पहिरोमा परी एक विदेशीसहित चारको मृत्यु

<p>७ असोज, गोरखा ।<br>उत्तरी गोरखाको केरौजा– ९ स्थित उहिया दोभानखण्डमा झरेको पहिरोमा परी हिजो एक विदेशी नागरिकसहित चार जनाको मृत्यु भएको छ ।</p><p>पहिरोमा परी ४ विदेशी नागरिक सहित ६ जना घाइते भएका छन् । <br><br>पहिरोमा परी काठमाडौंका दोर्जे लामा र छिरि शेर्पा, ओखलढुङ्गा घर भएकी क्यान नेपाल संस्थामा काम गर्ने रञ्जना वस्नेत र एक स्पेनका नागरिकको मृत्यु भएको प्रमुख जिल्ला अधिकारी नारायणप्रसाद भट्टले जानकारी दिनुभयो । <br><br>घाइतेको फिष्टेल एयरले उद्धार गरी उपचारका लागि काठमाडौ ल्याएको छ । घटनास्थल सदरमुकामदेखि दुई दिनको पैदल दुरीमा पर्छ ।</p><p>गत वर्ष गएको भूकम्पपछि सो क्षेत्रमा पहिरो निरन्तर झर्ने गरेको मनास्लु क्षेत्रको पदमार्गका लागि हिंडेका विदेशी पर्यटकसहित नेपाली नागरिक पहिरोमा परेका हुन् ।<br><br><br><br><br><br></p>