त बगरको माछा फर्म निर्माण पुरा भएपछि उक्त स्थानमा माछाको परिकार खुवाउने होटल सन्चालन गरिने लिम्बुले जानकारी दिए ।<br><br>हाल धनकुटामा धनकुटामा ४ हेक्टर क्षेत्रफलमा ४ दशमलव ९६ मेट्रिकटन माछा उत्पादन हुने जिल्ला कृषि बिकास कार्यालयको तथ्यांक छ ।<br><br></p>